൬. സുരുസുരുവഗ്ഗവണ്ണനാ

൬൨൭. ‘‘സുരുസുരു’’ന്തി ച ‘‘സുരോസുരോ’’തി ച പാഠോ. സീതീകതോതി സീതങ്കോ. ‘‘സിലകബുദ്ധോതി അരിയാനം പരിഹാസവചനമേവേത’’ന്തി ലിഖിതം.

൬൩൧. പടിക്കൂലവസേനാതി ഏത്ഥ യദി പടിക്കൂലവസേന പടിക്ഖിത്തം, ‘‘സേയ്യഥാപി കാമഭോഗിനോ’’തി ന വത്തബ്ബം. ന ഹി തേ പടിക്കൂലം കരോന്തീതി ചേ? ന, ഇസ്സരിയലിങ്ഗവസേന ഗഹണസമ്ഭവതോ. തേ ഹി അനാദരാ ഹോന്തി. പത്തധോവനന്തി പത്തധോവനോദകം ഭോജനപടിസംയുത്തം.

൬൩൪. ‘‘ഛത്തപാദുകായ’’ന്തി ച ‘‘ഛത്തപാദേ’’തി ച പാഠോ.

൬൩൭. ചാപോതി സത്തഖാദനവധോ. ‘‘സേസാ സബ്ബാ ധനുവികതി കോദണ്ഡേ പവിട്ഠാ’’തി ച ലിഖിതം, പടിമുക്കന്തി പവേസിതം, ലഗ്ഗിതം ഹോതീതി അത്ഥോ.

സുരുസുരുവഗ്ഗവണ്ണനാ നിട്ഠിതാ.