൯. യഥാകമ്മൂപഗതഞാണകഥാവണ്ണനാ

൩൭൭. ദിബ്ബചക്ഖുപാദകത്താ ‘‘യഥാകമ്മൂപഗതഞാണസ്സ ഉപനിസ്സയേ ദിബ്ബചക്ഖുമ്ഹീ’’തി വുത്തം, ന യഥാകമ്മൂപഗതജാനനകിച്ചകേ ദിബ്ബചക്ഖുമ്ഹി തസ്സ തംകിച്ചകതാഭാവതോ. യതോ യം അനഞ്ഞം, തമ്പി തതോ അനഞ്ഞമേവാതി ആഹ ‘‘ഇമിനാ…പേ… ഭവിതബ്ബ’’ന്തി. തത്ഥ അത്ഥന്തരഭാവം നിവാരേതീതി ദിബ്ബചക്ഖുഞാണസ്സ പക്ഖികത്താ യഥാകമ്മൂപഗതഞാണസ്സ തതോ അത്ഥന്തരഭാവം നിവാരേതി. തസ്സ ഹി തം പരിഭണ്ഡഞാണം. ദിബ്ബചക്ഖുസ്സ യഥാകമ്മൂപഗതഞാണതോ അത്ഥന്തരഭാവം ന നിവാരേതി അതപ്പക്ഖികത്താതി അധിപ്പായോ. ദിബ്ബചക്ഖുസ്സ യഥാകമ്മൂപഗതഞാണകിച്ചതാ പരവാദിനാ ഇച്ഛിതാ, ന യഥാകമ്മൂപഗതഞാണസ്സ ദിബ്ബചക്ഖുകിച്ചതാതി തമത്ഥം ‘‘യഥാകമ്മൂപഗതഞാണമേവ ദിബ്ബചക്ഖു’’ന്തി ഏത്ഥ യോജേത്വാ ദസ്സേന്തോ ‘‘ഏവ-സദ്ദോ ചാ’’തിആദിമാഹ.

യഥാകമ്മൂപഗതഞാണകഥാവണ്ണനാ നിട്ഠിതാ.