၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၁၂၁. ဟေတုံ ဝိပါကဓမ္မဓမ္မံ ပဋိစ္စ ဟေတု ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ. ဟေတုံ ဝိပါကဓမ္မဓမ္မံ ပဋိစ္စ နဟေတု ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ. ဟေတုံ ဝိပါကဓမ္မဓမ္မံ ပဋိစ္စ ဟေတု ဝိပါကဓမ္မဓမ္မော စ နဟေတု ဝိပါကဓမ္မဓမ္မော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဟေတုံ ဝိပါကဓမ္မဓမ္မံ ပဋိစ္စ နဟေတု ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ ဝိပါကဓမ္မဓမ္မဉ္စ နဟေတုံ ဝိပါကဓမ္မဓမ္မဉ္စ ပဋိစ္စ ဟေတု ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၁၂၂. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ ကမ္မေ နဝ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

နဟေတု-နအဓိပတိပစ္စယာ

၁၂၃. နဟေတုံ ဝိပါကဓမ္မဓမ္မံ ပဋိစ္စ ဟေတု ဝိပါကဓမ္မဓမ္မော ဥပ္ပဇ္ဇတိ နဟေတုပစ္စယာ. (၁)

၁၂၄. ဟေတုံ ဝိပါကဓမ္မဓမ္မံ ပဋိစ္စ ဟေတု ဝိပါကဓမ္မဓမ္မော ဥပ္ပဇ္ဇတိ နအဓိပတိပစ္စယာ။ နဝ.

နပုရေဇာတပစ္စယာဒိ

၁၂၅. ဟေတုံ ဝိပါကဓမ္မဓမ္မံ ပဋိစ္စ ဟေတု ဝိပါကဓမ္မဓမ္မော ဥပ္ပဇ္ဇတိ နပုရေဇာတပစ္စယာ။ နဝ။ နပစ္ဆာဇာတပစ္စယာ။ နဝ။ နအာသေဝနပစ္စယာ။ နဝ.

၁၂၆. ဟေတုံ ဝိပါကဓမ္မဓမ္မံ ပဋိစ္စ နဟေတု ဝိပါကဓမ္မဓမ္မော ဥပ္ပဇ္ဇတိ နကမ္မပစ္စယာ. (၁)

နဟေတုံ ဝိပါကဓမ္မဓမ္မံ ပဋိစ္စ နဟေတု ဝိပါကဓမ္မဓမ္မော ဥပ္ပဇ္ဇတိ နကမ္မပစ္စယာ. (၁)

ဟေတုံ ဝိပါကဓမ္မဓမ္မဉ္စ နဟေတုံ ဝိပါကဓမ္မဓမ္မဉ္စ ပဋိစ္စ နဟေတု ဝိပါကဓမ္မဓမ္မော ဥပ္ပဇ္ဇတိ နကမ္မပစ္စယာ. (၁) (သံခိတ္တံ.)

၁၂၇. နဟေတုယာ ဧကံ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ၊ ပစ္စနီယံ).

ဟေတုပစ္စယာ နအဓိပတိယာ နဝ (သံခိတ္တံ၊ အနုလောမပစ္စနီယံ).

နဟေတုပစ္စယာ အာရမ္မဏေ ဧကံ (သံခိတ္တံ၊ ပစ္စနီယာနုလောမံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)