၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၁၄. အတီတာရမ္မဏံ ဟေတုံ ဓမ္မံ ပဋိစ္စ အတီတာရမ္မဏော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
အနာဂတာရမ္မဏံ ဟေတုံ ဓမ္မံ ပဋိစ္စ အနာဂတာရမ္မဏော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
ပစ္စုပ္ပန္နာရမ္မဏံ ဟေတုံ ဓမ္မံ ပဋိစ္စ ပစ္စုပ္ပန္နာရမ္မဏော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၂၁၅. ဟေတုယာ တီဏိ၊ အာရမ္မဏေ တီဏိ။ပေ။ အဝိဂတေ တီဏိ (သံခိတ္တံ).
နအဓိပတိယာ တီဏိ၊ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နဝိပါကေ တီဏိ၊ နဝိပ္ပယုတ္တေ ဒွေ (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)
ဟေတု-အာရမ္မဏပစ္စယာ
၂၁၆. အတီတာရမ္မဏော ဟေတု ဓမ္မော အတီတာရမ္မဏဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
အနာဂတာရမ္မဏော ဟေတု ဓမ္မော အနာဂတာရမ္မဏဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
ပစ္စုပ္ပန္နာရမ္မဏော ဟေတု ဓမ္မော ပစ္စုပ္ပန္နာရမ္မဏဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
အတီတာရမ္မဏော ဟေတု ဓမ္မော အတီတာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော. အတီတာရမ္မဏော ဟေတု ဓမ္မော အနာဂတာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော. အတီတာရမ္မဏော ဟေတု ဓမ္မော ပစ္စုပ္ပန္နာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၃)
အနာဂတာရမ္မဏော ဟေတု ဓမ္မော အနာဂတာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ.
ပစ္စုပ္ပန္နာရမ္မဏော ဟေတု ဓမ္မော ပစ္စုပ္ပန္နာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).
၂၁၇. ဟေတုယာ တီဏိ၊ အာရမ္မဏေ နဝ၊ အဓိပတိယာ သတ္တ၊ အနန္တရေ ဆ၊ သမနန္တရေ ဆ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ။ပေ။ အဝိဂတေ တီဏိ (သံခိတ္တံ).
နဟေတုယာ နဝ၊ နအာရမ္မဏေ နဝ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ နဝ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)