၇. ပဉှာဝါရော

ပစ္စယစတုက္ကံ

၁၄၂. အာစယဂါမီ နဟေတု ဓမ္မော အာစယဂါမိဿ နဟေတုဿ ဓမ္မဿ အာရမ္မဏပစ္စယေန ပစ္စယော. အာစယဂါမီ နဟေတု ဓမ္မော နေဝါစယဂါမိနာပစယဂါမိဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၂)

အပစယဂါမီ နဟေတု ဓမ္မော အာစယဂါမိဿ နဟေတုဿ ဓမ္မဿ အာရမ္မဏပစ္စယေန ပစ္စယော. အပစယဂါမီ နဟေတု ဓမ္မော နေဝါစယဂါမိနာပစယဂါမိဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၂)

နေဝါစယဂါမိနာပစယဂါမီ နဟေတု ဓမ္မော နေဝါစယဂါမိနာပစယဂါမိဿ နဟေတုဿ ဓမ္မဿ အာရမ္မဏပစ္စယေန ပစ္စယော. နေဝါစယဂါမိနာပစယဂါမီ နဟေတု ဓမ္မော အာစယဂါမိဿ နဟေတုဿ ဓမ္မဿ အာရမ္မဏပစ္စယေန ပစ္စယော. နေဝါစယဂါမိနာပစယဂါမီ နဟေတု ဓမ္မော အပစယဂါမိဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၃)

၁၄၃. အာစယဂါမီ နဟေတု ဓမ္မော အာစယဂါမိဿ နဟေတုဿ ဓမ္မဿ အဓိပတိပစ္စယေန ပစ္စယော။ တီဏိ.

အပစယဂါမီ နဟေတု ဓမ္မော အပစယဂါမိဿ နဟေတုဿ ဓမ္မဿ အဓိပတိပစ္စယေန ပစ္စယော. အပစယဂါမီ နဟေတု ဓမ္မော အာစယဂါမိဿ နဟေတုဿ ဓမ္မဿ အဓိပတိပစ္စယေန ပစ္စယော. အပစယဂါမီ နဟေတု ဓမ္မော နေဝါစယဂါမိနာပစယဂါမိဿ နဟေတုဿ ဓမ္မဿ အဓိပတိပစ္စယေန ပစ္စယော. အပစယဂါမီ နဟေတု ဓမ္မော အပစယဂါမိဿ နဟေတုဿ စ နေဝါစယဂါမိနာပစယဂါမိဿ နဟေတုဿ စ ဓမ္မဿ အဓိပတိပစ္စယေန ပစ္စယော. (၄)

၁၄၄. နေဝါစယဂါမိနာပစယဂါမီ နဟေတု ဓမ္မော နေဝါစယဂါမိနာပစယဂါမိဿ နဟေတုဿ ဓမ္မဿ အဓိပတိပစ္စယေန ပစ္စယော။ တီဏိ.

အာစယဂါမီ နဟေတု ဓမ္မော အာစယဂါမိဿ နဟေတုဿ ဓမ္မဿ အနန္တရပစ္စယေန ပစ္စယော. အာစယဂါမီ နဟေတု ဓမ္မော အပစယဂါမိဿ နဟေတုဿ ဓမ္မဿ အနန္တရပစ္စယေန ပစ္စယော. အာစယဂါမီ နဟေတု ဓမ္မော နေဝါစယဂါမိနာပစယဂါမိဿ နဟေတုဿ ဓမ္မဿ အနန္တရပစ္စယေန ပစ္စယော. (၃)

အပစယဂါမီ နဟေတု ဓမ္မော နေဝါစယဂါမိနာပစယဂါမိဿ နဟေတုဿ ဓမ္မဿ အနန္တရပစ္စယေန ပစ္စယော. (၁)

နေဝါစယဂါမိနာပစယဂါမီ နဟေတု ဓမ္မော နေဝါစယဂါမိနာပစယဂါမိဿ နဟေတုဿ ဓမ္မဿ အနန္တရပစ္စယေန ပစ္စယော. နေဝါစယဂါမိနာပစယဂါမီ နဟေတု ဓမ္မော အာစယဂါမိဿ နဟေတုဿ ဓမ္မဿ အနန္တရပစ္စယေန ပစ္စယော. (၂)။ပေ။.

အာစယဂါမီ နဟေတု ဓမ္မော အာစယဂါမိဿ နဟေတုဿ ဓမ္မဿ ဥပနိဿယပစ္စယေန ပစ္စယော (သံခိတ္တံ).

၁၄၅. အာရမ္မဏေ သတ္တ၊ အဓိပတိယာ ဒသ၊ အနန္တရေ ဆ သမနန္တရေ ဆ၊ သဟဇာတေ နဝ၊ အညမညေ တီဏိ၊ နိဿယေ တေရသ၊ ဥပနိဿယေ နဝ။ပေ။ အဝိဂတေ တေရသ (သံခိတ္တံ).

နဟေတုယာ ပန္နရသ၊ နအာရမ္မဏေ ပန္နရသ (သံခိတ္တံ).

အာရမ္မဏပစ္စယာ နဟေတုယာ သတ္တ (သံခိတ္တံ).

နဟေတုပစ္စယာ အာရမ္မဏေ သတ္တ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)