၄. တတိယသမာဓိသုတ္တဝဏ္ဏနာ

၉၄. စတုတ္ထေ ဧဝံ ခေါ၊ အာဝုသော၊ သင်္ခါရာ ဒဋ္ဌဗ္ဗာတိအာဒီသု၊ အာဝုသော၊ သင်္ခါရာ နာမ အနိစ္စတော ဒဋ္ဌဗ္ဗာ၊ အနိစ္စတော သမ္မသိတဗ္ဗာ၊ အနိစ္စတော ပဿိတဗ္ဗာ. တထာ ဒုက္ခတော၊ အနတ္တတောတိ ဧဝံ အတ္ထော ဒဋ္ဌဗ္ဗော. ဧဝံ ခေါ၊ အာဝုသော၊ စိတ္တံ သဏ္ဌပေတဗ္ဗန္တိအာဒီသုပိ ပဌမဇ္ဈာနဝသေန၊ အာဝုသော၊ စိတ္တံ သဏ္ဌပေတဗ္ဗံ ပဌမဇ္ဈာနဝသေန သန္နိသာဒေတဗ္ဗံ၊ ပဌမဇ္ဈာနဝသေန ဧကောဒိ ကာတဗ္ဗံ၊ ပဌမဇ္ဈာနဝသေန သမာဒဟိတဗ္ဗံ. တထာ ဒုတိယဇ္ဈာနာဒိဝသေနာတိ ဧဝံ အတ္ထော ဒဋ္ဌဗ္ဗော. ဣမေသု တီသုပိ သုတ္တေသု သမထဝိပဿနာ လောကိယလောကုတ္တရာဝ ကထိတာ.