၁-၇. ပဋိစ္စဝါရာဒိ
ပစ္စယစတုက္ကံ
၁၁၄. ဒဿနေန ပဟာတဗ္ဗံ ဟေတုံ ဓမ္မံ ပဋိစ္စ ဒဿနေန ပဟာတဗ္ဗော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
ဘာဝနာယ ပဟာတဗ္ဗံ ဟေတုံ ဓမ္မံ ပဋိစ္စ ဘာဝနာယ ပဟာတဗ္ဗော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
နေဝဒဿနေန နဘာဝနာယ ပဟာတဗ္ဗံ ဟေတုံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဟေတု ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၁၁၅. ဟေတုယာ တီဏိ (သဗ္ဗတ္ထ တီဏိ)၊ ဝိပါကေ ဧကံ။ပေ။ အဝိဂတေ တီဏိ.
နအဓိပတိယာ တီဏိ၊ နပုရေဇာတေ တီဏိ။ပေ။ နဝိပ္ပယုတ္တေ တီဏိ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ).
၁၁၆. ဒဿနေန ပဟာတဗ္ဗော ဟေတု ဓမ္မော ဒဿနေန ပဟာတဗ္ဗဿ ဟေတုဿ ဓမ္မဿ ဟေတုပစ္စယေန ပစ္စယော။ တီဏိ.
ဒဿနေန ပဟာတဗ္ဗော ဟေတု ဓမ္မော ဒဿနေန ပဟာတဗ္ဗဿ ဟေတုဿ ဓမ္မဿ အာရမ္မဏပစ္စယေန ပစ္စယော (သံခိတ္တံ).
၁၁၇. ဟေတုယာ တီဏိ၊ အာရမ္မဏေ အဋ္ဌ၊ အဓိပတိယာ ဆ၊ အနန္တရေ ပဉ္စ၊ သမနန္တရေ ပဉ္စ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ အဋ္ဌ၊ အာသေဝနေ တီဏိ၊ ဝိပါကေ ဧကံ၊ ဣန္ဒြိယေ ဧကံ၊ မဂ္ဂေ ဧကံ။ပေ။ အဝိဂတေ တီဏိ (သံခိတ္တံ).
နဟေတုယာ အဋ္ဌ၊ နအာရမ္မဏေ အဋ္ဌ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ အဋ္ဌ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)