൧. അന്തേപുരസിക്ഖാപദവണ്ണനാ

൪൯൪-൭. യഥാ ഭഗവന്തം പയിരുപാസതി, ഏവമാകാരേന നാരഹതായം പുരിസോ പാപോ ഹോതും, ന ഹോതി പാപോതി അത്ഥോ, കാരണത്ഥം വാ. തന്തി നിപാതമത്തം, യതോതി വാ അത്ഥോ. ഹത്ഥിസമ്മദ്ദന്തി സങ്ഘാടസമ്മദ്ദോ, അക്കമനം ചുണ്ണതാതി അത്ഥോ.

൪൯൮. രതനം നാമ അഗ്ഗമഹേസീ, തഥാപി ഇധ അഞ്ഞാപി ദേവിഗോത്താ ന രക്ഖതി, അനാപത്തിവാരേ ‘‘ന മഹേസീ ഹോതീ’’തി വചനാഭാവതോ. സചേ ഖത്തിയോവ ഹോതി, നാഭിസിത്തോ. അഭിസിത്തോയേവ ഹോതി, ന ഖത്തിയോ രക്ഖതീതി ആചരിയോ. അനാപത്തിവാരേ മാതികാട്ഠകഥായം അങ്ഗഭാവേന ച വുത്തത്താ അഭിസിത്തഭാവോവപമാണം. സേസം ഉക്കട്ഠപരിച്ഛേദോതി ഏകേ.

൫൦൦-൫൦൧. ‘‘ന സയനിഘരേ സയനിഘരസഞ്ഞീ’’തി തികച്ഛേദോപി ഏത്ഥ ലബ്ഭതി. ന സയനിഘരം നാമ അപരിക്ഖിത്തരുക്ഖമൂലാദി.

അന്തേപുരസിക്ഖാപദവണ്ണനാ നിട്ഠിതാ.