൧൦. സുഗതവിനയസുത്തവണ്ണനാ

൧൬൦. ദസമേ വളഞ്ജേന്തീതി സജ്ഝായന്തി ചേവ വാചുഗ്ഗതം കരോന്താ ധാരേന്തി ച. അവിഗതതണ്ഹതായ തം തം പരിക്ഖാരജാതം ബഹുമ്പി ആദിയന്തീതി ബഹുലാ, തേ ഏവ ബാഹുലികാ യഥാ ‘‘വേനയികോ’’തി (മ. നി. ൧.൨൪൬; അ. നി. ൮.൧൧; പാരാ. ൮). തേ പന യസ്മാ പച്ചയബഹുലഭാവാ യുത്തപ്പയുത്താ നാമ ഹോന്തി, തസ്മാ ആഹ ‘‘പച്ചയബാഹുല്ലായ പടിപന്നാ’’തി. സിഥിലം ഗണ്ഹന്തീതി സാഥലികാ, സിക്ഖായ ആദരഗാരവാഭാവേന സിഥിലം അദള്ഹം ഗണ്ഹന്തീതി അത്ഥോ. സിഥിലന്തി ച ഭാവനപുംസകനിദ്ദേസോ, സിഥില-സദ്ദേന വാ സമാനത്ഥസ്സ സാഥലസദ്ദസ്സ വസേന സാഥലികാതി പദസിദ്ധി വേദിതബ്ബാ. അവഗമനതോതി അധോഗമനതോ, ഓരമ്ഭാഗിയഭാവതോതി അത്ഥോ. നിബ്ബീരിയാതി ഉജ്ഝിതുസ്സാഹാ തദധിഗമായ ആരമ്ഭമ്പി അകുരുമാനാ.

സുഗതവിനയസുത്തവണ്ണനാ നിട്ഠിതാ.

ഇന്ദ്രിയവഗ്ഗവണ്ണനാ നിട്ഠിതാ.