၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၈၀. မိစ္ဆတ္တနိယတံ ဟေတုံ ဓမ္မံ ပဋိစ္စ မိစ္ဆတ္တနိယတော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
သမ္မတ္တနိယတံ ဟေတုံ ဓမ္မံ ပဋိစ္စ သမ္မတ္တနိယတော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
အနိယတံ ဟေတုံ ဓမ္မံ ပဋိစ္စ အနိယတော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၁၈၁. ဟေတုယာ တီဏိ၊ အာရမ္မဏေ တီဏိ၊ အဓိပတိယာ တီဏိ။ပေ။ ဝိပါကေ ဧကံ။ပေ။ အဝိဂတေ တီဏိ (သံခိတ္တံ).
နအဓိပတိယာ ဒွေ၊ နပုရေဇာတေ ဒွေ၊ နပစ္ဆာဇာတေ တီဏိ၊ နအာသေဝနေ ဧကံ၊ နဝိပါကေ တီဏိ၊ နဝိပ္ပယုတ္တေ ဒွေ (သံခိတ္တံ).
(သဟဇာတဝါရမ္ပိ ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)
ဟေတု-အာရမ္မဏပစ္စယာဒိ
၁၈၂. မိစ္ဆတ္တနိယတော ဟေတု ဓမ္မော မိစ္ဆတ္တနိယတဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
သမ္မတ္တနိယတော ဟေတု ဓမ္မော သမ္မတ္တနိယတဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
အနိယတော ဟေတု ဓမ္မော အနိယတဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
မိစ္ဆတ္တနိယတော ဟေတု ဓမ္မော အနိယတဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၁)
သမ္မတ္တနိယတော ဟေတု ဓမ္မော အနိယတဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၁)
အနိယတော ဟေတု ဓမ္မော အနိယတဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၁)
အနိယတော ဟေတု ဓမ္မော မိစ္ဆတ္တနိယတဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၁)
သမ္မတ္တနိယတော ဟေတု ဓမ္မော သမ္မတ္တနိယတဿ ဟေတုဿ ဓမ္မဿ အဓိပတိပစ္စယေန ပစ္စယော. သမ္မတ္တနိယတော ဟေတု ဓမ္မော အနိယတဿ ဟေတုဿ ဓမ္မဿ အဓိပတိပစ္စယေန ပစ္စယော. (၂)
အနိယတော ဟေတု ဓမ္မော အနိယတဿ ဟေတုဿ ဓမ္မဿ အဓိပတိပစ္စယေန ပစ္စယော. (၁)
အနန္တရပစ္စယာဒိ
၁၈၃. မိစ္ဆတ္တနိယတော ဟေတု ဓမ္မော အနိယတဿ ဟေတုဿ ဓမ္မဿ အနန္တရပစ္စယေန ပစ္စယော. (၁)
သမ္မတ္တနိယတော ဟေတု ဓမ္မော အနိယတဿ ဟေတုဿ ဓမ္မဿ အနန္တရပစ္စယေန ပစ္စယော. (၁)
အနိယတော ဟေတု ဓမ္မော အနိယတဿ ဟေတုဿ ဓမ္မဿ အနန္တရပစ္စယေန ပစ္စယော. အနိယတော ဟေတု ဓမ္မော မိစ္ဆတ္တနိယတဿ ဟေတုဿ ဓမ္မဿ အနန္တရပစ္စယေန ပစ္စယော. အနိယတော ဟေတု ဓမ္မော သမ္မတ္တနိယတဿ ဟေတုဿ ဓမ္မဿ အနန္တရပစ္စယေန ပစ္စယော. (၃)
၁၈၄. မိစ္ဆတ္တနိယတော ဟေတု ဓမ္မော မိစ္ဆတ္တနိယတဿ ဟေတုဿ ဓမ္မဿ ဥပနိဿယပစ္စယေန ပစ္စယော. မိစ္ဆတ္တနိယတော ဟေတု ဓမ္မော အနိယတဿ ဟေတုဿ ဓမ္မဿ ဥပနိဿယပစ္စယေန ပစ္စယော. (၂)
သမ္မတ္တနိယတော ဟေတု ဓမ္မော သမ္မတ္တနိယတဿ ဟေတုဿ ဓမ္မဿ ဥပနိဿယပစ္စယေန ပစ္စယော. သမ္မတ္တနိယတော ဟေတု ဓမ္မော အနိယတဿ ဟေတုဿ ဓမ္မဿ ဥပနိဿယပစ္စယေန ပစ္စယော. (၂)
အနိယတော ဟေတု ဓမ္မော အနိယတဿ ဟေတုဿ ဓမ္မဿ ဥပနိဿယပစ္စယေန ပစ္စယော. အနိယတော ဟေတု ဓမ္မော မိစ္ဆတ္တနိယတဿ ဟေတုဿ ဓမ္မဿ ဥပနိဿယပစ္စယေန ပစ္စယော. အနိယတော ဟေတု ဓမ္မော သမ္မတ္တနိယတဿ ဟေတုဿ ဓမ္မဿ ဥပနိဿယပစ္စယေန ပစ္စယော. (၃) (သံခိတ္တံ.)
၁၈၅. ဟေတုယာ တီဏိ၊ အာရမ္မဏေ စတ္တာရိ၊ အဓိပတိယာ တီဏိ၊ အနန္တရေ ပဉ္စ၊ သမနန္တရေ ပဉ္စ၊ သဟဇာတေ တီဏိ။ပေ။ ဥပနိဿယေ သတ္တ။ပေ။ အဝိဂတေ တီဏိ (သံခိတ္တံ).
နဟေတုယာ သတ္တ၊ နအာရမ္မဏေ သတ္တ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ စတ္တာရိ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)