൬. ഞാണകഥാവണ്ണനാ

൮൭൬-൮൭൭. ഇദാനി ഞാണകഥാ നാമ ഹോതി. തത്ഥ ധമ്മചക്കപ്പവത്തനേ ദ്വാദസാകാരഞാണം സന്ധായ ‘‘ദ്വാദസവത്ഥുകം ഞാണം ലോകുത്തര’’ന്തി യേസം ലദ്ധി, സേയ്യഥാപി പുബ്ബസേലിയാനം, തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം ‘‘സചേ തം ദ്വാദസവത്ഥുകം, ദ്വാദസഹി മഗ്ഗഞാണേഹി ഭവിതബ്ബ’’ന്തി ചോദേതും ദ്വാദസാതിആദിമാഹ. ഇതരോ മഗ്ഗസ്സ ഏകത്തം സന്ധായ പടിക്ഖിപതി, ഏകേകസ്മിം സച്ചേ സച്ചഞാണകിച്ചഞാണകതഞാണാനം വസേന ഞാണനാനത്തം സന്ധായ പടിജാനാതി. ദ്വാദസ സോതാപത്തിമഗ്ഗാതിആദീസുപി ഏസേവ നയോ. നനു വുത്തം ഭഗവതാതി സുത്തം സദ്ധിം പുബ്ബഭാഗപരഭാഗേഹി ഞാണനാനത്തം ദീപേതി, ന അരിയമഗ്ഗസ്സ ദ്വാദസ ഞാണതം. തസ്മാ അസാധകന്തി.

ഞാണകഥാവണ്ണനാ.

വീസതിമോ വഗ്ഗോ.

ചതുത്ഥപണ്ണാസകോ സമത്തോ.