၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၁၃၆. ဟေတုံ နေဝဝိပါကနဝိပါကဓမ္မဓမ္မံ ပဋိစ္စ ဟေတု နေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ နေဝဝိပါကနဝိပါကဓမ္မဓမ္မံ ပဋိစ္စ နဟေတု နေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ နေဝဝိပါကနဝိပါကဓမ္မဓမ္မဉ္စ နဟေတုံ နေဝဝိပါကနဝိပါကဓမ္မဓမ္မဉ္စ ပဋိစ္စ ဟေတု နေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၁၃၇. ဟေတုယာ နဝ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ နဝ၊ အာသေဝနေ နဝ၊ ကမ္မေ နဝ၊ ဝိပါကေ ဧကံ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

နဟေတုပစ္စယာဒိ

၁၃၈. နဟေတုံ နေဝဝိပါကနဝိပါကဓမ္မဓမ္မံ ပဋိစ္စ နဟေတု နေဝဝိပါကနဝိပါကဓမ္မဓမ္မော ဥပ္ပဇ္ဇတိ နဟေတုပစ္စယာ. (၁)

၁၃၉. ဟေတုံ နေဝဝိပါကနဝိပါကဓမ္မဓမ္မံ ပဋိစ္စ နဟေတု နေဝဝိပါကနဝိပါကဓမ္မဓမ္မော ဥပ္ပဇ္ဇတိ နအာရမ္မဏပစ္စယာ. (၁)

နဟေတုံ နေဝဝိပါကနဝိပါကဓမ္မဓမ္မံ ပဋိစ္စ နဟေတု နေဝဝိပါကနဝိပါကဓမ္မဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဟေတုံ နေဝဝိပါကနဝိပါကဓမ္မဓမ္မဉ္စ နဟေတုံ နေဝဝိပါကနဝိပါကဓမ္မဓမ္မဉ္စ ပဋိစ္စ နဟေတု နေဝဝိပါကနဝိပါကဓမ္မဓမ္မော ဥပ္ပဇ္ဇတိ နအာရမ္မဏပစ္စယာ. (၁)

၁၄၀. ဟေတုံ နေဝဝိပါကနဝိပါကဓမ္မဓမ္မံ ပဋိစ္စ ဟေတု နေဝဝိပါကနဝိပါကဓမ္မဓမ္မော ဥပ္ပဇ္ဇတိ နအဓိပတိပစ္စယာ။ နဝ။ပေ။.

၁၄၁. ဟေတုံ နေဝဝိပါကနဝိပါကဓမ္မဓမ္မံ ပဋိစ္စ နဟေတု နေဝဝိပါကနဝိပါကဓမ္မဓမ္မော ဥပ္ပဇ္ဇတိ နကမ္မပစ္စယာ။ တီဏိ။ပေ။.

၁၄၂. နဟေတုံ နေဝဝိပါကနဝိပါကဓမ္မဓမ္မံ ပဋိစ္စ နဟေတု နေဝဝိပါကနဝိပါကဓမ္မဓမ္မော ဥပ္ပဇ္ဇတိ နအာဟာရပစ္စယာ. (၁) (သံခိတ္တံ.)

၁၄၃. နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ နဝ၊ နောနတ္ထိယာ တီဏိ၊ နောဝိဂတေ တီဏိ (သံခိတ္တံ၊ ပစ္စနီယံ).

ဟေတုပစ္စယာ နအာရမ္မဏေ တီဏိ (သံခိတ္တံ၊ အနုလောမပစ္စနီယံ).

နဟေတုပစ္စယာ အာရမ္မဏေ ဧကံ (သံခိတ္တံ၊ ပစ္စနီယာနုလောမံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)