၁-၆. ပဋိစ္စဝါရာဒိ

ပစ္စယစတုက္ကံ

ဟေတု-အာရမ္မဏပစ္စယာ

၁၃၈. အာစယဂါမိံ နဟေတုံ ဓမ္မံ ပဋိစ္စ အာစယဂါမီ နဟေတု ဓမ္မော ဥပ္ပဇ္ဇတိ ဟေတုပစ္စယာ. အာစယဂါမိံ နဟေတုံ ဓမ္မံ ပဋိစ္စ နေဝါစယဂါမိနာပစယဂါမီ နဟေတု ဓမ္မော ဥပ္ပဇ္ဇတိ ဟေတုပစ္စယာ. အာစယဂါမိံ နဟေတုံ ဓမ္မံ ပဋိစ္စ အာစယဂါမီ နဟေတု စ နေဝါစယဂါမိနာပစယဂါမီ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အပစယဂါမိံ နဟေတုံ ဓမ္မံ ပဋိစ္စ အပစယဂါမီ နဟေတု ဓမ္မော ဥပ္ပဇ္ဇတိ ဟေတုပစ္စယာ. အပစယဂါမိံ နဟေတုံ ဓမ္မံ ပဋိစ္စ နေဝါစယဂါမိနာပစယဂါမီ နဟေတု ဓမ္မော ဥပ္ပဇ္ဇတိ ဟေတုပစ္စယာ. အပစယဂါမိံ နဟေတုံ ဓမ္မံ ပဋိစ္စ အပစယဂါမီ နဟေတု စ နေဝါစယဂါမိနာပစယဂါမီ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နေဝါစယဂါမိနာပစယဂါမိံ နဟေတုံ ဓမ္မံ ပဋိစ္စ နေဝါစယဂါမိနာပစယဂါမီ နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

အာစယဂါမိံ နဟေတုဉ္စ နေဝါစယဂါမိနာပစယဂါမိံ နဟေတုဉ္စ ဓမ္မံ ပဋိစ္စ နေဝါစယဂါမိနာပစယဂါမီ နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

အပစယဂါမိံ နဟေတုဉ္စ နေဝါစယဂါမိနာပစယဂါမိံ နဟေတုဉ္စ ဓမ္မံ ပဋိစ္စ နေဝါစယဂါမိနာပစယဂါမီ နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

၁၃၉. အာစယဂါမိံ နဟေတုံ ဓမ္မံ ပဋိစ္စ အာစယဂါမီ နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)

အပစယဂါမိံ နဟေတုံ ဓမ္မံ ပဋိစ္စ အပစယဂါမီ နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)

နေဝါစယဂါမိနာပစယဂါမိံ နဟေတုံ ဓမ္မံ ပဋိစ္စ နေဝါစယဂါမိနာပစယဂါမီ နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁) (သံခိတ္တံ.)

ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ။ပေ။ အဝိဂတေ နဝ (သံခိတ္တံ).

နဟေတု-နအာရမ္မဏပစ္စယာ

၁၄၀. နေဝါစယဂါမိနာပစယဂါမိံ နဟေတုံ ဓမ္မံ ပဋိစ္စ နေဝါစယဂါမိနာပစယဂါမီ နဟေတု ဓမ္မော ဥပ္ပဇ္ဇတိ နဟေတုပစ္စယာ. (၁)

အာစယဂါမိံ နဟေတုံ ဓမ္မံ ပဋိစ္စ နေဝါစယဂါမိနာပစယဂါမီ နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ (သံခိတ္တံ).

၁၄၁. နဟေတုယာ ဧကံ၊ နအာရမ္မဏေ ပဉ္စ၊ နအဓိပတိယာ ဆ။ပေ။ နောဝိဂတေ ပဉ္စ (သံခိတ္တံ).

ဟေတုပစ္စယာ နအာရမ္မဏေ ပဉ္စ (သံခိတ္တံ).

နဟေတုပစ္စယာ အာရမ္မဏေ ဧကံ (သံခိတ္တံ).

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေဗ္ဗံ.)