၇. ပဉှာဝါရော

ပစ္စယစတုက္ကံ

ဟေတု-အာရမ္မဏပစ္စယာ

၂၈၆. ဟေတု ဒဿနေန ပဟာတဗ္ဗဟေတုကော ဓမ္မော ဟေတုဿ ဒဿနေန ပဟာတဗ္ဗဟေတုကဿ ဓမ္မဿ ဟေတုပစ္စယေန ပစ္စယော။ တီဏိ.

ဟေတု ဒဿနေန ပဟာတဗ္ဗဟေတုကော ဓမ္မော ဟေတုဿ ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ နဝ (သံခိတ္တံ).

၂၈၇. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ။ပေ။ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ အာဟာရေ တီဏိ။ပေ။ မဂ္ဂေ တီဏိ၊ သမ္ပယုတ္တေ နဝ။ပေ။ အဝိဂတေ နဝ (သံခိတ္တံ).

ပစ္စနီယုဒ္ဓါရော

၂၈၈. ဟေတု ဒဿနေန ပဟာတဗ္ဗဟေတုကော ဓမ္မော ဟေတုဿ ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၂၈၉. နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ နဏိတံ၊ ဧဝံ ဂဏေတဗ္ဗံ.)