၁-၁ ဟေတုဒုက-ကုသလတ္တိကံ

၁. ကုသလပဒံ

၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၁. ဟေတုံ ကုသလံ ဓမ္မံ ပဋိစ္စ ဟေတု ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ ကုသလံ ဓမ္မံ ပဋိစ္စ နဟေတု ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ ကုသလံ ဓမ္မံ ပဋိစ္စ ဟေတု ကုသလော စ နဟေတု ကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

၂. နဟေတုံ ကုသလံ ဓမ္မံ ပဋိစ္စ နဟေတု ကုသလော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ ကုသလံ ဓမ္မံ ပဋိစ္စ ဟေတု ကုသလော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ ကုသလံ ဓမ္မံ ပဋိစ္စ ဟေတု ကုသလော စ နဟေတု ကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

၃. ဟေတုံ ကုသလဉ္စ နဟေတုံ ကုသလဉ္စ ဓမ္မံ ပဋိစ္စ ဟေတု ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ ကုသလဉ္စ နဟေတုံ ကုသလဉ္စ ဓမ္မံ ပဋိစ္စ နဟေတု ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ ကုသလဉ္စ နဟေတုံ ကုသလဉ္စ ဓမ္မံ ပဋိစ္စ ဟေတု ကုသလော စ နဟေတု ကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အာရမ္မဏပစ္စယော

၄. ဟေတုံ ကုသလံ ဓမ္မံ ပဋိစ္စ ဟေတု ကုသလော ဓမ္မော ဥပ္ပဇ္ဇတိ အာရမ္မဏပစ္စယာ (သံခိတ္တံ).

၅. ဟေတုယာ နဝ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ နဝ၊ အာသေဝနေ နဝ၊ ကမ္မေ နဝ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (အနုလောမံ).

နအဓိပတိပစ္စယော

၆. ဟေတုံ ကုသလံ ဓမ္မံ ပဋိစ္စ ဟေတု ကုသလော ဓမ္မော ဥပ္ပဇ္ဇတိ နအဓိပတိပစ္စယာ. ဟေတုံ ကုသလံ ဓမ္မံ ပဋိစ္စ နဟေတု ကုသလော ဓမ္မော ဥပ္ပဇ္ဇတိ နအဓိပတိပစ္စယာ. ဟေတုံ ကုသလံ ဓမ္မံ ပဋိစ္စ ဟေတု ကုသလော စ နဟေတု ကုသလော စ ဓမ္မာ ဥပ္ပဇ္ဇန္တိ နအဓိပတိပစ္စယာ. (၃)

၇. နဟေတုံ ကုသလံ ဓမ္မံ ပဋိစ္စ နဟေတု ကုသလော ဓမ္မော ဥပ္ပဇ္ဇတိ နအဓိပတိပစ္စယာ။ တီဏိ.

ဟေတုံ ကုသလဉ္စ နဟေတုံ ကုသလဉ္စ ဓမ္မံ ပဋိစ္စ ဟေတု ကုသလော ဓမ္မော ဥပ္ပဇ္ဇတိ နအဓိပတိပစ္စယာ။ တီဏိ.

နပုရေဇာတပစ္စယာဒိ

၈. ဟေတုံ ကုသလံ ဓမ္မံ ပဋိစ္စ ဟေတု ကုသလော ဓမ္မော ဥပ္ပဇ္ဇတိ နပုရေဇာတပစ္စယာ။ နဝ။ နပစ္ဆာဇာတပစ္စယာ။ နဝ။ နအာသေဝနပစ္စယာ ။ နဝ.

နကမ္မပစ္စယော

၉. ဟေတုံ ကုသလံ ဓမ္မံ ပဋိစ္စ နဟေတု ကုသလော ဓမ္မော ဥပ္ပဇ္ဇတိ နကမ္မပစ္စယာ. (၁)

နဟေတုံ ကုသလံ ဓမ္မံ ပဋိစ္စ နဟေတု ကုသလော ဓမ္မော ဥပ္ပဇ္ဇတိ နကမ္မပစ္စယာ. (၁)

ဟေတုံ ကုသလဉ္စ နဟေတုံ ကုသလဉ္စ ဓမ္မံ ပဋိစ္စ နဟေတု ကုသလော ဓမ္မော ဥပ္ပဇ္ဇတိ နကမ္မပစ္စယာ. (၁)

နဝိပါကပစ္စယာဒိ

၁၀. ဟေတုံ ကုသလံ ဓမ္မံ ပဋိစ္စ ဟေတု ကုသလော ဓမ္မော ဥပ္ပဇ္ဇတိ နဝိပါကပစ္စယာ။ နဝ။ပေ။ နဝိပ္ပယုတ္တပစ္စယာ။ နဝ.

၁၁. နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (ပစ္စနီယံ).

ဟေတုပစ္စယာ နအဓိပတိယာ နဝ (သံခိတ္တံ၊ အနုလောမ ပစ္စနီယံ).

နအဓိပတိပစ္စယာ ဟေတုယာ နဝ၊ အာရမ္မဏေ နဝ (သံခိတ္တံ၊ ပစ္စနီယာနုလောမံ).

(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဋိစ္စဝါရသဒိသာ ဝိတ္ထာရေတဗ္ဗာ.)

၇. ပဉှာဝါရော

ပစ္စယစတုက္ကံ

ဟေတုပစ္စယော

၁၂. ဟေတု ကုသလော ဓမ္မော ဟေတုဿ ကုသလဿ ဓမ္မဿ ဟေတုပစ္စယေန ပစ္စယော. ဟေတု ကုသလော ဓမ္မော နဟေတုဿ ကုသလဿ ဓမ္မဿ ဟေတုပစ္စယေန ပစ္စယော. ဟေတု ကုသလော ဓမ္မော ဟေတုဿ ကုသလဿ စ နဟေတုဿ ကုသလဿ စ ဓမ္မဿ ဟေတုပစ္စယေန ပစ္စယော. (၃)

အာရမ္မဏပစ္စယာဒိ

၁၃. ဟေတု ကုသလော ဓမ္မော ဟေတုဿ ကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

နဟေတု ကုသလော ဓမ္မော နဟေတုဿ ကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

ဟေတု ကုသလော စ နဟေတု ကုသလော စ ဓမ္မာ ဟေတုဿ ကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

၁၄. ဟေတု ကုသလော ဓမ္မော ဟေတုဿ ကုသလဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ.

နဟေတု ကုသလော ဓမ္မော နဟေတုဿ ကုသလဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ.

ဟေတု ကုသလော စ နဟေတု ကုသလော စ ဓမ္မာ ဟေတုဿ ကုသလဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။ တီဏိ.

အနန္တရပစ္စယာဒိ

၁၅. ဟေတု ကုသလော ဓမ္မော ဟေတုဿ ကုသလဿ ဓမ္မဿ အနန္တရပစ္စယေန ပစ္စယော။ သမနန္တရပစ္စယေန ပစ္စယော။ သဟဇာတပစ္စယေန ပစ္စယော။ အညမညပစ္စယေန ပစ္စယော။ နိဿယပစ္စယေန ပစ္စယော.

၁၆. ဟေတု ကုသလော ဓမ္မော ဟေတုဿ ကုသလဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ တီဏိ.

နဟေတု ကုသလော ဓမ္မော နဟေတုဿ ကုသလဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ တီဏိ.

ဟေတု ကုသလော စ နဟေတု ကုသလော စ ဓမ္မာ ဟေတုဿ ကုသလဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ တီဏိ၊ အာသေဝနပစ္စယေန ပစ္စယော။ နဝ.

၁၇. နဟေတု ကုသလော ဓမ္မော နဟေတုဿ ကုသလဿ ဓမ္မဿ ကမ္မပစ္စယေန ပစ္စယော. နဟေတု ကုသလော ဓမ္မော ဟေတုဿ ကုသလဿ ဓမ္မဿ ကမ္မပစ္စယေန ပစ္စယော. နဟေတု ကုသလော ဓမ္မော ဟေတုဿ ကုသလဿ စ နဟေတုဿ ကုသလဿ စ ဓမ္မဿ ကမ္မပစ္စယေန ပစ္စယော. (၃)

အာဟာရပစ္စယာဒိ

၁၈. နဟေတု ကုသလော ဓမ္မော နဟေတုဿ ကုသလဿ ဓမ္မဿ အာဟာရပစ္စယေန ပစ္စယော။ တီဏိ.

၁၉. ဟေတု ကုသလော ဓမ္မော ဟေတုဿ ကုသလဿ ဓမ္မဿ ဣန္ဒြိယပစ္စယေန ပစ္စယော။ နဝ.

၂၀. နဟေတု ကုသလော ဓမ္မော နဟေတုဿ ကုသလဿ ဓမ္မဿ ဈာနပစ္စယေန ပစ္စယော။ တီဏိ.

၂၁. ဟေတု ကုသလော ဓမ္မော ဟေတုဿ ကုသလဿ ဓမ္မဿ မဂ္ဂပစ္စယေန ပစ္စယော။ နဝ.

၂၂. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

ပစ္စနီယုဒ္ဓါရော

၂၃. ဟေတု ကုသလော ဓမ္မော ဟေတုဿ ကုသလဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ တီဏိ.

၂၄. နဟေတု ကုသလော ဓမ္မော နဟေတုဿ ကုသလဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. နဟေတု ကုသလော ဓမ္မော ဟေတုဿ ကုသလဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. နဟေတု ကုသလော ဓမ္မော ဟေတုဿ ကုသလဿ စ နဟေတုဿ ကုသလဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. (၃)

၂၅. ဟေတု ကုသလော စ နဟေတု ကုသလော စ ဓမ္မာ ဟေတုဿ ကုသလဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ တီဏိ. (၃)

၂၆. နဟေတုယာ နဝ၊ နအာရမ္မဏေ နဝ၊ နအဓိပတိယာ နဝ။ပေ။ နောအဝိဂတေ နဝ (သံခိတ္တံ၊ ပစ္စနီယံ).

ဟေတုပစ္စယာ နအာရမ္မဏေ တီဏိ။ပေ။ နောနတ္ထိယာ တီဏိ၊ နောဝိဂတေ တီဏိ (သံခိတ္တံ၊ အနုလောမပစ္စနီယံ).

နဟေတုပစ္စယာ အာရမ္မဏေ နဝ။ပေ။ အဝိဂတေ နဝ (သံခိတ္တံ၊ ပစ္စနီယာနုလောမံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)

၂. အကုသလပဒံ

၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၂၇. ဟေတုံ အကုသလံ ဓမ္မံ ပဋိစ္စ ဟေတု အကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အကုသလံ ဓမ္မံ ပဋိစ္စ နဟေတု အကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အကုသလံ ဓမ္မံ ပဋိစ္စ ဟေတု အကုသလော စ နဟေတု အကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

၂၈. နဟေတုံ အကုသလံ ဓမ္မံ ပဋိစ္စ နဟေတု အကုသလော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ အကုသလံ ဓမ္မံ ပဋိစ္စ ဟေတု အကုသလော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ အကုသလံ ဓမ္မံ ပဋိစ္စ ဟေတု အကုသလော စ နဟေတု အကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

၂၉. ဟေတုံ အကုသလဉ္စ နဟေတုံ အကုသလဉ္စ ဓမ္မံ ပဋိစ္စ ဟေတု အကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အကုသလဉ္စ နဟေတုံ အကုသလဉ္စ ဓမ္မံ ပဋိစ္စ နဟေတု အကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အကုသလဉ္စ နဟေတုံ အကုသလဉ္စ ဓမ္မံ ပဋိစ္စ ဟေတု အကုသလော စ နဟေတု အကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

၃၀. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ ကမ္မေ နဝ၊ အာဟာရေ နဝ။ပေ။ အဝိဂတေ နဝ (သံခိတ္တံ၊ အနုလောမံ).

နဟေတုပစ္စယော

၃၁. နဟေတုံ အကုသလံ ဓမ္မံ ပဋိစ္စ ဟေတု အကုသလော ဓမ္မော ဥပ္ပဇ္ဇတိ နဟေတုပစ္စယာ. (၁)

နအဓိပတိပစ္စယာဒိ

၃၂. ဟေတုံ အကုသလံ ဓမ္မံ ပဋိစ္စ ဟေတု အကုသလော ဓမ္မော ဥပ္ပဇ္ဇတိ နအဓိပတိပစ္စယာ။ နဝ။ပေ။.

ဟေတုံ အကုသလံ ဓမ္မံ ပဋိစ္စ နဟေတု အကုသလော ဓမ္မော ဥပ္ပဇ္ဇတိ နကမ္မပစ္စယာ. (၁)

နဟေတုံ အကုသလံ ဓမ္မံ ပဋိစ္စ နဟေတု အကုသလော ဓမ္မော ဥပ္ပဇ္ဇတိ နကမ္မပစ္စယာ. (၁)

ဟေတုံ အကုသလဉ္စ နဟေတုံ အကုသလဉ္စ ဓမ္မံ ပဋိစ္စ နဟေတု အကုသလော ဓမ္မော ဥပ္ပဇ္ဇတိ နကမ္မပစ္စယာ. (၁) (သံခိတ္တံ.)

၃၃. နဟေတုယာ ဧကံ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (ပစ္စနီယံ).

ဟေတုပစ္စယာ နအဓိပတိယာ နဝ (သံခိတ္တံ၊ အနုလောမပစ္စနီယံ).

နဟေတုပစ္စယာ အာရမ္မဏေ ဧကံ (သံခိတ္တံ၊ ပစ္စနီယာနုလောမံ).

၇. ပဉှာဝါရော

ပစ္စယစတုက္ကံ

ဟေတုပစ္စယော

၃၄. ဟေတု အကုသလော ဓမ္မော ဟေတုဿ အကုသလဿ ဓမ္မဿ ဟေတုပစ္စယေန ပစ္စယော. ဟေတု အကုသလော ဓမ္မော နဟေတုဿ အကုသလဿ ဓမ္မဿ ဟေတုပစ္စယေန ပစ္စယော. ဟေတု အကုသလော ဓမ္မော ဟေတုဿ အကုသလဿ စ နဟေတုဿ အကုသလဿ စ ဓမ္မဿ ဟေတုပစ္စယေန ပစ္စယော. (၃)

အာရမ္မဏပစ္စယာဒိ

၃၅. ဟေတု အကုသလော ဓမ္မော ဟေတုဿ အကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

နဟေတု အကုသလော ဓမ္မော နဟေတုဿ အကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

ဟေတု အကုသလော စ နဟေတု အကုသလော စ ဓမ္မာ ဟေတုဿ အကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

၃၆. ဟေတု အကုသလော ဓမ္မော ဟေတုဿ အကုသလဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။ တီဏိ.

နဟေတု အကုသလော ဓမ္မော နဟေတုဿ အကုသလဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ.

ဟေတု အကုသလော စ နဟေတု အကုသလော စ ဓမ္မာ ဟေတုဿ အကုသလဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။ တီဏိ။ပေ။.

၃၇. နဟေတု အကုသလော ဓမ္မော နဟေတုဿ အကုသလဿ ဓမ္မဿ ကမ္မပစ္စယေန ပစ္စယော. နဟေတု အကုသလော ဓမ္မော ဟေတုဿ အကုသလဿ ဓမ္မဿ ကမ္မပစ္စယေန ပစ္စယော. နဟေတု အကုသလော ဓမ္မော ဟေတုဿ အကုသလဿ စ နဟေတုဿ အကုသလဿ စ ဓမ္မဿ ကမ္မပစ္စယေန ပစ္စယော. (၃)

အာဟာရပစ္စယာဒိ

၃၈. နဟေတု အကုသလော ဓမ္မော နဟေတုဿ အကုသလဿ ဓမ္မဿ အာဟာရပစ္စယေန ပစ္စယော။ တီဏိ.

၃၉. နဟေတု အကုသလော ဓမ္မော နဟေတုဿ အကုသလဿ ဓမ္မဿ ဣန္ဒြိယပစ္စယေန ပစ္စယော။ တီဏိ.

၄၀. နဟေတု အကုသလော ဓမ္မော နဟေတုဿ အကုသလဿ ဓမ္မဿ ဈာနပစ္စယေန ပစ္စယော။ တီဏိ (သံခိတ္တံ).

၄၁. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

ပစ္စနီယုဒ္ဓါရော

၄၂. ဟေတု အကုသလော ဓမ္မော ဟေတုဿ အကုသလဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၄၃. နဟေတုယာ နဝ၊ နအာရမ္မဏေ နဝ၊ နအဓိပတိယာ နဝ၊ နအနန္တရေ နဝ၊ နသမနန္တရေ နဝ၊ နသဟဇာတေ နဝ၊ နအညမညေ နဝ။ပေ။ နောအဝိဂတေ နဝ (ပစ္စနီယံ).

ဟေတုပစ္စယာ နအာရမ္မဏေ တီဏိ (သံခိတ္တံ၊ အနုလောမပစ္စနီယံ).

နဟေတုပစ္စယာ အာရမ္မဏေ နဝ (သံခိတ္တံ၊ ပစ္စနီယာနုလောမံ).

၃. အဗျာကတပဒံ

၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယာဒိ

၄၄. ဟေတုံ အဗျာကတံ ဓမ္မံ ပဋိစ္စ ဟေတု အဗျာကတော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အဗျာကတံ ဓမ္မံ ပဋိစ္စ နဟေတု အဗျာကတော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အဗျာကတံ ဓမ္မံ ပဋိစ္စ ဟေတု အဗျာကတော စ နဟေတု အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

၄၅. နဟေတုံ အဗျာကတံ ဓမ္မံ ပဋိစ္စ နဟေတု အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ အဗျာကတဉ္စ နဟေတုံ အဗျာကတဉ္စ ဓမ္မံ ပဋိစ္စ ဟေတု အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

၄၆. ဟေတုံ အဗျာကတံ ဓမ္မံ ပဋိစ္စ ဟေတု အဗျာကတော ဓမ္မော ဥပ္ပဇ္ဇတိ အာရမ္မဏပစ္စယာ (သံခိတ္တံ).

၄၇. ဟေတုယာ နဝ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ နဝ၊ အာသေဝနေ နဝ၊ ကမ္မေ နဝ၊ ဝိပါကေ နဝ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (အနုလောမံ).

နဟေတု-နအာရမ္မဏပစ္စယာ

၄၈. နဟေတုံ အဗျာကတံ ဓမ္မံ ပဋိစ္စ နဟေတု အဗျာကတော ဓမ္မော ဥပ္ပဇ္ဇတိ နဟေတုပစ္စယာ. (၁)

၄၉. ဟေတုံ အဗျာကတံ ဓမ္မံ ပဋိစ္စ နဟေတု အဗျာကတော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

နဟေတုံ အဗျာကတံ ဓမ္မံ ပဋိစ္စ နဟေတု အဗျာကတော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဟေတုံ အဗျာကတဉ္စ နဟေတုံ အဗျာကတဉ္စ ဓမ္မံ ပဋိစ္စ နဟေတု အဗျာကတော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

နအဓိပတိပစ္စယာဒိ

၅၀. ဟေတုံ အဗျာကတံ ဓမ္မံ ပဋိစ္စ ဟေတု အဗျာကတော ဓမ္မော ဥပ္ပဇ္ဇတိ နအဓိပတိပစ္စယာ။ နဝ။ပေ။.

၅၁. ဟေတုံ အဗျာကတံ ဓမ္မံ ပဋိစ္စ နဟေတု အဗျာကတော ဓမ္မော ဥပ္ပဇ္ဇတိ နကမ္မပစ္စယာ. (၁)

နဟေတုံ အဗျာကတံ ဓမ္မံ ပဋိစ္စ နဟေတု အဗျာကတော ဓမ္မော ဥပ္ပဇ္ဇတိ နကမ္မပစ္စယာ. (၁)

ဟေတုံ အဗျာကတဉ္စ နဟေတုံ အဗျာကတဉ္စ ဓမ္မံ ပဋိစ္စ နဟေတု အဗျာကတော ဓမ္မော ဥပ္ပဇ္ဇတိ နကမ္မပစ္စယာ. (၁)

၅၂. နဟေတုံ အဗျာကတံ ဓမ္မံ ပဋိစ္စ နဟေတု အဗျာကတော ဓမ္မော ဥပ္ပဇ္ဇတိ နအာဟာရပစ္စယာ။ နဣန္ဒြိယပစ္စယာ။ နဈာနပစ္စယာ (သံခိတ္တံ).

၅၃. နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ နဝ၊ နောနတ္ထိယာ တီဏိ၊ နောဝိဂတေ တီဏိ (ပစ္စနီယံ).

ဟေတုပစ္စယာ နအာရမ္မဏေ တီဏိ၊ နအဓိပတိယာ နဝ (သံခိတ္တံ၊ အနုလောမပစ္စနီယံ).

နဟေတုပစ္စယာ အာရမ္မဏေ ဧကံ (သံခိတ္တံ၊ ပစ္စနီယာနုလောမံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)

၇. ပဉှာဝါရော

ပစ္စယစတုက္ကံ

ဟေတုပစ္စယော

၅၄. ဟေတု အဗျာကတော ဓမ္မော ဟေတုဿ အဗျာကတဿ ဓမ္မဿ ဟေတုပစ္စယေန ပစ္စယော. ဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ ဟေတုပစ္စယေန ပစ္စယော. ဟေတု အဗျာကတော ဓမ္မော ဟေတုဿ အဗျာကတဿ စ နဟေတုဿ အဗျာကတဿ စ ဓမ္မဿ ဟေတုပစ္စယေန ပစ္စယော. (၃)

အာရမ္မဏပစ္စယာဒိ

၅၅. ဟေတု အဗျာကတော ဓမ္မော ဟေတုဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ နဝ.

၅၆. ဟေတု အဗျာကတော ဓမ္မော ဟေတုဿ အဗျာကတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ.

နဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ.

ဟေတု အဗျာကတော စ နဟေတု အဗျာကတော စ ဓမ္မာ ဟေတုဿ အဗျာကတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။ တီဏိ။ပေ။.

ပုရေဇာတပစ္စယာဒိ

၅၇. နဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ ပုရေဇာတပစ္စယေန ပစ္စယော။ တီဏိ.

၅၈. ဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ ပစ္ဆာဇာတပစ္စယေန ပစ္စယော. (၁)

နဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ ပစ္ဆာဇာတပစ္စယေန ပစ္စယော. (၁)

ဟေတု အဗျာကတော စ နဟေတု အဗျာကတော စ ဓမ္မာ နဟေတုဿ အဗျာကတဿ ဓမ္မဿ ပစ္ဆာဇာတပစ္စယေန ပစ္စယော. (၁)

၅၉. နဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ ကမ္မပစ္စယေန ပစ္စယော။ တီဏိ.

၆၀. ဟေတု အဗျာကတော ဓမ္မော ဟေတုဿ အဗျာကတဿ ဓမ္မဿ ဝိပါကပစ္စယေန ပစ္စယော။ နဝ.

၆၁. နဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ ဈာနပစ္စယေန ပစ္စယော။ မဂ္ဂပစ္စယေန ပစ္စယော။ သမ္ပယုတ္တပစ္စယေန ပစ္စယော.

ဝိပ္ပယုတ္တပစ္စယော

၆၂. ဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ ဝိပ္ပယုတ္တပစ္စယေန ပစ္စယော. (၁)

နဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ ဝိပ္ပယုတ္တပစ္စယေန ပစ္စယော။ တီဏိ.

ဟေတု အဗျာကတော စ နဟေတု အဗျာကတော စ ဓမ္မာ နဟေတုဿ အဗျာကတဿ ဓမ္မဿ ဝိပ္ပယုတ္တပစ္စယေန ပစ္စယော. (၁) (သံခိတ္တံ.)

၆၃. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ တီဏိ၊ ဝိပါကေ နဝ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

ပစ္စနီယုဒ္ဓါရော

၆၄. ဟေတု အဗျာကတော ဓမ္မော ဟေတုဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. ဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော. ဟေတု အဗျာကတော ဓမ္မော ဟေတုဿ အဗျာကတဿ စ နဟေတုဿ အဗျာကတဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. (၃)

၆၅. နဟေတု အဗျာကတော ဓမ္မော နဟေတုဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော.

၆၆. နဟေတုယာ နဝ၊ နအာရမ္မဏေ နဝ၊ နအဓိပတိယာ နဝ (သံခိတ္တံ၊ ပစ္စနီယံ).