၇. ပဉှာဝါရော
ပစ္စယစတုက္ကံ
ဟေတုအာရမ္မဏပစ္စယာဒိ
၁၀၄. ပီတိသဟဂတော ဟေတု ဓမ္မော ပီတိသဟဂတဿ ဟေတုဿ ဓမ္မဿ ဟေတုပစ္စယေန ပစ္စယော။ တီဏိ.
သုခသဟဂတော ဟေတု ဓမ္မော သုခသဟဂတဿ ဟေတုဿ ဓမ္မဿ ဟေတုပစ္စယေန ပစ္စယော။ တီဏိ.
ဥပေက္ခာသဟဂတော ဟေတု ဓမ္မော ဥပေက္ခာသဟဂတဿ ဟေတုဿ ဓမ္မဿ ဟေတုပစ္စယေန ပစ္စယော။ ဧကံ.
ပီတိသဟဂတော ဟေတု စ သုခသဟဂတော ဟေတု စ ဓမ္မာ ပီတိသဟဂတဿ ဟေတုဿ ဓမ္မဿ ဟေတုပစ္စယေန ပစ္စယော။ တီဏိ.
၁၀၅. ပီတိသဟဂတော ဟေတု ဓမ္မော ပီတိသဟဂတဿ ဟေတုဿ ဓမ္မဿ အာရမ္မဏပစ္စယေန ပစ္စယော. ပီတိသဟဂတော ဟေတု ဓမ္မော သုခသဟဂတဿ ဟေတုဿ ဓမ္မဿ အာရမ္မဏပစ္စယေန ပစ္စယော. ပီတိသဟဂတော ဟေတု ဓမ္မော ဥပေက္ခာသဟဂတဿ ဟေတုဿ ဓမ္မဿ အာရမ္မဏပစ္စယေန ပစ္စယော. ပီတိသဟဂတော ဟေတု ဓမ္မော ပီတိသဟဂတဿ ဟေတုဿ စ သုခသဟဂတဿ ဟေတုဿ စ ဓမ္မဿ အာရမ္မဏပစ္စယေန ပစ္စယော။ စတ္တာရိ.
သုခသဟဂတော ဟေတု ဓမ္မော သုခသဟဂတဿ ဟေတုဿ ဓမ္မဿ အာရမ္မဏပစ္စယေန ပစ္စယော. သုခသဟဂတော ဟေတု ဓမ္မော ပီတိသဟဂတဿ ဟေတုဿ ဓမ္မဿ အာရမ္မဏပစ္စယေန ပစ္စယော. သုခသဟဂတော ဟေတု ဓမ္မော ဥပေက္ခာသဟဂတဿ ဟေတုဿ ဓမ္မဿ အာရမ္မဏပစ္စယေန ပစ္စယော. သုခသဟဂတော ဟေတု ဓမ္မော ပီတိသဟဂတဿ ဟေတုဿ စ သုခသဟဂတဿ ဟေတုဿ စ ဓမ္မဿ အာရမ္မဏပစ္စယေန ပစ္စယော။ စတ္တာရိ.
ဥပေက္ခာသဟဂတော ဟေတု ဓမ္မော ဥပေက္ခာသဟဂတဿ ဟေတုဿ ဓမ္မဿ အာရမ္မဏပစ္စယေန ပစ္စယော. ဥပေက္ခာသဟဂတော ဟေတု ဓမ္မော ပီတိသဟဂတဿ ဟေတုဿ ဓမ္မဿ အာရမ္မဏပစ္စယေန ပစ္စယော. ဥပေက္ခာသဟဂတော ဟေတု ဓမ္မော သုခသဟဂတဿ ဟေတုဿ ဓမ္မဿ အာရမ္မဏပစ္စယေန ပစ္စယော. ဥပေက္ခာသဟဂတော ဟေတု ဓမ္မော ပီတိသဟဂတဿ ဟေတုဿ စ သုခသဟဂတဿ ဟေတုဿ စ ဓမ္မဿ အာရမ္မဏပစ္စယေန ပစ္စယော။ စတ္တာရိ.
ပီတိသဟဂတော ဟေတု စ သုခသဟဂတော ဟေတု စ ဓမ္မာ ပီတိသဟဂတဿ ဟေတုဿ ဓမ္မဿ အာရမ္မဏပစ္စယေန ပစ္စယော။ စတ္တာရိ.
ပီတိသဟဂတော ဟေတု ဓမ္မော ပီတိသဟဂတဿ ဟေတုဿ ဓမ္မဿ အဓိပတိပစ္စယေန ပစ္စယော.
၁၀၆. ဟေတုယာ ဒသ၊ အာရမ္မဏေ သောဠသ၊ အဓိပတိယာ သောဠသ၊ အနန္တရေ သောဠသ၊ သမနန္တရေ သောဠသ၊ သဟဇာတေ ဒသ၊ အညမညေ ဒသ၊ နိဿယေ ဒသ၊ ဥပနိဿယေ သောဠသ။ပေ။ ဝိပါကေ ဒသ။ပေ။ အဝိဂတေ ဒသ (သံခိတ္တံ).
နဟေတုယာ သောဠသ၊ နအာရမ္မဏေ သောဠသ (သံခိတ္တံ).
ဟေတုပစ္စယာ နအာရမ္မဏေ ဒသ (သံခိတ္တံ).
နဟေတုပစ္စယာ အာရမ္မဏေ သောဠသ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)