၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၂၇. ဒဿနေန ပဟာတဗ္ဗဟေတုကံ နဟေတုံ ဓမ္မံ ပဋိစ္စ ဒဿနေန ပဟာတဗ္ဗဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဘာဝနာယ ပဟာတဗ္ဗဟေတုကံ နဟေတုံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
နေဝဒဿနေန နဘာဝနာယ ပဟာတဗ္ဗဟေတုကံ နဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).
ဟေတုယာ နဝ၊ အာရမ္မဏေ တီဏိ။ပေ။ အဝိဂတေ နဝ (သံခိတ္တံ).
ပစ္စနီယံ
နဟေတုပစ္စယော
၁၂၈. နေဝဒဿနေန နဘာဝနာယ ပဟာတဗ္ဗဟေတုကံ နဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော နဟေတု ဓမ္မော ဥပ္ပဇ္ဇတိ နဟေတုပစ္စယာ. (၁) (သံခိတ္တံ.)
၁၂၉. နဟေတုယာ ဧကံ၊ နအာရမ္မဏေ ပဉ္စ။ပေ။ နောဝိဂတေ ပဉ္စ (သံခိတ္တံ).
ဟေတုပစ္စယာ နအာရမ္မဏေ ပဉ္စ (သံခိတ္တံ).
နဟေတုပစ္စယာ အာရမ္မဏေ ဧကံ (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)
အာရမ္မဏပစ္စယော
၁၃၀. ဒဿနေန ပဟာတဗ္ဗဟေတုကော နဟေတု ဓမ္မော ဒဿနေန ပဟာတဗ္ဗဟေတုကဿ နဟေတုဿ ဓမ္မဿ အာရမ္မဏပစ္စယေန ပစ္စယော။ ဒွေ.
ဘာဝနာယ ပဟာတဗ္ဗဟေတုကော နဟေတု ဓမ္မော ဘာဝနာယ ပဟာတဗ္ဗဟေတုကဿ နဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ.
နေဝဒဿနေန နဘာဝနာယ ပဟာတဗ္ဗဟေတုကော နဟေတု ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ နဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).
၁၃၁. အာရမ္မဏေ အဋ္ဌ၊ အဓိပတိယာ ဒသ။ပေ။ အဝိဂတေ တေရသ (သံခိတ္တံ).
နဟေတုယာ စုဒ္ဒသ၊ နအာရမ္မဏေ စုဒ္ဒသ (သံခိတ္တံ).
အာရမ္မဏပစ္စယာ နဟေတုယာ အဋ္ဌ (သံခိတ္တံ).
နဟေတုပစ္စယာ အာရမ္မဏေ အဋ္ဌ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)