၂၇၀. ဥလူကဇာတကံ (၃-၂-၁၀)

၅၈. သဗ္ဗေဟိ ကိရ ဉာတီဟိ၊ ကောသိယော ဣဿရော ကတော၊

သစေ ဉာတီဟိ အနုညာတော [ဉာတီဟနုညာတော (သီ. ပီ.)]၊ ဘဏေယျာဟံ ဧကဝါစိကံ.

၅၉. ဘဏ သမ္မ အနုညာတော၊ အတ္ထံ ဓမ္မဉ္စ ကေဝလံ၊

သန္တိ ဟိ ဒဟရာ ပက္ခီ၊ ပညဝန္တော ဇုတိန္ဓရာ.

၆၀. န မေ ရုစ္စတိ ဘဒ္ဒံ ဝေါ [ဘဒန္တေ (က.)]၊ ဥလူကဿာဘိသေစနံ၊

အက္ကုဒ္ဓဿ မုခံ ပဿ၊ ကထံ ကုဒ္ဓေါ ကရိဿတီတိ.

ဥလူကဇာတကံ ဒသမံ.

ပဒုမဝဂ္ဂေါ ဒုတိယော.

တဿုဒ္ဒါနံ –

ပဒုမုတ္တမ နာဂသိရိဝှယနော၊ သ-မဟဏ္ဏဝ ယူပ ခုရပ္ပဝရော၊

အထ ဘဒ္ဒလီ ကုဉ္ဇရ ရုက္ခ ပုန၊ ခရဝါစ ဥလူကဝရေန ဒသာတိ.