၇. ပဉှာဝါရော

ပစ္စယစတုက္ကံ

၃၉. ဝိပါကော ဟေတု ဓမ္မော ဝိပါကဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

ဝိပါကဓမ္မဓမ္မော ဟေတု ဓမ္မော ဝိပါကဓမ္မဓမ္မဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

နေဝဝိပါကနဝိပါကဓမ္မဓမ္မော ဟေတု ဓမ္မော နေဝဝိပါကနဝိပါကဓမ္မဓမ္မဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

၄၀. ဝိပါကော ဟေတု ဓမ္မော ဝိပါကဿ ဟေတုဿ ဓမ္မဿ အာရမ္မဏပစ္စယေန ပစ္စယော. ဝိပါကော ဟေတု ဓမ္မော ဝိပါကဓမ္မဓမ္မဿ ဟေတုဿ ဓမ္မဿ အာရမ္မဏပစ္စယေန ပစ္စယော. ဝိပါကော ဟေတု ဓမ္မော နေဝဝိပါကနဝိပါကဓမ္မဓမ္မဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၃)

ဝိပါကဓမ္မဓမ္မော ဟေတု ဓမ္မော ဝိပါကဓမ္မဓမ္မဿ ဟေတုဿ ဓမ္မဿ အာရမ္မဏပစ္စယေန ပစ္စယော. ဝိပါကဓမ္မဓမ္မော ဟေတု ဓမ္မော ဝိပါကဿ ဟေတုဿ ဓမ္မဿ အာရမ္မဏပစ္စယေန ပစ္စယော. ဝိပါကဓမ္မဓမ္မော ဟေတု ဓမ္မော နေဝဝိပါကနဝိပါကဓမ္မဓမ္မဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၃)

နေဝဝိပါကနဝိပါကဓမ္မဓမ္မော ဟေတု ဓမ္မော နေဝဝိပါကနဝိပါကဓမ္မဓမ္မဿ ဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ.

၄၁. ဝိပါကော ဟေတု ဓမ္မော ဝိပါကဿ ဟေတုဿ ဓမ္မဿ အဓိပတိပစ္စယေန ပစ္စယော. ဝိပါကော ဟေတု ဓမ္မော ဝိပါကဓမ္မဓမ္မဿ ဟေတုဿ ဓမ္မဿ အဓိပတိပစ္စယေန ပစ္စယော. ဝိပါကော ဟေတု ဓမ္မော နေဝဝိပါကနဝိပါကဓမ္မဓမ္မဿ ဟေတုဿ ဓမ္မဿ အဓိပတိပစ္စယေန ပစ္စယော ။ တီဏိ.

ဝိပါကဓမ္မဓမ္မော ဟေတု ဓမ္မော ဝိပါကဓမ္မဓမ္မဿ ဟေတုဿ ဓမ္မဿ အဓိပတိပစ္စယေန ပစ္စယော။ ဒွေ.

နေဝဝိပါကနဝိပါကဓမ္မဓမ္မော ဟေတု ဓမ္မော နေဝဝိပါကနဝိပါကဓမ္မဓမ္မဿ ဟေတုဿ ဓမ္မဿ အဓိပတိပစ္စယေန ပစ္စယော. (၁) (သံခိတ္တံ.)

၄၂. ဟေတုယာ တီဏိ၊ အာရမ္မဏေ နဝ၊ အဓိပတိယာ ဆ၊ အနန္တရေ ပဉ္စ၊ သမနန္တရေ ပဉ္စ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ အာသေဝနေ ဒွေ၊ ဝိပါကေ ဧကံ။ပေ။ အဝိဂတေ တီဏိ (သံခိတ္တံ).

နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

နဟေတုပဒပစ္စယစတုက္ကံ

၄၃. ဝိပါကံ နဟေတုံ ဓမ္မံ ပဋိစ္စ ဝိပါကော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဝိပါကံ နဟေတုံ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဝိပါကံ နဟေတုံ ဓမ္မံ ပဋိစ္စ ဝိပါကော နဟေတု စ နေဝဝိပါကနဝိပါကဓမ္မဓမ္မော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

ဝိပါကဓမ္မဓမ္မံ နဟေတုံ ဓမ္မံ ပဋိစ္စ ဝိပါကဓမ္မဓမ္မော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဝိပါကဓမ္မဓမ္မံ နဟေတုံ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဝိပါကဓမ္မဓမ္မံ နဟေတုံ ဓမ္မံ ပဋိစ္စ ဝိပါကဓမ္မဓမ္မော နဟေတု စ နေဝဝိပါကနဝိပါကဓမ္မဓမ္မော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နေဝဝိပါကနဝိပါကဓမ္မဓမ္မံ နဟေတုံ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဝိပါကံ နဟေတုဉ္စ နေဝဝိပါကနဝိပါကဓမ္မဓမ္မံ နဟေတုဉ္စ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဝိပါကဓမ္မဓမ္မံ နဟေတုဉ္စ နေဝဝိပါကနဝိပါကဓမ္မဓမ္မံ နဟေတုဉ္စ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော နဟေတု ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၄၄. ဟေတုယာ တေရသ၊ အာရမ္မဏေ ပဉ္စ၊ အဓိပတိယာ နဝ၊ အနန္တရေ ပဉ္စ၊ သမနန္တရေ ပဉ္စ၊ သဟဇာတေ တေရသ၊ အညမညေ သတ္တ၊ နိဿယေ တေရသ၊ ဥပနိဿယေ ပဉ္စ၊ ပုရေဇာတေ တီဏိ၊ အာသေဝနေ ဒွေ၊ ကမ္မေ တေရသ၊ ဝိပါကေ နဝ၊ အာဟာရေ တေရသ။ပေ။ သမ္ပယုတ္တေ ပဉ္စ။ပေ။ အဝိဂတေ တေရသ (သံခိတ္တံ).

နဟေတု-နအာရမ္မဏပစ္စယာ

၄၅. ဝိပါကံ နဟေတုံ ဓမ္မံ ပဋိစ္စ ဝိပါကော နဟေတု ဓမ္မော ဥပ္ပဇ္ဇတိ နဟေတုပစ္စယာ။ နဝ.

ဝိပါကံ နဟေတုံ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ (သံခိတ္တံ).

၄၆. နဟေတုယာ နဝ၊ နအာရမ္မဏေ ပဉ္စ၊ နအဓိပတိယာ တေရသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ ဒွါဒသ၊ နပစ္ဆာဇာတေ တေရသ၊ နအာသေဝနေ တေရသ၊ နကမ္မေ ဒွေ၊ နဝိပါကေ ပဉ္စ၊ နဝိပ္ပယုတ္တေ တီဏိ။ပေ။ နောဝိဂတေ ပဉ္စ (သံခိတ္တံ).

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)