၂၁၀. ကန္ဒဂလကဇာတကံ (၂-၆-၁၀)

၁၁၉. အမ္ဘော ကော နာမ ယံ ရုက္ခော၊ သိန္နပတ္တော [သီနပတ္တော (သီ. ပီ.)] သကဏ္ဋကော၊

ယတ္ထ ဧကပ္ပဟာရေန၊ ဥတ္တမင်္ဂံ ဝိဘိဇ္ဇိတံ [ဝိသာဋိကံ (သီ. သျာ. ပီ.)၊ ဝိဃာဋိတံ (သီ. နိယျ)].

၁၂၀. အစာရိ ဝတာယံ ဝိတုဒံ ဝနာနိ၊ ကဋ္ဌင်္ဂရုက္ခေသု အသာရကေသု၊

အထာသဒါ ခဒိရံ ဇာတသာရံ [ဇာတိသာရံ (က.)]၊ ယတ္ထဗ္ဘိဒါ ဂရုဠော ဥတ္တမင်္ဂန္တိ.

ကန္ဒဂလက [ကန္ဒလက (က.)] ဇာတကံ ဒသမံ.

နတံဒဠှဝဂ္ဂေါ ဆဋ္ဌော.

တဿုဒ္ဒါနံ –

ဒဠှဗန္ဓန ဟံသဝရော စ ပုန၊ ဝိရူပက္ခ သဝိဋ္ဌက မစ္ဆဝရော၊

သကုရုင်္ဂ သအဿက အမ္ဗဝရော၊ ပုန ကုက္ကုဋကော ဂရုဠေန ဒသာတိ.