൧൦. ഉപോസഥസുത്തവണ്ണനാ

൧൯൦. ദസമേ തുണ്ഹീഭൂതം തുണ്ഹീഭൂതന്തി ആമേഡിതവചനം ബ്യാപനിച്ഛാവസേന വുത്തന്തി ആഹ ‘‘യതോ യതോ അനുവിലോകേതീ’’തി. അനുവിലോകേത്വാതി ഏത്ഥ അനു-സദ്ദോപി ബ്യാപനിച്ഛാവചനമേവാതി അനു അനു വിലോകേത്വാതി അത്ഥോ, പഞ്ചപസാദപ്പടിമണ്ഡിതാനി അക്ഖീനി ഉമ്മീലേത്വാ തതോ തതോ വിലോകേത്വാതി വുത്തം ഹോതി. അലന്തി യുത്തം, ഓപായികന്തി അത്ഥോ ‘‘അലമേവ നിബ്ബിന്ദിതു’’ന്തിആദീസു (ദീ. നി. ൨.൨൭൨; സം. നി. ൨.൧൨൪-൧൨൬) വിയ. പുടബന്ധനേന പരിഹരിത്വാ അസിതബ്ബം പുടോസം സമ്ബലം അ-കാരസ്സ ഓ-കാരം കത്വാ. തേനാഹ ‘‘പാഥേയ്യ’’ന്തി. സേസമേത്ഥ സുവിഞ്ഞേയ്യമേവ.

ഉപോസഥസുത്തവണ്ണനാ നിട്ഠിതാ.

ബ്രാഹ്മണവഗ്ഗവണ്ണനാ നിട്ഠിതാ.