(၇) အဋ္ဌ အသညီဝါဒါ

၉၅၈. တတ္ထ ကတမေ အဋ္ဌ အသညီဝါဒါ? ‘‘ရူပီ အတ္တာ ဟောတိ အရောဂေါ ပရံ မရဏာ’’တိ – အသညီတိ နံ ပညပေန္တိ၊ အရူပီ အတ္တာ။ပေ။ ရူပီ စ အရူပီ စ။ပေ။ နေဝရူပီနာရူပီ။ပေ။ ‘‘အန္တဝါ အတ္တာ ဟောတိ အရောဂေါ ပရံ မရဏာ’’တိ – အသညီတိ နံ ပညပေန္တိ၊ ‘‘အနန္တဝါ အတ္တာ ဟောတိ အရောဂေါ ပရံ မရဏာ’’တိ – အသညီတိ နံ ပညပေန္တိ၊ ‘‘အန္တဝါ စ အနန္တဝါ စ အတ္တာ ဟောတိ အရောဂေါ ပရံ မရဏာ’’တိ – အသညီတိ နံ ပညပေန္တိ၊ ‘‘နေဝန္တဝါ နာနန္တဝါ အတ္တာ ဟောတိ အရောဂေါ ပရံ မရဏာ’’တိ – အသညီတိ နံ ပညပေန္တိ. ဣမေ အဋ္ဌ အသညီဝါဒါ.