၁-၆. ပဋိစ္စဝါရာဒိ
ပစ္စယစတုက္ကံ
ဟေတု-အာရမ္မဏပစ္စယာ
၁၀၇. ပီတိသဟဂတံ နဟေတုံ ဓမ္မံ ပဋိစ္စ ပီတိသဟဂတော နဟေတု ဓမ္မော ဥပ္ပဇ္ဇတိ ဟေတုပစ္စယာ. ပီတိသဟဂတံ နဟေတုံ ဓမ္မံ ပဋိစ္စ သုခသဟဂတော နဟေတု ဓမ္မော ဥပ္ပဇ္ဇတိ ဟေတုပစ္စယာ. ပီတိသဟဂတံ နဟေတုံ ဓမ္မံ ပဋိစ္စ ပီတိသဟဂတော နဟေတု စ သုခသဟဂတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
သုခသဟဂတံ နဟေတုံ ဓမ္မံ ပဋိစ္စ သုခသဟဂတော နဟေတု ဓမ္မော ဥပ္ပဇ္ဇတိ ဟေတုပစ္စယာ. သုခသဟဂတံ နဟေတုံ ဓမ္မံ ပဋိစ္စ ပီတိသဟဂတော နဟေတု ဓမ္မော ဥပ္ပဇ္ဇတိ ဟေတုပစ္စယာ. သုခသဟဂတံ နဟေတုံ ဓမ္မံ ပဋိစ္စ ပီတိသဟဂတော နဟေတု စ သုခသဟဂတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
ဥပေက္ခာသဟဂတံ နဟေတုံ ဓမ္မံ ပဋိစ္စ ဥပေက္ခာသဟဂတော နဟေတုဓမ္မော ဥပ္ပဇ္ဇတိ ဟေတုပစ္စယာ. (၁)
ပီတိသဟဂတံ နဟေတုဉ္စ သုခသဟဂတံ နဟေတုဉ္စ ဓမ္မံ ပဋိစ္စ ပီတိသဟဂတော နဟေတု ဓမ္မော ဥပ္ပဇ္ဇတိ ဟေတုပစ္စယာ. ပီတိသဟဂတံ နဟေတုဉ္စ သုခသဟဂတံ နဟေတုဉ္စ ဓမ္မံ ပဋိစ္စ သုခသဟဂတော နဟေတု ဓမ္မော ဥပ္ပဇ္ဇတိ ဟေတုပစ္စယာ. ပီတိသဟဂတံ နဟေတုဉ္စ သုခသဟဂတံ နဟေတုဉ္စ ဓမ္မံ ပဋိစ္စ ပီတိသဟဂတော နဟေတု စ သုခသဟဂတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
၁၀၈. ပီတိသဟဂတံ နဟေတုံ ဓမ္မံ ပဋိစ္စ ပီတိသဟဂတော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ။ တီဏိ.
သုခသဟဂတံ နဟေတုံ ဓမ္မံ ပဋိစ္စ သုခသဟဂတော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ။ တီဏိ.
ဥပေက္ခာသဟဂတံ နဟေတုံ ဓမ္မံ ပဋိစ္စ ဥပေက္ခာသဟဂတော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ။ ဧကံ.
ပီတိသဟဂတံ နဟေတုဉ္စ သုခသဟဂတံ နဟေတုဉ္စ ဓမ္မံ ပဋိစ္စ ပီတိသဟဂတော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ။ တီဏိ (သံခိတ္တံ).
၁၀၉. ဟေတုယာ ဒသ၊ အာရမ္မဏေ ဒသ၊ အဓိပတိယာ ဒသ၊ အနန္တရေ ဒသ။ပေ။ အဝိဂတေ ဒသ (သံခိတ္တံ).
နဟေတုယာ ဒသ၊ နအဓိပတိယာ ဒသ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ.)