၇. ပဉှာဝါရော

ပစ္စယစတုက္ကံ

ဟေတုပစ္စယာဒိ

၁၂၈. ဟေတု ဝိပါကဓမ္မဓမ္မော ဟေတုဿ ဝိပါကဓမ္မဓမ္မဿ ဟေတုပစ္စယေန ပစ္စယော။ တီဏိ.

၁၂၉. ဟေတု ဝိပါကဓမ္မဓမ္မော ဟေတုဿ ဝိပါကဓမ္မဓမ္မဿ အာရမ္မဏပစ္စယေန ပစ္စယော။ နဝ.

၁၃၀. ဟေတု ဝိပါကဓမ္မဓမ္မော ဟေတုဿ ဝိပါကဓမ္မဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ နဝ.

၁၃၁. ဟေတု ဝိပါကဓမ္မဓမ္မော ဟေတုဿ ဝိပါကဓမ္မဓမ္မဿ အနန္တရပစ္စယေန ပစ္စယော။ပေ။ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ နဝ ။အာသေဝနပစ္စယေန ပစ္စယော။ နဝ.

၁၃၂. နဟေတု ဝိပါကဓမ္မဓမ္မော နဟေတုဿ ဝိပါကဓမ္မဓမ္မဿ ကမ္မပစ္စယေန ပစ္စယော။ တီဏိ.

နဟေတု ဝိပါကဓမ္မဓမ္မော နဟေတုဿ ဝိပါကဓမ္မဓမ္မဿ အာဟာရပစ္စယေန ပစ္စယော (သံခိတ္တံ).

၁၃၃. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (သံခိတ္တံ၊ အနုလောမံ).

ပစ္စနီယုဒ္ဓါရော

၁၃၄. ဟေတု ဝိပါကဓမ္မဓမ္မော ဟေတုဿ ဝိပါကဓမ္မဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၁၃၅. နဟေတုယာ နဝ၊ နအာရမ္မဏေ နဝ (သံခိတ္တံ၊ ပစ္စနီယံ).

ဟေတုပစ္စယာ နအာရမ္မဏေ တီဏိ (သံခိတ္တံ၊ အနုလောမပစ္စနီယံ).

နဟေတုပစ္စယာ အာရမ္မဏေ နဝ (သံခိတ္တံ၊ ပစ္စနီယာနုလောမံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)