၂၀၀. သာဓုသီလဇာတကံ (၂-၅-၁၀)

၉၉. သရီရဒဗျံ ဝုဍ္ဎဗျံ [ဝဒ္ဓဗျံ (သီ. ပီ.)]၊ သောဇစ္စံ သာဓုသီလိယံ၊

ဗြာဟ္မဏံ တေဝ ပုစ္ဆာမ၊ ကန္နု တေသံ ဝနိမှသေ [ဝဏိမှသေ (သီ. ပီ.)].

၁၀၀. အတ္ထော အတ္ထိ သရီရသ္မိံ၊ ဝုဍ္ဎဗျဿ နမော ကရေ၊

အတ္ထော အတ္ထိ သုဇာတသ္မိံ၊ သီလံ အသ္မာက ရုစ္စတီတိ.

သာဓုသီလဇာတကံ ဒသမံ.

ရုဟကဝဂ္ဂေါ ပဉ္စမော.

တဿုဒ္ဒါနံ –

အပိရုဟက ရူပဝတီ မုသလော၊ ပဝသန္တိ သပဉ္စမပေါက္ခရဏီ၊

အထ မုတ္တိမဝါဏိဇ ဥမှယတေ၊ စိရအာဂတ ကောဋ္ဌ သရီရ ဒသာတိ.