၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၃၂. အာစယဂါမိံ ဟေတုံ ဓမ္မံ ပဋိစ္စ အာစယဂါမီ ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
အပစယဂါမိံ ဟေတုံ ဓမ္မံ ပဋိစ္စ အပစယဂါမီ ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
နေဝါစယဂါမိနာပစယဂါမိံ ဟေတုံ ဓမ္မံ ပဋိစ္စ နေဝါစယဂါမိနာပစယဂါမီ ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၁၃၃. ဟေတုယာ တီဏိ၊ အာရမ္မဏေ တီဏိ၊ အဓိပတိယာ တီဏိ (သဗ္ဗတ္ထ တီဏိ).
နအဓိပတိယာ တီဏိ၊ နအာသေဝနေ ဒွေ၊ နဝိပါကေ တီဏိ၊ နဝိပ္ပယုတ္တေ တီဏိ (သံခိတ္တံ).
ဟေတုပစ္စယာ နအဓိပတိယာ တီဏိ (သံခိတ္တံ).
နအဓိပတိပစ္စယာ ဟေတုယာ တီဏိ (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)
ဟေတုအာရမ္မဏပစ္စယာဒိ
၁၃၄. အာစယဂါမီ ဟေတု ဓမ္မော အာစယဂါမိဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
အပစယဂါမီ ဟေတု ဓမ္မော အပစယဂါမိဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
နေဝါစယဂါမိနာပစယဂါမီ ဟေတု ဓမ္မော နေဝါစယဂါမိနာပစယဂါမိဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
အာစယဂါမီ ဟေတု ဓမ္မော အာစယဂါမိဿ ဟေတုဿ ဓမ္မဿ အာရမ္မဏပစ္စယေန ပစ္စယော. အာစယဂါမီ ဟေတု ဓမ္မော နေဝါစယဂါမိနာပစယဂါမိဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)
အပစယဂါမီ ဟေတု ဓမ္မော အာစယဂါမိဿ ဟေတုဿ ဓမ္မဿ အာရမ္မဏပစ္စယေန ပစ္စယော. အပစယဂါမီ ဟေတု ဓမ္မော နေဝါစယဂါမိနာပစယဂါမိဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)
နေဝါစယဂါမိနာပစယဂါမီ ဟေတု ဓမ္မော နေဝါစယဂါမိနာပစယဂါမိဿ ဟေတုဿ ဓမ္မဿ အာရမ္မဏပစ္စယေန ပစ္စယော. နေဝါစယဂါမိနာပစယဂါမီ ဟေတု ဓမ္မော အာစယဂါမိဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)
၁၃၅. အာစယဂါမီ ဟေတု ဓမ္မော အာစယဂါမိဿ ဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. (၁)
အပစယဂါမီ ဟေတု ဓမ္မော အပစယဂါမိဿ ဟေတုဿ ဓမ္မဿ အဓိပတိပစ္စယေန ပစ္စယော – သဟဇာတာဓိပတိ။. အပစယဂါမီ ဟေတု ဓမ္မော အာစယဂါမိဿ ဟေတုဿ ဓမ္မဿ အဓိပတိပစ္စယေန ပစ္စယော. အပစယဂါမီ ဟေတု ဓမ္မော နေဝါစယဂါမိနာပစယဂါမိဿ ဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။. (၃)
နေဝါစယဂါမိနာပစယဂါမီ ဟေတု ဓမ္မော နေဝါစယဂါမိနာပစယဂါမိဿ ဟေတုဿ ဓမ္မဿ အဓိပတိပစ္စယေန ပစ္စယော. နေဝါစယဂါမိနာပစယဂါမီ ဟေတု ဓမ္မော အာစယဂါမိဿ ဟေတုဿ ဓမ္မဿ အဓိပတိပစ္စယေန ပစ္စယော.
၁၃၆. အာစယဂါမီ ဟေတု ဓမ္မော အာစယဂါမိဿ ဟေတုဿ ဓမ္မဿ အနန္တရပစ္စယေန ပစ္စယော. အာစယဂါမီ ဟေတု ဓမ္မော အပစယဂါမိဿ ဟေတုဿ ဓမ္မဿ အနန္တရပစ္စယေန ပစ္စယော. အာစယဂါမီ ဟေတု ဓမ္မော နေဝါစယဂါမိနာပစယဂါမိဿ ဟေတုဿ ဓမ္မဿ အနန္တရပစ္စယေန ပစ္စယော. (၃)
အပစယဂါမီ ဟေတု ဓမ္မော နေဝါစယဂါမိနာပစယဂါမိဿ ဟေတုဿ ဓမ္မဿ အနန္တရပစ္စယေန ပစ္စယော. (၁)
နေဝါစယဂါမိနာပစယဂါမီ ဟေတု ဓမ္မော နေဝါစယဂါမိနာပစယဂါမိဿ ဟေတုဿ ဓမ္မဿ အနန္တရပစ္စယေန ပစ္စယော. (၁) (သံခိတ္တံ.)
၁၃၇. ဟေတုယာ တီဏိ၊ အာရမ္မဏေ ဆ၊ အဓိပတိယာ ဆ၊ အနန္တရေ ပဉ္စ၊ သမနန္တရေ ပဉ္စ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ အဋ္ဌ၊ အာသေဝနေ တီဏိ၊ ဝိပါကေ ဧကံ။ပေ။ အဝိဂတေ တီဏိ (သံခိတ္တံ).
နဟေတုယာ အဋ္ဌ၊ နအာရမ္မဏေ အဋ္ဌ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ ဆ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)