൬. ഓപമ്മസംസന്ദനവണ്ണനാ

൨൮-൩൬. ഉപലദ്ധിസാമഞ്ഞേന അഞ്ഞത്തപുച്ഛാ ചാതി ഇമിനാ ദ്വയമ്പി ഉദ്ധരതി ഉപലദ്ധിസാമഞ്ഞേന അഞ്ഞത്തപുച്ഛാ, ഉപലദ്ധിസാമഞ്ഞേന പുച്ഛാ ചാതി. തത്ഥ പച്ഛിമം സന്ധായാഹ ‘‘ദ്വിന്നം സമാനതാ’’തിആദി. തസ്സത്ഥോ – ദ്വിന്നം രൂപവേദനാനം വിയ രൂപപുഗ്ഗലാനം സച്ചികട്ഠേന സമാനതാ തേസം അഞ്ഞത്തസ്സ കാരണം യുത്തം ന ഹോതി. അഥ ഖോ…പേ… ഉപലബ്ഭനീയതാതി ഇദഞ്ച സംസന്ദനം വിചാരേതബ്ബം. അയം ഹേത്ഥ അധിപ്പായോ – യദി സച്ചികട്ഠസാമഞ്ഞേന രൂപപുഗ്ഗലാനം ഉപലദ്ധിസാമഞ്ഞം ഇച്ഛിതം, തേനേവ നേസം അഞ്ഞത്തമ്പി ഇച്ഛിതബ്ബം. അഥ പരമത്ഥവോഹാരഭേദതോ തേസം അഞ്ഞത്തം ന ഇച്ഛിതം, തതോ ഏവ ഉപലദ്ധിസാമഞ്ഞമ്പി ന ഇച്ഛിതബ്ബന്തി.

൩൭-൪൫. ഉപലദ്ധീതി പുഗ്ഗലസ്സ ഉപലദ്ധി വിജ്ജമാനതാ. ‘‘പടികമ്മപഞ്ചക’’ന്തി വിഞ്ഞായതീതി യോജനാ.

ഓപമ്മസംസന്ദനവണ്ണനാ നിട്ഠിതാ.