൭. ഗബ്ഭിനീവഗ്ഗോ

൧-൨. ഗബ്ഭിനീആദിസിക്ഖാപദവണ്ണനാ

പഠമം ഉത്താനത്ഥമേവ.

ഥനേ ഭവം ഥഞ്ഞം, ഖീരം. യം പായേതീതി യം ദാരകം പായേതി.

ഗബ്ഭിനീആദിസിക്ഖാപദവണ്ണനാ നിട്ഠിതാ.

൩. പഠമസിക്ഖമാനസിക്ഖാപദവണ്ണനാ

പദഭാജനേ വുത്തനയേനാതി ‘‘പാണാതിപാതാ വേരമണിം ദ്വേ വസ്സാനി അവീതിക്കമ്മ സമാദാനം സമാദിയാമി…പേ… വികാലഭോജനാ വേരമണിം ദ്വേ വസ്സാനി അവീതിക്കമ്മ സമാദാനം സമാദിയാമീ’’തി (പാചി. ൧൦൭൯) പദഭാജനസമീപേ അട്ഠുപ്പത്തിയം വുത്തനയേന. ഇമാ പന ഛ സിക്ഖായോ സട്ഠിവസ്സായപി പബ്ബജിതായ ദാതബ്ബായേവ, ന ഏതാസു അസിക്ഖിതാ ഉപസമ്പാദേതബ്ബാ.

പഠമസിക്ഖമാനസിക്ഖാപദവണ്ണനാ നിട്ഠിതാ.

൪-൫. ദുതിയസിക്ഖമാനാദിസിക്ഖാപദവണ്ണനാ

പദഭാജനേ വുത്താ ഉപസമ്പദാസമ്മുതി ന ദിന്നാ ഹോതീതി പദഭാജനസമീപേ അട്ഠുപ്പത്തിയം വുത്താ ഉപസമ്പദാസമ്മുതി ഞത്തിദുതിയായ കമ്മവാചായ ന ദിന്നാ ഹോതി.

പഞ്ചമം ഉത്താനത്ഥമേവ.

ദുതിയസിക്ഖമാനാദിസിക്ഖാപദവണ്ണനാ നിട്ഠിതാ.

൬-൧൦. ദുതിയഗിഹിഗതാദിസിക്ഖാപദവണ്ണനാ

ദസവസ്സായ ഗിഹിഗതായ സിക്ഖാസമ്മുതിം ദത്വാ പരിപുണ്ണദ്വാദസവസ്സം ഉപസമ്പാദേതും വട്ടതി.

സത്തമഅട്ഠമനവമദസമാനി ഉത്താനത്ഥാനേവ.

ദുതിയഗിഹിഗതാദിസിക്ഖാപദവണ്ണനാ നിട്ഠിതാ.

ഗബ്ഭിനീവഗ്ഗോ സത്തമോ.