൧൩. സോധനഹാരവിഭങ്ഗവണ്ണനാ

൪൫. സോധേതി നാമാതി പുച്ഛിതമത്ഥം ഹത്ഥതലേ ഠപിതആമലകം വിയ പച്ചക്ഖതോ ദസ്സേന്തോ നിഗ്ഗുമ്ബം നിജ്ജടം കത്വാ വിവരന്തോ തബ്ബിസയഅഞ്ഞാണസംസയാദിമലാപനയനേന സോധേതി, ഏവം സോധേന്തോ ച പദസ്സ അത്ഥേന അഭേദോപചാരം കത്വാ ‘‘പദം സോധേതി’’ച്ചേവ വുച്ചതി. തേനാഹ ‘‘പദം സോധേതി നാമാ’’തി. പുച്ഛായ വിസ്സജ്ജനമേവേത്ഥ സോധനന്തി ആഹ ‘‘തദത്ഥസ്സ വിസ്സജ്ജനതോ’’തി. ആരഭീയതീതി ആരമ്ഭോ, ദേസനായ പകാസിയമാനോ അത്ഥോ. തേനാഹ ‘‘ന താവ…പേ… പബോധിതത്താ’’തി. ഇധ സോധനം നാമ പടിച്ഛന്നരൂപസ്സ അത്ഥസ്സ ദേസനാനുഭാവേന വിവടഭാവകരണന്തി തമത്ഥം ഉപമായ വിഭാവേതും ‘‘അഞ്ഞാണപക്ഖന്ദാന’’ന്തിആദി വുത്തം.

സോധനഹാരവിഭങ്ഗവണ്ണനാ നിട്ഠിതാ.