၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၁၇၀. ပရိတ္တာရမ္မဏံ နဟေတုံ ဓမ္မံ ပဋိစ္စ ပရိတ္တာရမ္မဏော နဟေတု ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ တီဏိ၊ အာရမ္မဏေ တီဏိ၊ အဓိပတိယာ တီဏိ။ပေ။ အဝိဂတေ တီဏိ (သံခိတ္တံ).

၁၇၁. ပရိတ္တာရမ္မဏံ နဟေတုံ ဓမ္မံ ပဋိစ္စ ပရိတ္တာရမ္မဏော နဟေတု ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ).

နဟေတုယာ တီဏိ၊ နအဓိပတိယာ တီဏိ။ပေ။ နဝိပ္ပယုတ္တေ တီဏိ (သံခိတ္တံ).

ဟေတုပစ္စယာ နအဓိပတိယာ တီဏိ (သံခိတ္တံ).

နဟေတုပစ္စယာ အာရမ္မဏေ တီဏိ (သံခိတ္တံ).

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)

အာရမ္မဏ-အဓိပတိပစ္စယာ

၁၇၂. ပရိတ္တာရမ္မဏော နဟေတု ဓမ္မော ပရိတ္တာရမ္မဏဿ နဟေတုဿ ဓမ္မဿ အာရမ္မဏပစ္စယေန ပစ္စယော. ပရိတ္တာရမ္မဏော နဟေတု ဓမ္မော မဟဂ္ဂတာရမ္မဏဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၂)

မဟဂ္ဂတာရမ္မဏော နဟေတု ဓမ္မော မဟဂ္ဂတာရမ္မဏဿ နဟေတုဿ ဓမ္မဿ အာရမ္မဏပစ္စယေန ပစ္စယော. မဟဂ္ဂတာရမ္မဏော နဟေတု ဓမ္မော ပရိတ္တာရမ္မဏဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၂)

အပ္ပမာဏာရမ္မဏော နဟေတု ဓမ္မော အပ္ပမာဏာရမ္မဏဿ နဟေတုဿ ဓမ္မဿ အာရမ္မဏပစ္စယေန ပစ္စယော. အပ္ပမာဏာရမ္မဏော နဟေတု ဓမ္မော ပရိတ္တာရမ္မဏဿ နဟေတုဿ ဓမ္မဿ အာရမ္မဏပစ္စယေန ပစ္စယော. အပ္ပမာဏာရမ္မဏော နဟေတု ဓမ္မော မဟဂ္ဂတာရမ္မဏဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၃)

ပရိတ္တာရမ္မဏော နဟေတု ဓမ္မော ပရိတ္တာရမ္မဏဿ နဟေတုဿ ဓမ္မဿ အဓိပတိပစ္စယေန ပစ္စယော (သံခိတ္တံ).

၁၇၃. အာရမ္မဏေ သတ္တ၊ အဓိပတိယာ သတ္တ၊ အနန္တရေ နဝ၊ သမနန္တရေ နဝ၊ ဥပနိဿယေ နဝ။ပေ။ အဝိဂတေ တီဏိ (သံခိတ္တံ).

နဟေတုယာ နဝ၊ နအာရမ္မဏေ နဝ (သံခိတ္တံ).

အာရမ္မဏပစ္စယာ နဟေတုယာ သတ္တ (သံခိတ္တံ).

နဟေတုပစ္စယာ အာရမ္မဏေ သတ္တ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)