൧-൪. പച്ചയാനുലോമാദി

ഹേതുപച്ചയോ

൧൧൬. ഉപാദാനവിപ്പയുത്തം ഉപാദാനിയം ധമ്മം പടിച്ച ഉപാദാനവിപ്പയുത്തോ ഉപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദാനവിപ്പയുത്തം ഉപാദാനിയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

ഉപാദാനവിപ്പയുത്തം അനുപാദാനിയം ധമ്മം പടിച്ച ഉപാദാനവിപ്പയുത്തോ അനുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദാനവിപ്പയുത്തം അനുപാദാനിയം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ഉപാദാനവിപ്പയുത്തം അനുപാദാനിയം ധമ്മം പടിച്ച ഉപാദാനവിപ്പയുത്തോ ഉപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദാനവിപ്പയുത്തേ അനുപാദാനിയേ ഖന്ധേ പടിച്ച ചിത്തസമുട്ഠാനം രൂപം. (൨)

ഉപാദാനവിപ്പയുത്തം അനുപാദാനിയം ധമ്മം പടിച്ച ഉപാദാനവിപ്പയുത്തോ ഉപാദാനിയോ ച ഉപാദാനവിപ്പയുത്തോ അനുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ – ഉപാദാനവിപ്പയുത്തം അനുപാദാനിയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

ഉപാദാനവിപ്പയുത്തം ഉപാദാനിയഞ്ച ഉപാദാനവിപ്പയുത്തം അനുപാദാനിയഞ്ച ധമ്മം പടിച്ച ഉപാദാനവിപ്പയുത്തോ ഉപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദാനവിപ്പയുത്തേ അനുപാദാനിയേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ഹേതുയാ പഞ്ച, ആരമ്മണേ ദ്വേ…പേ… അവിഗതേ പഞ്ച.

(ഇമം ദുകം ചൂളന്തരദുകേ ലോകിയദുകസദിസം, നിന്നാനാകരണം.)

ഉപാദാനവിപ്പയുത്തഉപാദാനിയദുകം നിട്ഠിതം.

ഉപാദാനഗോച്ഛകം നിട്ഠിതം.

തതിയോ ഭാഗോ നിട്ഠിതോ.