၁-၆. ပဋိစ္စဝါရာဒိ

ပစ္စယစတုက္ကံ

ဟေတု-အာရမ္မဏပစ္စယာ

၁၁၈. ဒဿနေန ပဟာတဗ္ဗံ နဟေတုံ ဓမ္မံ ပဋိစ္စ ဒဿနေန ပဟာတဗ္ဗော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဒဿနေန ပဟာတဗ္ဗံ နဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဒဿနေန ပဟာတဗ္ဗံ နဟေတုံ ဓမ္မံ ပဋိစ္စ ဒဿနေန ပဟာတဗ္ဗော နဟေတု စ နေဝဒဿနေန နဘာဝနာယ ပဟာတဗ္ဗော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ.

ဘာဝနာယ ပဟာတဗ္ဗံ နဟေတုံ ဓမ္မံ ပဋိစ္စ ဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဘာဝနာယ ပဟာတဗ္ဗံ နဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဘာဝနာယ ပဟာတဗ္ဗံ နဟေတုံ ဓမ္မံ ပဋိစ္စ ဘာဝနာယ ပဟာတဗ္ဗော နဟေတု စ နေဝဒဿနေန နဘာဝနာယ ပဟာတဗ္ဗော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ.

နေဝဒဿနေန နဘာဝနာယ ပဟာတဗ္ဗံ နဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

ဒဿနေန ပဟာတဗ္ဗံ နဟေတုဉ္စ နေဝဒဿနေန နဘာဝနာယ ပဟာတဗ္ဗံ နဟေတုဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

ဘာဝနာယ ပဟာတဗ္ဗံ နဟေတုဉ္စ နေဝဒဿနေန နဘာဝနာယ ပဟာတဗ္ဗံ နဟေတုဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

ဒဿနေန ပဟာတဗ္ဗံ နဟေတုံ ဓမ္မံ ပဋိစ္စ ဒဿနေန ပဟာတဗ္ဗော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)

ဘာဝနာယ ပဟာတဗ္ဗံ နဟေတုံ ဓမ္မံ ပဋိစ္စ ဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)

နေဝဒဿနေန နဘာဝနာယ ပဟာတဗ္ဗံ နဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ (သံခိတ္တံ).

၁၁၉. ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ။ပေ။ အဝိဂတေ နဝ (သံခိတ္တံ).

နဟေတု-နအာရမ္မဏပစ္စယာ

၁၂၀. နေဝဒဿနေန နဘာဝနာယ ပဟာတဗ္ဗံ နဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ နဟေတုပစ္စယာ.

ဒဿနေန ပဟာတဗ္ဗံ နဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဘာဝနာယ ပဟာတဗ္ဗံ နဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

နေဝဒဿနေန နဘာဝနာယ ပဟာတဗ္ဗံ နဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဒဿနေန ပဟာတဗ္ဗံ နဟေတုဉ္စ နေဝဒဿနေန နဘာဝနာယ ပဟာတဗ္ဗံ နဟေတုဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဘာဝနာယ ပဟာတဗ္ဗံ နဟေတုဉ္စ နေဝဒဿနေန နဘာဝနာယ ပဟာတဗ္ဗံ နဟေတုဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (၁) (သံခိတ္တံ.)

၁၂၁. နဟေတုယာ ဧကံ၊ နအာရမ္မဏေ ပဉ္စ၊ နအဓိပတိယာ နဝ။ပေ။ နောဝိဂတေ ပဉ္စ (သံခိတ္တံ).

ဟေတုပစ္စယာ နအာရမ္မဏေ ပဉ္စ (သံခိတ္တံ).

နဟေတုပစ္စယာ အာရမ္မဏေ ဧကံ (သံခိတ္တံ).

(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)