၇. ပဉှာဝါရော

ပစ္စယစတုက္ကံ

ဟေတုပစ္စယာဒိ

၁၄၄. ဟေတု နေဝဝိပါကနဝိပါကဓမ္မဓမ္မော ဟေတုဿ နေဝဝိပါကနဝိပါကဓမ္မဓမ္မဿ ဟေတုပစ္စယေန ပစ္စယော။ တီဏိ။ပေ။.

၁၄၅. ဟေတု နေဝဝိပါကနဝိပါကဓမ္မဓမ္မော ဟေတုဿ နေဝဝိပါကနဝိပါကဓမ္မဓမ္မဿ အဓိပတိပစ္စယေန ပစ္စယော – သဟဇာတာဓိပတိ။ တီဏိ.

နဟေတု နေဝဝိပါကနဝိပါကဓမ္မဓမ္မော နဟေတုဿ နေဝဝိပါကနဝိပါကဓမ္မဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ။ပေ။.

ပုရေဇာတပစ္စယာဒိ

၁၄၆. နဟေတု နေဝဝိပါကနဝိပါကဓမ္မဓမ္မော နဟေတုဿ နေဝဝိပါကနဝိပါကဓမ္မဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ တီဏိ.

၁၄၇. ဟေတု နေဝဝိပါကနဝိပါကဓမ္မဓမ္မော နဟေတုဿ နေဝဝိပါကနဝိပါကဓမ္မဓမ္မဿ ပစ္ဆာဇာတပစ္စယေန ပစ္စယော. (၁)

နဟေတု နေဝဝိပါကနဝိပါကဓမ္မဓမ္မော နဟေတုဿ နေဝဝိပါကနဝိပါကဓမ္မဓမ္မဿ ပစ္ဆာဇာတပစ္စယေန ပစ္စယော. (၁)

ဟေတု နေဝဝိပါကနဝိပါကဓမ္မဓမ္မော စ နဟေတု နေဝဝိပါကနဝိပါကဓမ္မဓမ္မော စ နဟေတုဿ နေဝဝိပါကနဝိပါကဓမ္မဓမ္မဿ ပစ္ဆာဇာတပစ္စယေန ပစ္စယော. (၁)

။အာသေဝနပစ္စယေန ပစ္စယော။ နဝ.

၁၄၈. နဟေတု နေဝဝိပါကနဝိပါကဓမ္မဓမ္မော နဟေတုဿ နေဝဝိပါကနဝိပါကဓမ္မဓမ္မဿ ကမ္မပစ္စယေန ပစ္စယော။ တီဏိ (သံခိတ္တံ).

၁၄၉. ဟေတုယာ တီဏိ၊ အာရမ္မဏေ နဝ၊ အဓိပတိယာ ဆ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ တီဏိ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

ပစ္စနီယုဒ္ဓါရော

၁၅၀. ဟေတု နေဝဝိပါကနဝိပါကဓမ္မဓမ္မော ဟေတုဿ နေဝဝိပါကနဝိပါကဓမ္မဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၁၅၁. နဟေတုယာ နဝ၊ နအာရမ္မဏေ နဝ၊ နအဓိပတိယာ နဝ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)

ဟေတုဒုကဝိပါကတ္တိကံ နိဋ္ဌိတံ.