၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၈၆. မိစ္ဆတ္တနိယတံ နဟေတုံ ဓမ္မံ ပဋိစ္စ မိစ္ဆတ္တနိယတော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
သမ္မတ္တနိယတံ နဟေတုံ ဓမ္မံ ပဋိစ္စ သမ္မတ္တနိယတော နဟေတု ဓမ္မော ဥပ္ပဇ္ဇတိ ဟေတုပစ္စယာ. သမ္မတ္တနိယတံ နဟေတုံ ဓမ္မံ ပဋိစ္စ အနိယတော နဟေတု ဓမ္မော ဥပ္ပဇ္ဇတိ ဟေတုပစ္စယာ. သမ္မတ္တနိယတံ နဟေတုံ ဓမ္မံ ပဋိစ္စ သမ္မတ္တနိယတော နဟေတု စ အနိယတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
အနိယတံ နဟေတုံ ဓမ္မံ ပဋိစ္စ အနိယတော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
မိစ္ဆတ္တနိယတံ နဟေတုဉ္စ အနိယတံ နဟေတုဉ္စ ဓမ္မံ ပဋိစ္စ အနိယတော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
သမ္မတ္တနိယတံ နဟေတုဉ္စ အနိယတံ နဟေတုဉ္စ ဓမ္မံ ပဋိစ္စ အနိယတော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၁၈၇. ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ။ပေ။ ဝိပါကေ ဧကံ။ပေ။ အဝိဂတေ နဝ (သံခိတ္တံ).
ပစ္စနီယံ
နဟေတုပစ္စယော
၁၈၈. အနိယတံ နဟေတုံ ဓမ္မံ ပဋိစ္စ အနိယတော နဟေတု ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ).
နဟေတုယာ ဧကံ၊ နအာရမ္မဏေ ပဉ္စ၊ နအဓိပတိယာ တီဏိ။ပေ။ နောဝိဂတေ ပဉ္စ (သံခိတ္တံ).
ဟေတုပစ္စယာ နအာရမ္မဏေ ပဉ္စ (သံခိတ္တံ).
နဟေတုပစ္စယာ အာရမ္မဏေ ဧကံ (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)
အာရမ္မဏ-အဓိပတိ-အနန္တရပစ္စယာ
၁၈၉. မိစ္ဆတ္တနိယတော နဟေတု ဓမ္မော အနိယတဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၁)
သမ္မတ္တနိယတော နဟေတု ဓမ္မော အနိယတဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၁)
အနိယတော နဟေတု ဓမ္မော အနိယတဿ နဟေတုဿ ဓမ္မဿ အာရမ္မဏပစ္စယေန ပစ္စယော. အနိယတော နဟေတု ဓမ္မော မိစ္ဆတ္တနိယတဿ နဟေတုဿ ဓမ္မဿ အာရမ္မဏပစ္စယေန ပစ္စယော. အနိယတော နဟေတု ဓမ္မော သမ္မတ္တနိယတဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၃)
၁၉၀. မိစ္ဆတ္တနိယတော နဟေတု ဓမ္မော မိစ္ဆတ္တနိယတဿ နဟေတုဿ ဓမ္မဿ အဓိပတိပစ္စယေန ပစ္စယော။ တီဏိ.
သမ္မတ္တနိယတော နဟေတု ဓမ္မော သမ္မတ္တနိယတဿ နဟေတုဿ ဓမ္မဿ အဓိပတိပစ္စယေန ပစ္စယော. သမ္မတ္တနိယတော နဟေတု ဓမ္မော အနိယတဿ နဟေတုဿ ဓမ္မဿ အဓိပတိပစ္စယေန ပစ္စယော. သမ္မတ္တနိယတော နဟေတု ဓမ္မော သမ္မတ္တနိယတဿ နဟေတုဿ စ အနိယတဿ နဟေတုဿ စ ဓမ္မဿ အဓိပတိပစ္စယေန ပစ္စယော. (၃)
အနိယတော နဟေတု ဓမ္မော အနိယတဿ နဟေတုဿ ဓမ္မဿ အဓိပတိပစ္စယေန ပစ္စယော. အနိယတော နဟေတု ဓမ္မော သမ္မတ္တနိယတဿ နဟေတုဿ ဓမ္မဿ အဓိပတိပစ္စယေန ပစ္စယော. (၂)
မိစ္ဆတ္တနိယတော နဟေတု ဓမ္မော အနိယတဿ နဟေတုဿ ဓမ္မဿ အနန္တရပစ္စယေန ပစ္စယော. (၁)
သမ္မတ္တနိယတော နဟေတု ဓမ္မော အနိယတဿ နဟေတုဿ ဓမ္မဿ အနန္တရပစ္စယေန ပစ္စယော. (၁)
အနိယတော နဟေတု ဓမ္မော အနိယတဿ နဟေတုဿ ဓမ္မဿ အနန္တရပစ္စယေန ပစ္စယော. အနိယတော နဟေတု ဓမ္မော မိစ္ဆတ္တနိယတဿ နဟေတုဿ ဓမ္မဿ အနန္တရပစ္စယေန ပစ္စယော. အနိယတော နဟေတု ဓမ္မော သမ္မတ္တနိယတဿ နဟေတုဿ ဓမ္မဿ အနန္တရပစ္စယေန ပစ္စယော. (၃) (သံခိတ္တံ.)
၁၉၁. အာရမ္မဏေ ပဉ္စ၊ အဓိပတိယာ အဋ္ဌ၊ အနန္တရေ ပဉ္စ၊ သမနန္တရေ ပဉ္စ၊ သဟဇာတေ နဝ၊ အညမညေ တီဏိ၊ နိဿယေ တေရသ၊ ဥပနိဿယေ သတ္တ။ပေ။ အဝိဂတေ တေရသ (သံခိတ္တံ).
နဟေတုယာ တေရသ၊ နအာရမ္မဏေ တေရသ၊ နအဓိပတိယာ တေရသ (သံခိတ္တံ).
အာရမ္မဏပစ္စယာ နဟေတုယာ ပဉ္စ (သံခိတ္တံ).
နဟေတုပစ္စယာ အာရမ္မဏေ ပဉ္စ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)