൧൦. പാപനിവാരിയത്ഥേരഅപദാനം

൫൧. ‘‘പിയദസ്സിസ്സ ഭഗവതോ, ചങ്കമം സോധിതം മയാ;

നളകേഹി പടിച്ഛന്നം, വാതാതപനിവാരണം.

൫൨. ‘‘പാപം വിവജ്ജനത്ഥായ, കുസലസ്സുപസമ്പദാ;

കിലേസാനം പഹാനായ, പദഹിം സത്ഥു സാസനേ.

൫൩. ‘‘ഇതോ ഏകാദസേ കപ്പേ, അഗ്ഗിദേവോതി വിസ്സുതോ;

സത്തരതനസമ്പന്നോ, ചക്കവത്തീ മഹബ്ബലോ.

൫൪. ‘‘പടിസമ്ഭിദാ ചതസ്സോ…പേ… കതം ബുദ്ധസ്സ സാസനം’’.

ഇത്ഥം സുദം ആയസ്മാ പാപനിവാരിയോ [വാതാതപനിവാരിയോ (?)] ഥേരോ ഇമാ ഗാഥായോ അഭാസിത്ഥാതി.

പാപനിവാരിയത്ഥേരസ്സാപദാനം ദസമം.

ഹത്ഥിവഗ്ഗോ ബാവീസതിമോ.