൧൦. കാസുമാരിഫലദായകത്ഥേരഅപദാനം

൫൩. ‘‘കണികാരംവ ജോതന്തം, നിസിന്നം പബ്ബതന്തരേ;

അദ്ദസം വിരജം ബുദ്ധം, ലോകജേട്ഠം നരാസഭം.

൫൪. ‘‘പസന്നചിത്തോ സുമനോ, സിരേ കത്വാന അഞ്ജലിം;

കാസുമാരിഫലം ഗയ്ഹ, ബുദ്ധസേട്ഠസ്സദാസഹം.

൫൫. ‘‘ഏകത്തിംസേ ഇതോ കപ്പേ, യം ഫലമദദിം അഹം;

ദുഗ്ഗതിം നാഭിജാനാമി, ഫലദാനസ്സിദം ഫലം.

൫൬. ‘‘കിലേസാ ഝാപിതാ മയ്ഹം…പേ… വിഹരാമി അനാസവോ.

൫൭. ‘‘സ്വാഗതം വത മേ ആസി…പേ… കതം ബുദ്ധസ്സ സാസനം.

൫൮. ‘‘പടിസമ്ഭിദാ ചതസ്സോ…പേ… കതം ബുദ്ധസ്സ സാസനം’’.

ഇത്ഥം സുദം ആയസ്മാ കാസുമാരിഫലദായകോ ഥേരോ ഇമാ ഗാഥായോ അഭാസിത്ഥാതി.

കാസുമാരിഫലദായകത്ഥേരസ്സാപദാനം ദസമം.

ബോധിവന്ദനവഗ്ഗോ അട്ഠതിംസതിമോ.