၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၆၇. ပရိတ္တာရမ္မဏံ ဟေတုံ ဓမ္မံ ပဋိစ္စ ပရိတ္တာရမ္မဏော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
မဟဂ္ဂတာရမ္မဏံ ဟေတုံ ဓမ္မံ ပဋိစ္စ မဟဂ္ဂတာရမ္မဏော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
အပ္ပမာဏာရမ္မဏံ ဟေတုံ ဓမ္မံ ပဋိစ္စ အပ္ပမာဏာရမ္မဏော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
ဟေတုယာ တီဏိ၊ အာရမ္မဏေ တီဏိ။ပေ။ ဝိဂတေ တီဏိ၊ အဝိဂတေ တီဏိ (သံခိတ္တံ).
နအဓိပတိယာ တီဏိ၊ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နဝိပါကေ တီဏိ၊ နဝိပ္ပယုတ္တေ တီဏိ (သံခိတ္တံ).
(သဟဇာတဝါရမ္ပိ ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)
ဟေတု-အာရမ္မဏပစ္စယာ
၁၆၈. ပရိတ္တာရမ္မဏော ဟေတု ဓမ္မော ပရိတ္တာရမ္မဏဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
မဟဂ္ဂတာရမ္မဏော ဟေတု ဓမ္မော မဟဂ္ဂတာရမ္မဏဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
အပ္ပမာဏာရမ္မဏော ဟေတု ဓမ္မော အပ္ပမာဏာရမ္မဏဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
ပရိတ္တာရမ္မဏော ဟေတု ဓမ္မော ပရိတ္တာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော. ပရိတ္တာရမ္မဏော ဟေတု ဓမ္မော မဟဂ္ဂတာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)
မဟဂ္ဂတာရမ္မဏော ဟေတု ဓမ္မော မဟဂ္ဂတာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော. မဟဂ္ဂတာရမ္မဏော ဟေတု ဓမ္မော ပရိတ္တာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)
အပ္ပမာဏာရမ္မဏော ဟေတု ဓမ္မော အပ္ပမာဏာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော. အပ္ပမာဏာရမ္မဏော ဟေတု ဓမ္မော ပရိတ္တာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော. အပ္ပမာဏာရမ္မဏော ဟေတု ဓမ္မော မဟဂ္ဂတာရမ္မဏဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၃) (သံခိတ္တံ.)
၁၆၉. ဟေတုယာ တီဏိ၊ အာရမ္မဏေ သတ္တ၊ အဓိပတိယာ သတ္တ၊ အနန္တရေ နဝ၊ သမနန္တရေ နဝ၊ ဥပနိဿယေ နဝ။ပေ။ အဝိဂတေ တီဏိ (သံခိတ္တံ).
နဟေတုယာ နဝ၊ နအာရမ္မဏေ နဝ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ သတ္တ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)