နမော တဿ ဘဂဝတော အရဟတော သမ္မာသမ္ဗုဒ္ဓဿ

အဘိဓမ္မပိဋကေ

ပဋ္ဌာနပါဠိ

(စတုတ္ထော ဘာဂေါ)

ဓမ္မာနုလောမေ ဒုကပဋ္ဌာနံ

၁၂. ကိလေသဂေါစ္ဆကံ

၇၅. ကိလေသဒုကံ

၁. ပဋိစ္စဝါရော

၁. ပစ္စယာနုလောမံ

၁. ဝိဘင်္ဂဝါရော

ဟေတုပစ္စယော

၁. ကိလေသံ ဓမ္မံ ပဋိစ္စ ကိလေသော ဓမ္မော ဥပ္ပဇ္ဇတိ ဟေတုပစ္စယာ – လောဘံ ပဋိစ္စ မောဟော ဒိဋ္ဌိ ထိနံ [ထီနံ (သီ. သျာ.)] ဥဒ္ဓစ္စံ အဟိရိကံ အနောတ္တပ္ပံ၊ လောဘံ ပဋိစ္စ မောဟော ဒိဋ္ဌိ ဥဒ္ဓစ္စံ အဟိရိကံ အနောတ္တပ္ပံ၊ လောဘံ ပဋိစ္စ မောဟော မာနော ထိနံ ဥဒ္ဓစ္စံ အဟိရိကံ အနောတ္တပ္ပံ၊ လောဘံ ပဋိစ္စ မောဟော မာနော ဥဒ္ဓစ္စံ အဟိရိကံ အနောတ္တပ္ပံ၊ လောဘံ ပဋိစ္စ မောဟော ထိနံ ဥဒ္ဓစ္စံ အဟိရိကံ အနောတ္တပ္ပံ၊ လောဘံ ပဋိစ္စ မောဟော ဥဒ္ဓစ္စံ အဟိရိကံ အနောတ္တပ္ပံ၊ ဒေါသံ ပဋိစ္စ မောဟော ထိနံ ဥဒ္ဓစ္စံ အဟိရိကံ အနောတ္တပ္ပံ၊ ဒေါသံ ပဋိစ္စ မောဟော ဥဒ္ဓစ္စံ အဟိရိကံ အနောတ္တပ္ပံ၊ ဝိစိကိစ္ဆံ ပဋိစ္စ မောဟော ဥဒ္ဓစ္စံ အဟိရိကံ အနောတ္တပ္ပံ၊ ဥဒ္ဓစ္စံ ပဋိစ္စ မောဟော အဟိရိကံ အနောတ္တပ္ပံ. (၁)

ကိလေသံ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ ဟေတုပစ္စယာ – ကိလေသံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ. (၂)

ကိလေသံ ဓမ္မံ ပဋိစ္စ ကိလေသော စ နောကိလေသော စ ဓမ္မာ ဥပ္ပဇ္ဇန္တိ ဟေတုပစ္စယာ – လောဘံ ပဋိစ္စ မောဟော ဒိဋ္ဌိ ထိနံ ဥဒ္ဓစ္စံ အဟိရိကံ အနောတ္တပ္ပံ သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ (စက္ကံ). (၃)

၂. နောကိလေသံ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ ဟေတုပစ္စယာ – နောကိလေသံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ။ပေ။. (၁)

နောကိလေသံ ဓမ္မံ ပဋိစ္စ ကိလေသော ဓမ္မော ဥပ္ပဇ္ဇတိ ဟေတုပစ္စယာ – နောကိလေသေ ခန္ဓေ ပဋိစ္စ ကိလေသာ. (၂)

နောကိလေသံ ဓမ္မံ ပဋိစ္စ ကိလေသော စ နောကိလေသော စ ဓမ္မာ ဥပ္ပဇ္ဇန္တိ ဟေတုပစ္စယာ – နောကိလေသံ ဧကံ ခန္ဓံ ပဋိစ္စ တယော ခန္ဓာ ကိလေသာ စ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။. (၃)

၃. ကိလေသဉ္စ နောကိလေသဉ္စ ဓမ္မံ ပဋိစ္စ ကိလေသော ဓမ္မော ဥပ္ပဇ္ဇတိ ဟေတုပစ္စယာ – လောဘဉ္စ သမ္ပယုတ္တကေ စ ခန္ဓေ ပဋိစ္စ မောဟော ဒိဋ္ဌိ ထိနံ ဥဒ္ဓစ္စံ အဟိရိကံ အနောတ္တပ္ပံ (စက္ကံ). (၁)

ကိလေသဉ္စ နောကိလေသဉ္စ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ ဟေတုပစ္စယာ – နောကိလေသံ ဧကံ ခန္ဓဉ္စ ကိလေသေ စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ စ။ပေ။ ကိလေသေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ. (၂)

ကိလေသဉ္စ နောကိလေသဉ္စ ဓမ္မံ ပဋိစ္စ ကိလေသော စ နောကိလေသော စ ဓမ္မာ ဥပ္ပဇ္ဇန္တိ ဟေတုပစ္စယာ – နောကိလေသံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ မောဟော ဒိဋ္ဌိ ထိနံ ဥဒ္ဓစ္စံ အဟိရိကံ အနောတ္တပ္ပံ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ စ။ပေ။ (စက္ကံ၊ သံခိတ္တံ). (၃)

၁. ပစ္စယာနုလောမံ

၂. သင်္ချာဝါရော

၄. ဟေတုယာ နဝ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ (သဗ္ဗတ္ထ နဝ)၊ ဝိပါကေ ဧကံ။ပေ။ အဝိဂတေ နဝ.

၂. ပစ္စယပစ္စနီယံ

၁. ဝိဘင်္ဂဝါရော

နဟေတုပစ္စယော

၅. ကိလေသံ ဓမ္မံ ပဋိစ္စ ကိလေသော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆံ ပဋိစ္စ မောဟော၊ ဥဒ္ဓစ္စံ ပဋိစ္စ မောဟော. (၁)

နောကိလေသံ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောကိလေသံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ။ပေ။ (ယာဝ အသညသတ္တာ). (၁)

နောကိလေသံ ဓမ္မံ ပဋိစ္စ ကိလေသော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၂)

ကိလေသဉ္စ နောကိလေသဉ္စ ဓမ္မံ ပဋိစ္စ ကိလေသော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ စ ဝိစိကိစ္ဆဉ္စ ပဋိစ္စ ဝိစိကိစ္ဆာသဟဂတော မောဟော၊ ဥဒ္ဓစ္စသဟဂတေ ခန္ဓေ စ ဥဒ္ဓစ္စဉ္စ ပဋိစ္စ ဥဒ္ဓစ္စသဟဂတော မောဟော. (၁)

နအာရမ္မဏပစ္စယာဒိ

၆. ကိလေသံ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ နအာရမ္မဏပစ္စယာ – ကိလေသေ ပဋိစ္စ စိတ္တသမုဋ္ဌာနံ ရူပံ. (၁)

နောကိလေသံ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ နအာရမ္မဏပစ္စယာ – နောကိလေသေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။ ခန္ဓေ ပဋိစ္စ ဝတ္ထု (ယာဝ အသညသတ္တာ). (၁)

ကိလေသဉ္စ နောကိလေသဉ္စ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ နအာရမ္မဏပစ္စယာ – ကိလေသေ စ သမ္ပယုတ္တကေ စ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ကိလေသေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ. (၁)

နအဓိပတိပစ္စယာ။ နအနန္တရပစ္စယာ။ နသမနန္တရပစ္စယာ။ နအညမညပစ္စယာ။ နဥပနိဿယပစ္စယာ.

နပုရေဇာတပစ္စယာဒိ

၇. ကိလေသံ ဓမ္မံ ပဋိစ္စ ကိလေသော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ လောဘံ ပဋိစ္စ မောဟော ဒိဋ္ဌိ ထိနံ ဥဒ္ဓစ္စံ အဟိရိကံ အနောတ္တပ္ပံ၊ လောဘံ ပဋိစ္စ မောဟော ဒိဋ္ဌိ ဥဒ္ဓစ္စံ အဟိရိကံ အနောတ္တပ္ပံ၊ လောဘံ ပဋိစ္စ မောဟော မာနော ထိနံ ဥဒ္ဓစ္စံ အဟိရိကံ အနောတ္တပ္ပံ၊ လောဘံ ပဋိစ္စ မောဟော မာနော ဥဒ္ဓစ္စံ အဟိရိကံ အနောတ္တပ္ပံ၊ လောဘံ ပဋိစ္စ မောဟော ထိနံ ဥဒ္ဓစ္စံ အဟိရိကံ အနောတ္တပ္ပံ၊ လောဘံ ပဋိစ္စ မောဟော ဥဒ္ဓစ္စံ အဟိရိကံ အနောတ္တပ္ပံ၊ ဝိစိကိစ္ဆံ ပဋိစ္စ မောဟော ဥဒ္ဓစ္စံ အဟိရိကံ အနောတ္တပ္ပံ၊ ဥဒ္ဓစ္စံ ပဋိစ္စ မောဟော အဟိရိကံ အနောတ္တပ္ပံ (အရူပေ ဒေါသမူလကံ နတ္ထိ). (၁)

ကိလေသံ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ကိလေသေ ပဋိစ္စ သမ္ပယုတ္တကာ ခန္ဓာ၊ ကိလေသေ ပဋိစ္စ စိတ္တသမုဋ္ဌာနံ ရူပံ (ဧဝံ နဝပိ ပဉှာ ကာတဗ္ဗာ)၊ နပစ္ဆာဇာတပစ္စယာ၊ နအာသေဝနပစ္စယာ.

နကမ္မပစ္စယော

၈. ကိလေသံ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ နကမ္မပစ္စယာ – ကိလေသေ ပဋိစ္စ သမ္ပယုတ္တကာ စေတနာ. (၁)

နောကိလေသံ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ နကမ္မပစ္စယာ – နောကိလေသေ ခန္ဓေ ပဋိစ္စ သမ္ပယုတ္တကာ စေတနာ၊ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ပေ။. (၁)

ကိလေသဉ္စ နောကိလေသဉ္စ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ နကမ္မပစ္စယာ – ကိလေသေ စ သမ္ပယုတ္တကေ စ ခန္ဓေ ပဋိစ္စ သမ္ပယုတ္တကာ စေတနာ. (၁) (ဧဝံ သဗ္ဗေ ပစ္စယာ ကာတဗ္ဗာ.)

၂. ပစ္စယပစ္စနီယံ

၂. သင်္ချာဝါရော

သုဒ္ဓံ

၉. နဟေတုယာ စတ္တာရိ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ နဝ၊ နောနတ္ထိယာ တီဏိ၊ နောဝိဂတေ တီဏိ.

၂. သဟဇာတဝါရော

(ဧဝံ ဣတရေ ဒွေ ဂဏနာပိ သဟဇာတဝါရောပိ ကာတဗ္ဗော.)

၃. ပစ္စယဝါရော

၁. ပစ္စယာနုလောမံ

၁. ဝိဘင်္ဂဝါရော

ဟေတုပစ္စယော

၁၀. ကိလေသံ ဓမ္မံ ပစ္စယာ ကိလေသော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (ပဋိစ္စသဒိသာ).

နောကိလေသံ ဓမ္မံ ပစ္စယာ နောကိလေသော ဓမ္မော ဥပ္ပဇ္ဇတိ ဟေတုပစ္စယာ – နောကိလေသံ ဧကံ ခန္ဓံ ပစ္စယာ တယော ခန္ဓာ။ပေ။ (ယာဝ အဇ္ဈတ္တိကာ မဟာဘူတာ) ဝတ္ထုံ ပစ္စယာ နောကိလေသာ ခန္ဓာ. (၁)

နောကိလေသံ ဓမ္မံ ပစ္စယာ ကိလေသော ဓမ္မော ဥပ္ပဇ္ဇတိ ဟေတုပစ္စယာ – နောကိလေသေ ခန္ဓေ ပစ္စယာ ကိလေသာ၊ ဝတ္ထုံ ပစ္စယာ ကိလေသာ. (၂)

နောကိလေသံ ဓမ္မံ ပစ္စယာ ကိလေသော စ နောကိလေသော စ ဓမ္မာ ဥပ္ပဇ္ဇန္တိ ဟေတုပစ္စယာ – နောကိလေသံ ဧကံ ခန္ဓံ ပစ္စယာ တယော ခန္ဓာ ကိလေသာ စ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ဝတ္ထုံ ပစ္စယာ ကိလေသာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဝတ္ထုံ ပစ္စယာ ကိလေသာ စ သမ္ပယုတ္တကာ စ ခန္ဓာ. (၃)

၁၁. ကိလေသဉ္စ နောကိလေသဉ္စ ဓမ္မံ ပစ္စယာ ကိလေသော ဓမ္မော ဥပ္ပဇ္ဇတိ ဟေတုပစ္စယာ – လောဘဉ္စ သမ္ပယုတ္တကေ စ ခန္ဓေ ပစ္စယာ မောဟော ဒိဋ္ဌိ ထိနံ ဥဒ္ဓစ္စံ အဟိရိကံ အနောတ္တပ္ပံ (စက္ကံ). လောဘဉ္စ ဝတ္ထုဉ္စ ပစ္စယာ ကိလေသာ. (၁)

ကိလေသဉ္စ နောကိလေသဉ္စ ဓမ္မံ ပစ္စယာ နောကိလေသော ဓမ္မော ဥပ္ပဇ္ဇတိ ဟေတုပစ္စယာ – နောကိလေသံ ဧကံ ခန္ဓဉ္စ ကိလေသဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ စ။ပေ။ ကိလေသေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ကိလေသေ စ ဝတ္ထုဉ္စ ပစ္စယာ နောကိလေသာ ခန္ဓာ. (၂)

ကိလေသဉ္စ နောကိလေသဉ္စ ဓမ္မံ ပစ္စယာ ကိလေသော စ နောကိလေသော စ ဓမ္မာ ဥပ္ပဇ္ဇန္တိ ဟေတုပစ္စယာ – နောကိလေသံ ဧကံ ခန္ဓဉ္စ လောဘဉ္စ ပစ္စယာ တယော ခန္ဓာ မောဟော ဒိဋ္ဌိ ထိနံ ဥဒ္ဓစ္စံ အဟိရိကံ အနောတ္တပ္ပံ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ စ။ပေ။ (စက္ကံ). လောဘဉ္စ ဝတ္ထုဉ္စ ပစ္စယာ မောဟော ဒိဋ္ဌိ ထိနံ ဥဒ္ဓစ္စံ အဟိရိကံ အနောတ္တပ္ပံ သမ္ပယုတ္တကာ စ ခန္ဓာ (စက္ကံ). (၃)

(အာရမ္မဏပစ္စယေ နောကိလေသမူလေ ပဉ္စ ဝိညာဏာ ကာတဗ္ဗာ.)

၁. ပစ္စယာနုလောမံ

၂. သင်္ချာဝါရော

၁၂. ဟေတုယာ နဝ၊ အာရမ္မဏေ နဝ၊ အဓိပတိယာ နဝ (သဗ္ဗတ္ထ နဝ)၊ ဝိပါကေ ဧကံ။ပေ။ အဝိဂတေ နဝ.

၂. ပစ္စယပစ္စနီယံ

၁. ဝိဘင်္ဂဝါရော

နဟေတုပစ္စယော

၁၃. ကိလေသံ ဓမ္မံ ပစ္စယာ ကိလေသော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆံ ပစ္စယာ ဝိစိကိစ္ဆာသဟဂတော မောဟော၊ ဥဒ္ဓစ္စံ ပစ္စယာ ဥဒ္ဓစ္စသဟဂတော မောဟော. (၁)

နောကိလေသံ ဓမ္မံ ပစ္စယာ နောကိလေသော ဓမ္မော ဥပ္ပဇ္ဇတိ နဟေတုပစ္စယာ (ယာဝ အသညသတ္တာ) – စက္ခာယတနံ ပစ္စယာ စက္ခုဝိညာဏံ။ပေ။ ကာယာယတနံ။ပေ။ ဝတ္ထုံ ပစ္စယာ အဟေတုကာ နောကိလေသာ ခန္ဓာ. (၁)

နောကိလေသံ ဓမ္မံ ပစ္စယာ ကိလေသော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၂)

ကိလေသဉ္စ နောကိလေသဉ္စ ဓမ္မံ ပစ္စယာ ကိလေသော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆဉ္စ သမ္ပယုတ္တကေ စ ခန္ဓေ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော၊ ဥဒ္ဓစ္စဉ္စ သမ္ပယုတ္တကေ စ ခန္ဓေ ဝတ္ထုဉ္စ ပစ္စယာ ဥဒ္ဓစ္စသဟဂတော မောဟော (သံခိတ္တံ). (၁)

၂. ပစ္စယပစ္စနီယံ

၂. သင်္ချာဝါရော

၁၄. နဟေတုယာ စတ္တာရိ၊ နအာရမ္မဏေ တီဏိ၊ နအဓိပတိယာ နဝ။ပေ။ နကမ္မေ တီဏိ၊ နဝိပါကေ နဝ၊ နအာဟာရေ ဧကံ။ပေ။ နောဝိဂတေ တီဏိ.

၄. နိဿယဝါရော

(ဧဝံ ဣတရေ ဒွေ ဂဏနာပိ နိဿယဝါရောပိ ကာတဗ္ဗော.)

၅. သံသဋ္ဌဝါရော

၁-၄. ပစ္စယာနုလောမာဒိ

၁၅. ကိလေသံ ဓမ္မံ သံသဋ္ဌော ကိလေသော ဓမ္မော ဥပ္ပဇ္ဇတိ ဟေတုပစ္စယာ – လောဘံ သံသဋ္ဌော မောဟော ဒိဋ္ဌိ ထိနံ ဥဒ္ဓစ္စံ အဟိရိကံ အနောတ္တပ္ပံ. (စက္ကံ. ဧဝံ နဝ ပဉှာ ကာတဗ္ဗာ.)

ဟေတုယာ နဝ၊ အာရမ္မဏေ နဝ (သဗ္ဗတ္ထ နဝ)၊ ဝိပါကေ ဧကံ။ပေ။ အဝိဂတေ နဝ.

အနုလောမံ.

ကိလေသံ ဓမ္မံ သံသဋ္ဌော ကိလေသော ဓမ္မော ဥပ္ပဇ္ဇတိ နဟေတုပစ္စယာ (ဧဝံ နဟေတုပဉှာ စတ္တာရိ ကာတဗ္ဗာ.)

နဟေတုယာ စတ္တာရိ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ နဝ.

ပစ္စနီယံ.

၆. သမ္ပယုတ္တဝါရော

(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော.)

၇. ပဉှာဝါရော

၁. ပစ္စယာနုလောမံ

၁. ဝိဘင်္ဂဝါရော

ဟေတုပစ္စယော

၁၆. ကိလေသော ဓမ္မော ကိလေသဿ ဓမ္မဿ ဟေတုပစ္စယေန ပစ္စယော – ကိလေသာ ဟေတူ သမ္ပယုတ္တကာနံ ကိလေသာနံ ဟေတုပစ္စယေန ပစ္စယော. (မူလံ ပုစ္ဆိတဗ္ဗံ.) ကိလေသာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော. (မူလံ ပုစ္ဆိတဗ္ဗံ.) ကိလေသာ ဟေတူ သမ္ပယုတ္တကာနံ ခန္ဓာနံ ကိလေသာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော. (၃)

နောကိလေသော ဓမ္မော နောကိလေသဿ ဓမ္မဿ ဟေတုပစ္စယေန ပစ္စယော – နောကိလေသာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ။ပေ။. (၁)

အာရမ္မဏပစ္စယော

၁၇. ကိလေသော ဓမ္မော ကိလေသဿ ဓမ္မဿ အာရမ္မဏပစ္စယေန ပစ္စယော – ကိလေသေ အာရဗ္ဘ ကိလေသာ ဥပ္ပဇ္ဇန္တိ. (မူလံ ပုစ္ဆိတဗ္ဗံ.) ကိလေသေ အာရဗ္ဘ နောကိလေသာ ခန္ဓာ ဥပ္ပဇ္ဇန္တိ. (မူလံ ပုစ္ဆိတဗ္ဗံ.) ကိလေသေ အာရဗ္ဘ ကိလေသာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ. (၃)

၁၈. နောကိလေသော ဓမ္မော နောကိလေသဿ ဓမ္မဿ အာရမ္မဏပစ္စယေန ပစ္စယော – ဒါနံ။ပေ။ သီလံ။ပေ။ ဥပေါသထကမ္မံ။ပေ။ ပုဗ္ဗေ သုစိဏ္ဏာနိ။ပေ။ ဈာနာ ဝုဋ္ဌဟိတွာ ဈာနံ ပစ္စဝေက္ခတိ အဿာဒေတိ အဘိနန္ဒတိ၊ တံ အာရဗ္ဘ ရာဂေါ။ပေ။ ဒိဋ္ဌိ။ပေ။ ဝိစိကိစ္ဆာ။ပေ။ ဥဒ္ဓစ္စံ။ပေ။ ဒေါမနဿံ ဥပ္ပဇ္ဇတိ၊ အရိယာ မဂ္ဂါ ဝုဋ္ဌဟိတွာ။ပေ။ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော၊ စက္ခုံ။ပေ။ ဝတ္ထုံ နောကိလေသေ ခန္ဓေ အနိစ္စတော။ပေ။ ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ပေ။ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော. (၁)

နောကိလေသော ဓမ္မော ကိလေသဿ ဓမ္မဿ အာရမ္မဏပစ္စယေန ပစ္စယော – ဒါနံ။ပေ။ ဈာနာ ဝုဋ္ဌဟိတွာ ဈာနံ အဿာဒေတိ အဘိနန္ဒတိ၊ တံ အာရဗ္ဘ ရာဂေါ။ပေ။ ဒိဋ္ဌိ။ပေ။ ဝိစိကိစ္ဆာ။ပေ။ ဥဒ္ဓစ္စံ ဥပ္ပဇ္ဇတိ၊ ဈာနေ ပရိဟီနေ ဝိပ္ပဋိသာရိဿ ဒေါမနဿံ ဥပ္ပဇ္ဇတိ၊ စက္ခုံ။ပေ။ ဝတ္ထုံ နောကိလေသေ ခန္ဓေ အဿာဒေတိ အဘိနန္ဒတိ၊ တံ အာရဗ္ဘ ရာဂေါ။ပေ။ ဒေါမနဿံ ဥပ္ပဇ္ဇတိ. (၂)

နောကိလေသော ဓမ္မော ကိလေသဿ စ နောကိလေသဿ စ ဓမ္မဿ အာရမ္မဏပစ္စယေန ပစ္စယော – ဒါနံ။ပေ။ ဈာနာ ဝုဋ္ဌဟိတွာ။ပေ။ စက္ခုံ။ပေ။ ဝတ္ထုံ နောကိလေသေ ခန္ဓေ အဿာဒေတိ အဘိနန္ဒတိ၊ တံ အာရဗ္ဘ ကိလေသာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ. (၃)

ကိလေသော စ နောကိလေသော စ ဓမ္မာ ကိလေသဿ ဓမ္မဿ အာရမ္မဏပစ္စယေန ပစ္စယော။ တီဏိ.

အဓိပတိပစ္စယော

၁၉. ကိလေသော ဓမ္မော ကိလေသဿ ဓမ္မဿ အဓိပတိပစ္စယေန ပစ္စယော. အာရမ္မဏာဓိပတိ – ကိလေသေ ဂရုံ ကတွာ ကိလေသာ ဥပ္ပဇ္ဇန္တိ။ တီဏိ (အာရမ္မဏာဓိပတိယေဝ). (၃)

နောကိလေသော ဓမ္မော နောကိလေသဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – ဒါနံ။ပေ။ သီလံ။ပေ။ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ပုဗ္ဗေ။ပေ။ ဈာနာ။ပေ။ အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ပေ။ ဖလဿ အဓိပတိပစ္စယေန ပစ္စယော၊ စက္ခုံ။ပေ။ ဝတ္ထုံ နောကိလေသေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ. သဟဇာတာဓိပတိ – နောကိလေသာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၁)

နောကိလေသော ဓမ္မော ကိလေသဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – ဒါနံ။ပေ။ ဈာနံ။ပေ။ စက္ခုံ။ပေ။ ဝတ္ထုံ နောကိလေသေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ. သဟဇာတာဓိပတိ – နောကိလေသာဓိပတိ သမ္ပယုတ္တကာနံ ကိလေသာနံ အဓိပတိပစ္စယေန ပစ္စယော. (၂)

နောကိလေသော ဓမ္မော ကိလေသဿ စ နောကိလေသဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – ဒါနံ။ပေ။ ဈာနံ။ပေ။ စက္ခုံ။ပေ။ ဝတ္ထုံ နောကိလေသေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ကိလေသာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ. သဟဇာတာဓိပတိ – နောကိလေသာဓိပတိ သမ္ပယုတ္တကာနံ ခန္ဓာနံ ကိလေသာနဉ္စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၃)

ကိလေသော စ နောကိလေသော စ ဓမ္မာ ကိလေသဿ ဓမ္မဿ အဓိပတိပစ္စယေန ပစ္စယော။ တီဏိ (အာရမ္မဏာဓိပတိယေဝ). (၃)

အနန္တရပစ္စယာဒိ

၂၀. ကိလေသော ဓမ္မော ကိလေသဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ကိလေသာ ပစ္ဆိမာနံ ပစ္ဆိမာနံ ကိလေသာနံ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ ကိလေသာ ပစ္ဆိမာနံ ပစ္ဆိမာနံ နောကိလေသာနံ ခန္ဓာနံ အနန္တရပစ္စယေန ပစ္စယော၊ ကိလေသာ ဝုဋ္ဌာနဿ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ ကိလေသာ ပစ္ဆိမာနံ ပစ္ဆိမာနံ ကိလေသာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော. (၃)

၂၁. နောကိလေသော ဓမ္မော နောကိလေသဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောကိလေသာ ခန္ဓာ ပစ္ဆိမာနံ ပစ္ဆိမာနံ နောကိလေသာနံ ခန္ဓာနံ အနန္တရပစ္စယေန ပစ္စယော။ပေ။ ဖလသမာပတ္တိယာ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ နောကိလေသာ ခန္ဓာ ပစ္ဆိမာနံ ပစ္ဆိမာနံ ကိလေသာနံ အနန္တရပစ္စယေန ပစ္စယော၊ အာဝဇ္ဇနာ ကိလေသာနံ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ နောကိလေသာ ခန္ဓာ ပစ္ဆိမာနံ ပစ္ဆိမာနံ ကိလေသာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ ကိလေသာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော. (၃)

၂၂. ကိလေသော စ နောကိလေသော စ ဓမ္မာ ကိလေသဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ကိလေသာ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ကိလေသာနံ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ ကိလေသာ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ နောကိလေသာနံ ခန္ဓာနံ အနန္တရပစ္စယေန ပစ္စယော၊ ကိလေသာ စ သမ္ပယုတ္တကာ စ ခန္ဓာ ဝုဋ္ဌာနဿ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ ကိလေသာ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ကိလေသာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော. (၃)

သမနန္တရပစ္စယေန ပစ္စယော၊ သဟဇာတပစ္စယေန ပစ္စယော၊ အညမညပစ္စယေန ပစ္စယော၊ နိဿယပစ္စယေန ပစ္စယော.

ဥပနိဿယပစ္စယော

၂၃. ကိလေသော ဓမ္မော ကိလေသဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – ကိလေသာ ကိလေသာနံ ဥပနိဿယပစ္စယေန ပစ္စယော။ တီဏိ.

၂၄. နောကိလေသော ဓမ္မော နောကိလေသဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓံ ဥပနိဿာယ ဒါနံ ဒေတိ။ပေ။ မာနံ ဇပ္ပေတိ၊ ဒိဋ္ဌိံ ဂဏှာတိ၊ သီလံ။ပေ။ ပညံ။ ရာဂံ။ ဒေါသံ။ မောဟံ။ မာနံ။ ဒိဋ္ဌိံ။ ပတ္ထနံ။ ကာယိကံ သုခံ။ပေ။ သေနာသနံ ဥပနိဿာယ ဒါနံ ဒေတိ။ပေ။ သံဃံ ဘိန္ဒတိ၊ သဒ္ဓါ။ပေ။ သေနာသနံ သဒ္ဓါယ။ပေ။ ဖလသမာပတ္တိယာ ဥပနိဿယပစ္စယေန ပစ္စယော. (၁)

နောကိလေသော ဓမ္မော ကိလေသဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ။ ဒိဋ္ဌိံ ဂဏှာတိ၊ သီလံ။ပေ။ သေနာသနံ ဥပနိဿာယ ပါဏံ ဟနတိ။ပေ။ သံဃံ ဘိန္ဒတိ၊ သဒ္ဓါ။ပေ။ သေနာသနံ ကိလေသာနံ ဥပနိဿယပစ္စယေန ပစ္စယော. (၂)

နောကိလေသော ဓမ္မော ကိလေသဿ စ နောကိလေသဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ။ ဒိဋ္ဌိံ ဂဏှာတိ၊ သီလံ။ပေ။ သေနာသနံ ဥပနိဿာယ ပါဏံ ဟနတိ။ပေ။ သံဃံ ဘိန္ဒတိ၊ သဒ္ဓါ။ပေ။ သေနာသနံ ကိလေသာနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော. (၃)

ကိလေသော စ နောကိလေသော စ ဓမ္မာ ကိလေသဿ ဓမ္မဿ ဥပနိဿယပစ္စယေန ပစ္စယော။ တီဏိ.

ပုရေဇာတပစ္စယော

၂၅. နောကိလေသော ဓမ္မော နောကိလေသဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ အနိစ္စတော။ပေ။ ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ. ရူပါယတနံ စက္ခုဝိညာဏဿ။ပေ။ ဖောဋ္ဌဗ္ဗာယတနံ ကာယဝိညာဏဿ။ပေ။. ဝတ္ထုပုရေဇာတံ – စက္ခာယတနံ စက္ခုဝိညာဏဿ။ပေ။ ကာယာယတနံ ကာယဝိညာဏဿ။ပေ။ ဝတ္ထု နောကိလေသာနံ ခန္ဓာနံ ပုရေဇာတပစ္စယေန ပစ္စယော. (၁)

နောကိလေသော ဓမ္မော ကိလေသဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ အဿာဒေတိ အဘိနန္ဒတိ၊ တံ အာရဗ္ဘ ရာဂေါ။ပေ။ ဒေါမနဿံ ဥပ္ပဇ္ဇတိ. ဝတ္ထုပုရေဇာတံ – ဝတ္ထု ကိလေသာနံ ပုရေဇာတပစ္စယေန ပစ္စယော. (၂)

နောကိလေသော ဓမ္မော ကိလေသဿ စ နောကိလေသဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ အဿာဒေတိ အဘိနန္ဒတိ၊ တံ အာရဗ္ဘ ကိလေသာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ. ဝတ္ထုပုရေဇာတံ – ဝတ္ထု ကိလေသာနံ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော. (၃)

ပစ္ဆာဇာတာသေဝနပစ္စယာ

၂၆. ကိလေသော ဓမ္မော နောကိလေသဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ). (၁)

နောကိလေသော ဓမ္မော နောကိလေသဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ). (၁)

ကိလေသော စ နောကိလေသော စ ဓမ္မာ နောကိလေသဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ) အာသေဝနပစ္စယေန ပစ္စယော ။နဝ.

ကမ္မပစ္စယော

၂၇. နောကိလေသော ဓမ္မော နောကိလေသဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ. သဟဇာတာ – နောကိလေသာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ။ပေ။. နာနာက္ခဏိကာ – နောကိလေသာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော. (၁)

နောကိလေသော ဓမ္မော ကိလေသဿ ဓမ္မဿ ကမ္မပစ္စယေန ပစ္စယော – နောကိလေသာ စေတနာ ကိလေသာနံ ကမ္မပစ္စယေန ပစ္စယော. (၂)

နောကိလေသော ဓမ္မော ကိလေသဿ စ နောကိလေသဿ စ ဓမ္မဿ ကမ္မပစ္စယေန ပစ္စယော – နောကိလေသာ စေတနာ သမ္ပယုတ္တကာနံ ခန္ဓာနံ ကိလေသာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော. (၃)

ဝိပါကပစ္စယာဒိ

၂၈. နောကိလေသော ဓမ္မော နောကိလေသဿ ဓမ္မဿ ဝိပါကပစ္စယေန ပစ္စယော။ ဧကံ။ အာဟာရပစ္စယေန ပစ္စယော။ တီဏိ။ ဣန္ဒြိယပစ္စယေန ပစ္စယော။ တီဏိ။ ဈာနပစ္စယေန ပစ္စယော။ တီဏိ။ မဂ္ဂပစ္စယေန ပစ္စယော။ နဝ။ သမ္ပယုတ္တပစ္စယေန ပစ္စယော။ နဝ.

ဝိပ္ပယုတ္တပစ္စယော

၂၉. ကိလေသော ဓမ္မော နောကိလေသဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ (သံခိတ္တံ). (၁)

နောကိလေသော ဓမ္မော နောကိလေသဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ (သံခိတ္တံ). (၁)

နောကိလေသော ဓမ္မော ကိလေသဿ ဓမ္မဿ ဝိပ္ပယုတ္တပစ္စယေန ပစ္စယော. ပုရေဇာတံ – ဝတ္ထု ကိလေသာနံ ဝိပ္ပယုတ္တပစ္စယေန ပစ္စယော. (၂)

နောကိလေသော ဓမ္မော ကိလေသဿ စ နောကိလေသဿ စ ဓမ္မဿ ဝိပ္ပယုတ္တပစ္စယေန ပစ္စယော. ပုရေဇာတံ – ဝတ္ထု ကိလေသာနံ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော. (၃)

ကိလေသော စ နောကိလေသော စ ဓမ္မာ နောကိလေသဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ (သံခိတ္တံ. ဝိတ္ထာရေတဗ္ဗံ.)

အတ္ထိပစ္စယာဒိ

၃၀. ကိလေသော ဓမ္မော ကိလေသဿ ဓမ္မဿ အတ္ထိပစ္စယေန ပစ္စယော။ ဧကံ (ပဋိစ္စသဒိသံ). (၁)

ကိလေသော ဓမ္မော နောကိလေသဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ (သံခိတ္တံ). (၂)

ကိလေသော ဓမ္မော ကိလေသဿ စ နောကိလေသဿ စ ဓမ္မဿ အတ္ထိပစ္စယေန ပစ္စယော (ပဋိစ္စသဒိသံ). (၃)

နောကိလေသော ဓမ္မော နောကိလေသဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ (သံခိတ္တံ). (၁)

နောကိလေသော ဓမ္မော ကိလေသဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ (သံခိတ္တံ. သဟဇာတံ သဟဇာတသဒိသံ၊ ပုရေဇာတံ ပုရေဇာတသဒိသံ.) (၂)

နောကိလေသော ဓမ္မော ကိလေသဿ စ နောကိလေသဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ (သဟဇာတံ သဟဇာတသဒိသံ၊ ပုရေဇာတံ ပုရေဇာတသဒိသံ.) (၃)

၃၁. ကိလေသော စ နောကိလေသော စ ဓမ္မာ ကိလေသဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ. သဟဇာတော – လောဘော စ သမ္ပယုတ္တကာ စ ခန္ဓာ မောဟဿ၊ ဒိဋ္ဌိယာ၊ ထိနဿ၊ ဥဒ္ဓစ္စဿ၊ အဟိရိကဿ၊ အနောတ္တပ္ပဿ အတ္ထိပစ္စယေန ပစ္စယော (စက္ကံ). သဟဇာတော – လောဘော စ ဝတ္ထု စ မောဟဿ၊ ဒိဋ္ဌိယာ၊ ထိနဿ၊ ဥဒ္ဓစ္စဿ၊ အဟိရိကဿ၊ အနောတ္တပ္ပဿ အတ္ထိပစ္စယေန ပစ္စယော (စက္ကံ). (၁)

ကိလေသော စ နောကိလေသော စ ဓမ္မာ နောကိလေသဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ. သဟဇာတော – နောကိလေသော ဧကော ခန္ဓော စ ကိလေသော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ။ ဒွေ ခန္ဓာ စ။ပေ။. သဟဇာတာ – ကိလေသာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော. သဟဇာတာ – ကိလေသာ စ ဝတ္ထု စ နောကိလေသာနံ ခန္ဓာနံ အတ္ထိပစ္စယေန ပစ္စယော. ပစ္ဆာဇာတာ – ကိလေသာ စ သမ္ပယုတ္တကာ ခန္ဓာ စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော. ပစ္ဆာဇာတာ – ကိလေသာ စ သမ္ပယုတ္တကာ စ ခန္ဓာ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော. ပစ္ဆာဇာတာ – ကိလေသာ စ သမ္ပယုတ္တကာ စ ခန္ဓာ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော. (၂)

ကိလေသော စ နောကိလေသော စ ဓမ္မာ ကိလေသဿ စ နောကိလေသဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ. သဟဇာတော – နောကိလေသော ဧကော ခန္ဓော စ လောဘော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ မောဟဿ စ၊ ဒိဋ္ဌိယာ၊ ထိနဿ၊ ဥဒ္ဓစ္စဿ၊ အဟိရိကဿ၊ အနောတ္တပ္ပဿ အတ္ထိပစ္စယေန ပစ္စယော။ပေ။ ဒွေ ခန္ဓာ စ။ပေ။. သဟဇာတော – လောဘော စ ဝတ္ထု စ မောဟဿ၊ ဒိဋ္ဌိယာ၊ ထိနဿ၊ ဥဒ္ဓစ္စဿ၊ အဟိရိကဿ၊ အနောတ္တပ္ပဿ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော (စက္ကံ). (၃)

နတ္ထိပစ္စယေန ပစ္စယော။ ဝိဂတပစ္စယေန ပစ္စယော။ အဝိဂတပစ္စယေန ပစ္စယော.

၁. ပစ္စယာနုလောမံ

၂. သင်္ချာဝါရော

သုဒ္ဓံ

၃၂. ဟေတုယာ စတ္တာရိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ တီဏိ၊ ဝိပါကေ ဧကံ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

ပစ္စနီယုဒ္ဓါရော