၇. ပဉှာဝါရော

ပစ္စယစတုက္ကံ

၄၇. ဝိပါကော နဟေတု ဓမ္မော ဝိပါကဿ နဟေတုဿ ဓမ္မဿ အာရမ္မဏပစ္စယေန ပစ္စယော. ဝိပါကော နဟေတု ဓမ္မော ဝိပါကဓမ္မဓမ္မဿ နဟေတုဿ ဓမ္မဿ အာရမ္မဏပစ္စယေန ပစ္စယော. ဝိပါကော နဟေတု ဓမ္မော နေဝဝိပါကနဝိပါကဓမ္မဓမ္မဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၃)

ဝိပါကဓမ္မဓမ္မော နဟေတု ဓမ္မော ဝိပါကဓမ္မဓမ္မဿ နဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ.

နေဝဝိပါကနဝိပါကဓမ္မဓမ္မော နဟေတု ဓမ္မော နေဝဝိပါကနဝိပါကဓမ္မဓမ္မဿ နဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ.

၄၈. ဝိပါကော နဟေတု ဓမ္မော ဝိပါကဿ နဟေတုဿ ဓမ္မဿ အဓိပတိပစ္စယေန ပစ္စယော။ စတ္တာရိ.

ဝိပါကဓမ္မဓမ္မော နဟေတု ဓမ္မော ဝိပါကဓမ္မဓမ္မဿ နဟေတုဿ ဓမ္မဿ အဓိပတိပစ္စယေန ပစ္စယော။ တီဏိ.

နေဝဝိပါကနဝိပါကဓမ္မဓမ္မော နဟေတု ဓမ္မော နေဝဝိပါကနဝိပါကဓမ္မဓမ္မဿ နဟေတုဿ ဓမ္မဿ အဓိပတိပစ္စယေန ပစ္စယော. နေဝဝိပါကနဝိပါကဓမ္မဓမ္မော နဟေတု ဓမ္မော ဝိပါကဿ နဟေတုဿ ဓမ္မဿ အဓိပတိပစ္စယေန ပစ္စယော. နေဝဝိပါကနဝိပါကဓမ္မဓမ္မော နဟေတု ဓမ္မော ဝိပါကဓမ္မဓမ္မဿ နဟေတုဿ ဓမ္မဿ အဓိပတိပစ္စယေန ပစ္စယော။ တီဏိ.

၄၉. ဝိပါကော နဟေတု ဓမ္မော ဝိပါကဿ နဟေတုဿ ဓမ္မဿ အနန္တရပစ္စယေန ပစ္စယော။ ဒွေ.

ဝိပါကဓမ္မဓမ္မော နဟေတု ဓမ္မော ဝိပါကဓမ္မဓမ္မဿ နဟေတုဿ ဓမ္မဿ အနန္တရပစ္စယေန ပစ္စယော။ ဒွေ.

နေဝဝိပါကနဝိပါကဓမ္မဓမ္မော နဟေတု ဓမ္မော နေဝဝိပါကနဝိပါကဓမ္မဓမ္မဿ နဟေတုဿ ဓမ္မဿ အနန္တရပစ္စယေန ပစ္စယော။ တီဏိ (သံခိတ္တံ).

၅၀. အာရမ္မဏေ နဝ၊ အဓိပတိယာ ဒသ၊ အနန္တရေ သတ္တ၊ သမနန္တရေ သတ္တ၊ သဟဇာတေ ဧကာဒသ၊ အညမညေ သတ္တ၊ နိဿယေ တေရသ၊ ဥပနိဿယေ နဝ၊ အာသေဝနေ ဒွေ၊ ကမ္မေ နဝ၊ ဝိပါကေ တီဏိ၊ အာဟာရေ သတ္တ၊ ဣန္ဒြိယေ နဝ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ ပဉ္စ၊ အတ္ထိယာ တေရသ။ပေ။ အဝိဂတေ တေရသ (သံခိတ္တံ).

နဟေတုယာ သောဠသ၊ နအာရမ္မဏေ သောဠသ (သံခိတ္တံ).

ဟေတုပစ္စယာ နအာရမ္မဏေ နဝ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)