၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၂၄. ဒဿနေန ပဟာတဗ္ဗဟေတုကံ ဟေတုံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
ဘာဝနာယ ပဟာတဗ္ဗဟေတုကံ ဟေတုံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
နေဝဒဿနေန နဘာဝနာယ ပဟာတဗ္ဗဟေတုကံ ဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဟေတု ဓမ္မော ဥပ္ပဇ္ဇတိ ဟေတုပစ္စယာ (၁) (သံခိတ္တံ.)
၁၂၅. ဟေတုယာ တီဏိ၊ အာရမ္မဏေ တီဏိ။ပေ။ အဝိဂတေ တီဏိ (သံခိတ္တံ).
နအဓိပတိယာ တီဏိ၊ နပုရေဇာတေ တီဏိ။ပေ။ နဝိပ္ပယုတ္တေ တီဏိ (သံခိတ္တံ. သဟဇာတဝါရမ္ပိ ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ).
၁၂၆. ဒဿနေန ပဟာတဗ္ဗဟေတုကော ဟေတု ဓမ္မော ဒဿနေန ပဟာတဗ္ဗဟေတုကဿ ဟေတုဿ ဓမ္မဿ ဟေတုပစ္စယေန ပစ္စယော (သံခိတ္တံ).
ဟေတုယာ တီဏိ၊ အာရမ္မဏေ အဋ္ဌ၊ အဓိပတိယာ ဆ။ပေ။ အဝိဂတေ တီဏိ (သံခိတ္တံ).
နဟေတုယာ အဋ္ဌ၊ နအာရမ္မဏေ အဋ္ဌ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ အဋ္ဌ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)