၁-၁. ကုသလတ္တိက-ဟေတုဒုကံ

၁. ဟေတုပဒံ

၁-၆. ပဋိစ္စဝါရာဒိ

ပစ္စယစတုက္ကံ

ဟေတု-အာရမ္မဏပစ္စယာ

၁. ကုသလံ ဟေတုံ ဓမ္မံ ပဋိစ္စ ကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ.

အကုသလံ ဟေတုံ ဓမ္မံ ပဋိစ္စ အကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

အဗျာကတံ ဟေတုံ ဓမ္မံ ပဋိစ္စ အဗျာကတော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

၂. ကုသလံ ဟေတုံ ဓမ္မံ ပဋိစ္စ ကုသလော ဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)

အကုသလံ ဟေတုံ ဓမ္မံ ပဋိစ္စ အကုသလော ဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)

အဗျာကတံ ဟေတုံ ဓမ္မံ ပဋိစ္စ အဗျာကတော ဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁) (သံခိတ္တံ.)

၃. ဟေတုယာ တီဏိ၊ အာရမ္မဏေ တီဏိ၊ အဓိပတိယာ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ တီဏိ၊ ဝိပါကေ ဧကံ၊ အာဟာရေ တီဏိ။ပေ။ အဝိဂတေ တီဏိ (သံခိတ္တံ).

ပစ္စနီယံ –နအဓိပတိပစ္စယော

၄. ကုသလံ ဟေတုံ ဓမ္မံ ပဋိစ္စ ကုသလော ဟေတု ဓမ္မော ဥပ္ပဇ္ဇတိ နအဓိပတိပစ္စယာ. (၁)

အကုသလံ ဟေတုံ ဓမ္မံ ပဋိစ္စ အကုသလော ဟေတု ဓမ္မော ဥပ္ပဇ္ဇတိ နအဓိပတိပစ္စယာ. (၁)

အဗျာကတံ ဟေတုံ ဓမ္မံ ပဋိစ္စ အဗျာကတော ဟေတု ဓမ္မော ဥပ္ပဇ္ဇတိ နအဓိပတိပစ္စယာ. (၁) (သံခိတ္တံ.)

၅. နအဓိပတိယာ တီဏိ၊ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နဝိပါကေ တီဏိ၊ နဝိပ္ပယုတ္တေ တီဏိ (သံခိတ္တံ).

ဟေတုပစ္စယာ နအဓိပတိယာ တီဏိ (သံခိတ္တံ).

နအဓိပတိပစ္စယာ ဟေတုယာ တီဏိ (သံခိတ္တံ).

(သဟဇာတဝါရေပိ ပစ္စယဝါရေပိ နိဿယဝါရေပိ သံသဋ္ဌဝါရေပိ သမ္ပယုတ္တဝါရေပိ သဗ္ဗတ္ထ တီဏိ.)

၇. ပဉှာဝါရော

ပစ္စယစတုက္ကံ

ဟေတုအာရမ္မဏပစ္စယာဒိ

၆. ကုသလော ဟေတု ဓမ္မော ကုသလဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

အကုသလော ဟေတု ဓမ္မော အကုသလဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

အဗျာကတော ဟေတု ဓမ္မော အဗျာကတဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

၇. ကုသလော ဟေတု ဓမ္မော ကုသလဿ ဟေတုဿ ဓမ္မဿ အာရမ္မဏပစ္စယေန ပစ္စယော. ကုသလော ဟေတု ဓမ္မော အကုသလဿ ဟေတုဿ ဓမ္မဿ အာရမ္မဏပစ္စယေန ပစ္စယော. ကုသလော ဟေတု ဓမ္မော အဗျာကတဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၃)

အကုသလော ဟေတု ဓမ္မော အကုသလဿ ဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ.

အဗျာကတော ဟေတု ဓမ္မော အဗျာကတဿ ဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ.

၈. ကုသလော ဟေတု ဓမ္မော ကုသလဿ ဟေတုဿ ဓမ္မဿ အဓိပတိပစ္စယေန ပစ္စယော. ကုသလော ဟေတု ဓမ္မော အကုသလဿ ဟေတုဿ ဓမ္မဿ အဓိပတိပစ္စယေန ပစ္စယော. ကုသလော ဟေတု ဓမ္မော အဗျာကတဿ ဟေတုဿ ဓမ္မဿ အဓိပတိပစ္စယေန ပစ္စယော။ တီဏိ.

အကုသလော ဟေတု ဓမ္မော အကုသလဿ ဟေတုဿ ဓမ္မဿ အဓိပတိပစ္စယေန ပစ္စယော. (၁)

အဗျာကတော ဟေတု ဓမ္မော အဗျာကတဿ ဟေတုဿ ဓမ္မဿ အဓိပတိပစ္စယေန ပစ္စယော. အဗျာကတော ဟေတု ဓမ္မော ကုသလဿ ဟေတုဿ ဓမ္မဿ အဓိပတိပစ္စယေန ပစ္စယော. အဗျာကတော ဟေတု ဓမ္မော အကုသလဿ ဟေတုဿ ဓမ္မဿ အဓိပတိပစ္စယေန ပစ္စယော။ တီဏိ.

အနန္တရပစ္စယာဒိ

၉. ကုသလော ဟေတု ဓမ္မော ကုသလဿ ဟေတုဿ ဓမ္မဿ အနန္တရပစ္စယေန ပစ္စယော။ ဒွေ.

အကုသလော ဟေတု ဓမ္မော အကုသလဿ ဟေတုဿ ဓမ္မဿ အနန္တရပစ္စယေန ပစ္စယော။ ဒွေ.

အဗျာကတော ဟေတု ဓမ္မော အဗျာကတဿ ဟေတုဿ ဓမ္မဿ အနန္တရပစ္စယေန ပစ္စယော (၁)

၁၀. ကုသလော ဟေတု ဓမ္မော ကုသလဿ ဟေတုဿ ဓမ္မဿ သဟဇာတပစ္စယေန ပစ္စယော. (၁)

အကုသလော ဟေတု ဓမ္မော အကုသလဿ ဟေတုဿ ဓမ္မဿ သဟဇာတပစ္စယေန ပစ္စယော. (၁)

အဗျာကတော ဟေတု ဓမ္မော အဗျာကတဿ ဟေတုဿ ဓမ္မဿ သဟဇာတပစ္စယေန ပစ္စယော. (၁)

(အညမညနိဿယပစ္စယာ သဟဇာတပစ္စယသဒိသာ).

ဥပနိဿယပစ္စယာဒိ

၁၁. ကုသလော ဟေတု ဓမ္မော ကုသလဿ ဟေတုဿ ဓမ္မဿ ဥပနိဿယပစ္စယေန ပစ္စယော. ကုသလော ဟေတု ဓမ္မော အကုသလဿ ဟေတုဿ ဓမ္မဿ ဥပနိဿယပစ္စယေန ပစ္စယော. ကုသလော ဟေတု ဓမ္မော အဗျာကတဿ ဟေတုဿ ဓမ္မဿ ဥပနိဿယပစ္စယေန ပစ္စယော. (၃)

အကုသလော ဟေတု ဓမ္မော အကုသလဿ ဟေတုဿ ဓမ္မဿ ဥပနိဿယပစ္စယေန ပစ္စယော. အကုသလော ဟေတု ဓမ္မော ကုသလဿ ဟေတုဿ ဓမ္မဿ ဥပနိဿယပစ္စယေန ပစ္စယော. အကုသလော ဟေတု ဓမ္မော အဗျာကတဿ ဟေတုဿ ဓမ္မဿ ဥပနိဿယပစ္စယေန ပစ္စယော။ တီဏိ. (၃)

အဗျာကတော ဟေတု ဓမ္မော အဗျာကတဿ ဟေတုဿ ဓမ္မဿ ဥပနိဿယပစ္စယေန ပစ္စယော. အဗျာကတော ဟေတု ဓမ္မော ကုသလဿ ဟေတုဿ ဓမ္မဿ ဥပနိဿယပစ္စယေန ပစ္စယော. အဗျာကတော ဟေတု ဓမ္မော အကုသလဿ ဟေတုဿ ဓမ္မဿ ဥပနိဿယပစ္စယေန ပစ္စယော. (၃)

အဗျာကတော ဟေတု ဓမ္မော အဗျာကတဿ ဟေတုဿ ဓမ္မဿ ဝိပါကပစ္စယေန ပစ္စယော. (၁) (သံခိတ္တံ.)

၁၂. ဟေတုယာ တီဏိ၊ အာရမ္မဏေ နဝ၊ အဓိပတိယာ သတ္တ၊ အနန္တရေ ပဉ္စ၊ သမနန္တရေ ပဉ္စ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ အာသေဝနေ တီဏိ၊ ဝိပါကေ ဧကံ၊ ဣန္ဒြိယေ ဒွေ၊ မဂ္ဂေ ဒွေ၊ သမ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ ပဉ္စ၊ ဝိဂတေ ပဉ္စ၊ အဝိဂတေ တီဏိ (သံခိတ္တံ).

ပစ္စနီယုဒ္ဓါရော

၁၃. ကုသလော ဟေတု ဓမ္မော ကုသလဿ ဟေတုဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. ကုသလော ဟေတု ဓမ္မော အကုသလဿ ဟေတုဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော. ကုသလော ဟေတု ဓမ္မော အဗျာကတဿ ဟေတုဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော. (၃)

အကုသလော ဟေတု ဓမ္မော အကုသလဿ ဟေတုဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. အကုသလော ဟေတု ဓမ္မော ကုသလဿ ဟေတုဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော. အကုသလော ဟေတု ဓမ္မော အဗျာကတဿ ဟေတုဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော. (၃)

အဗျာကတော ဟေတု ဓမ္မော အဗျာကတဿ ဟေတုဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၁၄. နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)

၂. နဟေတုပဒံ

၁-၆. ပဋိစ္စဝါရာဒိ

ပစ္စယစတုက္ကံ

ဟေတု-အာရမ္မဏပစ္စယာ

၁၅. ကုသလံ နဟေတုံ ဓမ္မံ ပဋိစ္စ ကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. ကုသလံ နဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. ကုသလံ နဟေတုံ ဓမ္မံ ပဋိစ္စ ကုသလော နဟေတု စ အဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အကုသလံ နဟေတုံ ဓမ္မံ ပဋိစ္စ အကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. အကုသလံ နဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. အကုသလံ နဟေတုံ ဓမ္မံ ပဋိစ္စ အကုသလော နဟေတု စ အဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အဗျာကတံ နဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

ကုသလံ နဟေတုဉ္စ အဗျာကတံ နဟေတုဉ္စ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ နဟေတုဉ္စ အဗျာကတံ နဟေတုဉ္စ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

၁၆. ကုသလံ နဟေတုံ ဓမ္မံ ပဋိစ္စ ကုသလော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)

အကုသလံ နဟေတုံ ဓမ္မံ ပဋိစ္စ အကုသလော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)

အဗျာကတံ နဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ (၁) (သံခိတ္တံ.)

၁၇. ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ၊ အနန္တရေ တီဏိ၊ သမနန္တရေ တီဏိ၊ သဟဇာတေ နဝ၊ အညမညေ တီဏိ၊ နိဿယေ နဝ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ နဝ၊ ဝိပါကေ ဧကံ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ တီဏိ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ နဝ (သံခိတ္တံ).

နဟေတုနအာရမ္မဏပစ္စယာဒိ

၁၈. အဗျာကတံ နဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ နဟေတုပစ္စယာ. (၁)

ကုသလံ နဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

အကုသလံ နဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

အဗျာကတံ နဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ကုသလံ နဟေတုဉ္စ အဗျာကတံ နဟေတုဉ္စ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

အကုသလံ နဟေတုဉ္စ အဗျာကတံ နဟေတုဉ္စ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (၁) (သံခိတ္တံ.)

၁၉. နဟေတုယာ ဧကံ၊ နအာရမ္မဏေ ပဉ္စ၊ နအဓိပတိယာ နဝ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ သတ္တ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ (သံခိတ္တံ).

ဟေတုပစ္စယာ နအာရမ္မဏေ ပဉ္စ (သံခိတ္တံ).

နဟေတုပစ္စယာ အာရမ္မဏေ ဧကံ (သံခိတ္တံ).

(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဋိစ္စဝါရသဒိသာ ဝိတ္ထာရေတဗ္ဗာ.)

၇. ပဉှာဝါရော

ပစ္စယစတုက္ကံ

အာရမ္မဏပစ္စယာဒိ

၂၀. ကုသလော နဟေတု ဓမ္မော ကုသလဿ နဟေတုဿ ဓမ္မဿ အာရမ္မဏပစ္စယေန ပစ္စယော. ကုသလော နဟေတု ဓမ္မော အကုသလဿ နဟေတုဿ ဓမ္မဿ အာရမ္မဏပစ္စယေန ပစ္စယော. ကုသလော နဟေတု ဓမ္မော အဗျာကတဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၃)

အကုသလော နဟေတု ဓမ္မော အကုသလဿ နဟေတုဿ ဓမ္မဿ အာရမ္မဏပစ္စယေန ပစ္စယော. အကုသလော နဟေတု ဓမ္မော ကုသလဿ နဟေတုဿ ဓမ္မဿ အာရမ္မဏပစ္စယေန ပစ္စယော. အကုသလော နဟေတု ဓမ္မော အဗျာကတဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၃)

အဗျာကတော နဟေတု ဓမ္မော အဗျာကတဿ နဟေတုဿ ဓမ္မဿ အာရမ္မဏပစ္စယေန ပစ္စယော. အဗျာကတော နဟေတု ဓမ္မော ကုသလဿ နဟေတုဿ ဓမ္မဿ အာရမ္မဏပစ္စယေန ပစ္စယော. အဗျာကတော နဟေတု ဓမ္မော အကုသလဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၃)

၂၁. ကုသလော နဟေတု ဓမ္မော ကုသလဿ နဟေတုဿ ဓမ္မဿ အဓိပတိပစ္စယေန ပစ္စယော. ကုသလော နဟေတု ဓမ္မော အကုသလဿ နဟေတုဿ ဓမ္မဿ အဓိပတိပစ္စယေန ပစ္စယော. ကုသလော နဟေတု ဓမ္မော အဗျာကတဿ နဟေတုဿ ဓမ္မဿ အဓိပတိပစ္စယေန ပစ္စယော. ကုသလော နဟေတု ဓမ္မော ကုသလဿ နဟေတုဿ စ အဗျာကတဿ နဟေတုဿ စ ဓမ္မဿ အဓိပတိပစ္စယေန ပစ္စယော။ စတ္တာရိ.

အကုသလော နဟေတု ဓမ္မော အကုသလဿ နဟေတုဿ ဓမ္မဿ အဓိပတိပစ္စယေန ပစ္စယော။ တီဏိ.

အဗျာကတော နဟေတု ဓမ္မော အဗျာကတဿ နဟေတုဿ ဓမ္မဿ အဓိပတိပစ္စယေန ပစ္စယော. အဗျာကတော နဟေတု ဓမ္မော ကုသလဿ နဟေတုဿ ဓမ္မဿ အဓိပတိပစ္စယေန ပစ္စယော။ တီဏိ.

၂၂. ကုသလော နဟေတု ဓမ္မော ကုသလဿ နဟေတုဿ ဓမ္မဿ အနန္တရပစ္စယေန ပစ္စယော. ကုသလော နဟေတု ဓမ္မော အဗျာကတဿ နဟေတုဿ ဓမ္မဿ အနန္တရပစ္စယေန ပစ္စယော. (၂)

အကုသလော နဟေတု ဓမ္မော အကုသလဿ နဟေတုဿ ဓမ္မဿ အနန္တရပစ္စယေန ပစ္စယော. အကုသလော နဟေတု ဓမ္မော အဗျာကတဿ နဟေတုဿ ဓမ္မဿ အနန္တရပစ္စယေန ပစ္စယော. (၂)

အဗျာကတော နဟေတု ဓမ္မော အဗျာကတဿ နဟေတုဿ ဓမ္မဿ အနန္တရပစ္စယေန ပစ္စယော။ တီဏိ။ပေ။.

ဥပနိဿယပစ္စယော

၂၃. ကုသလော နဟေတု ဓမ္မော ကုသလဿ နဟေတုဿ ဓမ္မဿ ဥပနိဿယပစ္စယေန ပစ္စယော. ကုသလော နဟေတု ဓမ္မော အကုသလဿ နဟေတုဿ ဓမ္မဿ ဥပနိဿယပစ္စယေန ပစ္စယော. ကုသလော နဟေတု ဓမ္မော အဗျာကတဿ နဟေတုဿ ဓမ္မဿ ဥပနိဿယပစ္စယေန ပစ္စယော. (၃)

အကုသလော နဟေတု ဓမ္မော အကုသလဿ နဟေတုဿ ဓမ္မဿ ဥပနိဿယပစ္စယေန ပစ္စယော. အကုသလော နဟေတု ဓမ္မော ကုသလဿ နဟေတုဿ ဓမ္မဿ ဥပနိဿယပစ္စယေန ပစ္စယော. အကုသလော နဟေတု ဓမ္မော အဗျာကတဿ နဟေတုဿ ဓမ္မဿ ဥပနိဿယပစ္စယေန ပစ္စယော. (၃)

အဗျာကတော နဟေတု ဓမ္မော အဗျာကတဿ နဟေတုဿ ဓမ္မဿ ဥပနိဿယပစ္စယေန ပစ္စယော. အဗျာကတော နဟေတု ဓမ္မော ကုသလဿ နဟေတုဿ ဓမ္မဿ ဥပနိဿယပစ္စယေန ပစ္စယော. အဗျာကတော နဟေတု ဓမ္မော အကုသလဿ နဟေတုဿ ဓမ္မဿ ဥပနိဿယပစ္စယေန ပစ္စယော. (၃) (သံခိတ္တံ.)

၂၄. အာရမ္မဏေ နဝ၊ အဓိပတိယာ ဒသ၊ အနန္တရေ သတ္တ၊ သမနန္တရေ သတ္တ၊ သဟဇာတေ နဝ၊ အညမညေ တီဏိ၊ နိဿယေ တေရသ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ တီဏိ၊ ကမ္မေ သတ္တ၊ ဝိပါကေ ဧကံ၊ အာဟာရေ သတ္တ၊ ဣန္ဒြိယေ သတ္တ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ ပဉ္စ၊ အတ္ထိယာ တေရသ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ တေရသ (သံခိတ္တံ).

နဟေတုယာ ပန္နရသ၊ နအာရမ္မဏေ ပန္နရသ (သံခိတ္တံ).

အာရမ္မဏပစ္စယာ နဟေတုယာ နဝ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

၂-၁. ဝေဒနာတ္တိက-ဟေတုဒုကံ

၁-၆. ပဋိစ္စဝါရာဒိ

ပစ္စယစတုက္ကံ

၂၅. သုခါယ ဝေဒနာယ သမ္ပယုတ္တံ ဟေတုံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

ဒုက္ခာယ ဝေဒနာယ သမ္ပယုတ္တံ ဟေတုံ ဓမ္မံ ပဋိစ္စ ဒုက္ခာယ ဝေဒနာယ သမ္ပယုတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

အဒုက္ခမသုခါယ ဝေဒနာယ သမ္ပယုတ္တံ ဟေတုံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၂၆. ဟေတုယာ တီဏိ၊ အာရမ္မဏေ တီဏိ၊ အဓိပတိယာ တီဏိ။ပေ။ ဝိပါကေ ဒွေ။ပေ။ အဝိဂတေ တီဏိ (သံခိတ္တံ).

နအဓိပတိယာ တီဏိ၊ နပုရေဇာတေ ဒွေ၊ နပစ္ဆာဇာတေ တီဏိ၊ နအာသေဝနေ တီဏိ၊ နဝိပါကေ တီဏိ၊ နဝိပ္ပယုတ္တေ ဒွေ (သံခိတ္တံ).

ဟေတုပစ္စယာ နအဓိပတိယာ တီဏိ (သံခိတ္တံ).

နအဓိပတိပစ္စယာ ဟေတုယာ တီဏိ (သံခိတ္တံ).

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ.)

ဟေတု-အာရမ္မဏပစ္စယာ

၂၇. သုခါယ ဝေဒနာယ သမ္ပယုတ္တော ဟေတု ဓမ္မော သုခါယ ဝေဒနာယ သမ္ပယုတ္တဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

ဒုက္ခာယ ဝေဒနာယ သမ္ပယုတ္တော ဟေတု ဓမ္မော ဒုက္ခာယ ဝေဒနာယ သမ္ပယုတ္တဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

အဒုက္ခမသုခါယ ဝေဒနာယ သမ္ပယုတ္တော ဟေတု ဓမ္မော အဒုက္ခမသုခါယ ဝေဒနာယ သမ္ပယုတ္တဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

၂၈. သုခါယ ဝေဒနာယ သမ္ပယုတ္တော ဟေတု ဓမ္မော သုခါယ ဝေဒနာယ သမ္ပယုတ္တဿ ဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ.

ဒုက္ခာယ ဝေဒနာယ သမ္ပယုတ္တော ဟေတု ဓမ္မော ဒုက္ခာယ ဝေဒနာယ သမ္ပယုတ္တဿ ဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ.

အဒုက္ခမသုခါယ ဝေဒနာယ သမ္ပယုတ္တော ဟေတု ဓမ္မော အဒုက္ခမသုခါယ ဝေဒနာယ သမ္ပယုတ္တဿ ဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).

၂၉. ဟေတုယာ တီဏိ၊ အာရမ္မဏေ နဝ၊ အဓိပတိယာ စတ္တာရိ၊ အနန္တရေ ဆ၊ သမနန္တရေ ဆ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ အာသေဝနေ တီဏိ၊ ဝိပါကေ ဒွေ၊ ဣန္ဒြိယေ ဒွေ၊ မဂ္ဂေ ဒွေ၊ သမ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ ဆ၊ ဝိဂတေ ဆ၊ အဝိဂတေ တီဏိ (သံခိတ္တံ).

နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

၁-၆. ပဋိစ္စဝါရာဒိ

ပစ္စယစတုက္ကံ

၃၀. သုခါယ ဝေဒနာယ သမ္ပယုတ္တံ နဟေတုံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

ဒုက္ခာယ ဝေဒနာယ သမ္ပယုတ္တံ နဟေတုံ ဓမ္မံ ပဋိစ္စ ဒုက္ခာယ ဝေဒနာယ သမ္ပယုတ္တော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

အဒုက္ခမသုခါယ ဝေဒနာယ သမ္ပယုတ္တံ နဟေတုံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၃၁. ဟေတုယာ တီဏိ၊ အာရမ္မဏေ တီဏိ။ပေ။ အဝိဂတေ တီဏိ (သံခိတ္တံ).

နဟေတုယာ တီဏိ၊ နအဓိပတိယာ တီဏိ၊ နပုရေဇာတေ ဒွေ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ။ပေ။ နဝိပ္ပယုတ္တေ ဒွေ (သံခိတ္တံ).

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ.)

၇. ပဉှာဝါရော

ပစ္စယစတုက္ကံ

အာရမ္မဏပစ္စယာဒိ

၃၂. သုခါယ ဝေဒနာယ သမ္ပယုတ္တော နဟေတု ဓမ္မော သုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အာရမ္မဏပစ္စယေန ပစ္စယော. သုခါယ ဝေဒနာယ သမ္ပယုတ္တော နဟေတု ဓမ္မော ဒုက္ခာယ ဝေဒနာယ သမ္ပယုတ္တဿ နဟေတုဿ ဓမ္မဿ အာရမ္မဏပစ္စယေန ပစ္စယော. သုခါယ ဝေဒနာယ သမ္ပယုတ္တော နဟေတု ဓမ္မော အဒုက္ခမသုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၃)

ဒုက္ခာယ ဝေဒနာယ သမ္ပယုတ္တော နဟေတု ဓမ္မော ဒုက္ခာယ ဝေဒနာယ သမ္ပယုတ္တဿ နဟေတုဿ ဓမ္မဿ အာရမ္မဏပစ္စယေန ပစ္စယော. ဒုက္ခာယ ဝေဒနာယ သမ္ပယုတ္တော နဟေတု ဓမ္မော သုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အာရမ္မဏပစ္စယေန ပစ္စယော. ဒုက္ခာယ ဝေဒနာယ သမ္ပယုတ္တော နဟေတု ဓမ္မော အဒုက္ခမသုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၃)

အဒုက္ခမသုခါယ ဝေဒနာယ သမ္ပယုတ္တော နဟေတု ဓမ္မော အဒုက္ခမသုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အာရမ္မဏပစ္စယေန ပစ္စယော. အဒုက္ခမသုခါယ ဝေဒနာယ သမ္ပယုတ္တော နဟေတု ဓမ္မော သုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အာရမ္မဏပစ္စယေန ပစ္စယော. အဒုက္ခမသုခါယ ဝေဒနာယ သမ္ပယုတ္တော နဟေတု ဓမ္မော ဒုက္ခာယ ဝေဒနာယ သမ္ပယုတ္တဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၃)

၃၃. သုခါယ ဝေဒနာယ သမ္ပယုတ္တော နဟေတု ဓမ္မော သုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အဓိပတိပစ္စယေန ပစ္စယော. သုခါယ ဝေဒနာယ သမ္ပယုတ္တော နဟေတု ဓမ္မော အဒုက္ခမသုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အဓိပတိပစ္စယေန ပစ္စယော. (၂)

ဒုက္ခာယ ဝေဒနာယ သမ္ပယုတ္တော နဟေတု ဓမ္မော ဒုက္ခာယ ဝေဒနာယ သမ္ပယုတ္တဿ နဟေတုဿ ဓမ္မဿ အဓိပတိပစ္စယေန ပစ္စယော. (၁)

အဒုက္ခမသုခါယ ဝေဒနာယ သမ္ပယုတ္တော နဟေတု ဓမ္မော အဒုက္ခမသုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အဓိပတိပစ္စယေန ပစ္စယော. အဒုက္ခမသုခါယ ဝေဒနာယ သမ္ပယုတ္တော နဟေတု ဓမ္မော သုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အဓိပတိပစ္စယေန ပစ္စယော. (၂)

အနန္တရ-ဥပနိဿယပစ္စယာ

၃၄. သုခါယ ဝေဒနာယ သမ္ပယုတ္တော နဟေတု ဓမ္မော သုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အနန္တရပစ္စယေန ပစ္စယော။ ဒွေ.

ဒုက္ခာယ ဝေဒနာယ သမ္ပယုတ္တော နဟေတု ဓမ္မော ဒုက္ခာယ ဝေဒနာယ သမ္ပယုတ္တဿ နဟေတုဿ ဓမ္မဿ အနန္တရပစ္စယေန ပစ္စယော။ ဒွေ.

အဒုက္ခမသုခါယ ဝေဒနာယ သမ္ပယုတ္တော နဟေတု ဓမ္မော အဒုက္ခမသုခါယ ဝေဒနာယ သမ္ပယုတ္တဿ နဟေတုဿ ဓမ္မဿ အနန္တရပစ္စယေန ပစ္စယော။ တီဏိ။ပေ။.

၃၅. သုခါယ ဝေဒနာယ သမ္ပယုတ္တော နဟေတု ဓမ္မော သုခါယ ဝေဒနာယ သမ္ပယုတ္တဿ နဟေတုဿ ဓမ္မဿ ဥပနိဿယပစ္စယေန ပစ္စယော။ တီဏိ.

ဒုက္ခာယ ဝေဒနာယ သမ္ပယုတ္တော နဟေတု ဓမ္မော ဒုက္ခာယ ဝေဒနာယ သမ္ပယုတ္တဿ နဟေတုဿ ဓမ္မဿ ဥပနိဿယပစ္စယေန ပစ္စယော။ တီဏိ.

အဒုက္ခမသုခါယ ဝေဒနာယ သမ္ပယုတ္တော နဟေတု ဓမ္မော အဒုက္ခမသုခါယ ဝေဒနာယ သမ္ပယုတ္တဿ နဟေတုဿ ဓမ္မဿ ဥပနိဿယပစ္စယေန ပစ္စယော။ တီဏိ (သံခိတ္တံ).

၃၆. အာရမ္မဏေ နဝ၊ အဓိပတိယာ ပဉ္စ၊ အနန္တရေ သတ္တ၊ သမနန္တရေ သတ္တ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ အာသေဝနေ တီဏိ၊ ကမ္မေ အဋ္ဌ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ တီဏိ (သံခိတ္တံ).

နဟေတုယာ နဝ၊ နအာရမ္မဏေ နဝ (သံခိတ္တံ).

အာရမ္မဏပစ္စယာ နဟေတုယာ နဝ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).