၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၂၈၂. ဟေတုံ ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဟေတု ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ ဒဿနေန ပဟာတဗ္ဗဟေတုကံ ဓမ္မံ ပဋိစ္စ နဟေတု ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ ဒဿနေန ပဟာတဗ္ဗဟေတုကဉ္စ နဟေတုံ ဒဿနေန ပဟာတဗ္ဗဟေတုကဉ္စ ဓမ္မံ ပဋိစ္စ ဟေတု ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၂၈၃. ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ (သံခိတ္တံ).

နအဓိပတိပစ္စယော

၂၈၄. ဟေတုံ ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဟေတု ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ).

၂၈၅. နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ).

ဟေတုပစ္စယာ နအဓိပတိယာ နဝ (သံခိတ္တံ).

နအဓိပတိပစ္စယာ ဟေတုယာ နဝ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)