൧൦. പബ്ഭാരദായകത്ഥേരഅപദാനം

൪൭. ‘‘പിയദസ്സിനോ ഭഗവതോ, പബ്ഭാരോ സോധിതോ മയാ;

ഘടകഞ്ച ഉപട്ഠാസിം, പരിഭോഗായ താദിനോ.

൪൮. ‘‘തം മേ ബുദ്ധോ വിയാകാസി, പിയദസ്സീ മഹാമുനി;

സഹസ്സകണ്ഡോ സതഭേണ്ഡു [സതഗേണ്ഡു (സ്യാ. ക.)], ധജാലു ഹരിതാമയോ.

൪൯. ‘‘നിബ്ബത്തിസ്സതി സോ യൂപോ, രതനഞ്ച അനപ്പകം;

പബ്ഭാരദാനം ദത്വാന, കപ്പം സഗ്ഗമ്ഹി മോദഹം.

൫൦. ‘‘ഇതോ ബാത്തിംസകപ്പമ്ഹി, സുസുദ്ധോ നാമ ഖത്തിയോ;

സത്തരതനസമ്പന്നോ, ചക്കവത്തീ മഹബ്ബലോ.

൫൧. ‘‘പടിസമ്ഭിദാ ചതസ്സോ…പേ… കതം ബുദ്ധസ്സ സാസനം’’.

ഇത്ഥം സുദം ആയസ്മാ പബ്ഭാരദായകോ ഥേരോ ഇമാ ഗാഥായോ അഭാസിത്ഥാതി.

പബ്ഭാരദായകത്ഥേരസ്സാപദാനം ദസമം.

പദുമകേസരവഗ്ഗോ ഏകതിംസതിമോ.