൭. വണിജ്ജാസുത്തവണ്ണനാ

൧൭൭. സത്തമേ വണിജ്ജാതി വാണിജകമ്മാനി. ഉപാസകേനാതി തിസരണഗതേന. സത്ഥവണിജ്ജാതി ആവുധഭണ്ഡം കാരേത്വാ തസ്സ വിക്കയോ. സത്തവണിജ്ജാതി മനുസ്സവിക്കയോ. മംസവണിജ്ജാതി സൂകരമിഗാദയോ പോസേത്വാ തേസം വിക്കയോ. മജ്ജവണിജ്ജാതി യംകിഞ്ചി മജ്ജം കാരേത്വാ തസ്സ വിക്കയോ. വിസവണിജ്ജാതി വിസം കാരേത്വാ തസ്സ വിക്കയോ. ഇതി സബ്ബമ്പി ഇമം വണിജ്ജം നേവ അത്തനാ കാതും, ന പരേ സമാദപേത്വാ കാരേതും വട്ടതി.