൧൧. ഉപാദാനഗോച്ഛകം

൬൯. ഉപാദാനദുകം

൧. പടിച്ചവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧. ഉപാദാനം ധമ്മം പടിച്ച ഉപാദാനോ ധമ്മോ ഉപ്പജ്ജതി ഹേതുപച്ചയാ – ദിട്ഠുപാദാനം പടിച്ച കാമുപാദാനം, കാമുപാദാനം പടിച്ച ദിട്ഠുപാദാനം, സീലബ്ബതുപാദാനം പടിച്ച കാമുപാദാനം, കാമുപാദാനം പടിച്ച സീലബ്ബതുപാദാനം, അത്തവാദുപാദാനം പടിച്ച കാമുപാദാനം, കാമുപാദാനം പടിച്ച അത്തവാദുപാദാനം. (൧)

ഉപാദാനം ധമ്മം പടിച്ച നോഉപാദാനോ ധമ്മോ ഉപ്പജ്ജതി ഹേതുപച്ചയാ – ഉപാദാനേ പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൨)

ഉപാദാനം ധമ്മം പടിച്ച ഉപാദാനോ ച നോഉപാദാനോ ച ധമ്മാ ഉപ്പജ്ജന്തി ഹേതുപച്ചയാ – ദിട്ഠുപാദാനം പടിച്ച കാമുപാദാനം സമ്പയുത്തകാ ച ഖന്ധാ ചിത്തസമുട്ഠാനഞ്ച രൂപം, കാമുപാദാനം…പേ… (സബ്ബം ചക്കം കാതബ്ബം). (൩)

൨. നോഉപാദാനം ധമ്മം പടിച്ച നോഉപാദാനോ ധമ്മോ ഉപ്പജ്ജതി ഹേതുപച്ചയാ – നോഉപാദാനം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ നോഉപാദാനം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

നോഉപാദാനം ധമ്മം പടിച്ച ഉപാദാനോ ധമ്മോ ഉപ്പജ്ജതി ഹേതുപച്ചയാ – നോഉപാദാനേ ഖന്ധേ പടിച്ച ഉപാദാനാ. (൨)

നോഉപാദാനം ധമ്മം പടിച്ച ഉപാദാനോ ച നോഉപാദാനോ ച ധമ്മാ ഉപ്പജ്ജന്തി ഹേതുപച്ചയാ – നോഉപാദാനം ഏകം ഖന്ധം പടിച്ച തയോ ഖന്ധാ ഉപാദാനാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ഉപാദാനാ ച ചിത്തസമുട്ഠാനഞ്ച രൂപം. (൩)

൩. ഉപാദാനഞ്ച നോഉപാദാനഞ്ച ധമ്മം പടിച്ച ഉപാദാനോ ധമ്മോ ഉപ്പജ്ജതി ഹേതുപച്ചയാ – ദിട്ഠുപാദാനഞ്ച സമ്പയുത്തകേ ച ഖന്ധേ പടിച്ച കാമുപാദാനം (സബ്ബേ ചക്കാ കാതബ്ബാ). (൧)

ഉപാദാനഞ്ച നോഉപാദാനഞ്ച ധമ്മം പടിച്ച നോഉപാദാനോ ധമ്മോ ഉപ്പജ്ജതി ഹേതുപച്ചയാ – നോഉപാദാനം ഏകം ഖന്ധഞ്ച ഉപാദാനഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ ച…പേ… ഉപാദാനഞ്ച മഹാഭൂതേ ച പടിച്ച ചിത്തസമുട്ഠാനം രൂപം. (൨)

ഉപാദാനഞ്ച നോഉപാദാനഞ്ച ധമ്മം പടിച്ച ഉപാദാനോ ച നോഉപാദാനോ ച ധമ്മാ ഉപ്പജ്ജന്തി ഹേതുപച്ചയാ – നോഉപാദാനം ഏകം ഖന്ധഞ്ച ദിട്ഠുപാദാനഞ്ച പടിച്ച തയോ ഖന്ധാ കാമുപാദാനഞ്ച ചിത്തസമുട്ഠാനം രൂപം, ദ്വേ ഖന്ധേ ച…പേ… (ചക്കം കാതബ്ബം). (൩)

ആരമ്മണപച്ചയോ

൪. ഉപാദാനം ധമ്മം പടിച്ച ഉപാദാനോ ധമ്മോ ഉപ്പജ്ജതി ആരമ്മണപച്ചയാ (നവപി പഞ്ഹാ കാതബ്ബാ, രൂപം ഛഡ്ഡേതബ്ബം).

൧. പച്ചയാനുലോമം

൨. സങ്ഖ്യാവാരോ

൫. ഹേതുയാ നവ, ആരമ്മണേ നവ, അധിപതിയാ നവ (സബ്ബത്ഥ നവ), വിപാകേ ഏകം…പേ… അവിഗതേ നവ.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൬. നോഉപാദാനം ധമ്മം പടിച്ച നോഉപാദാനോ ധമ്മോ ഉപ്പജ്ജതി നഹേതുപച്ചയാ – അഹേതുകം നോഉപാദാനം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയാദി

൭. ഉപാദാനം ധമ്മം പടിച്ച നോഉപാദാനോ ധമ്മോ ഉപ്പജ്ജതി നആരമ്മണപച്ചയാ – ഉപാദാനേ പടിച്ച ചിത്തസമുട്ഠാനം രൂപം. (൧)

നോഉപാദാനം ധമ്മം പടിച്ച നോഉപാദാനോ ധമ്മോ ഉപ്പജ്ജതി നആരമ്മണപച്ചയാ – നോഉപാദാനേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ നോഉപാദാനേ ഖന്ധേ പടിച്ച കടത്താരൂപം, ഖന്ധേ പടിച്ച വത്ഥു, ഏകം മഹാഭൂതം…പേ… (യാവ അസഞ്ഞസത്താ). (൧)

ഉപാദാനഞ്ച നോഉപാദാനം ച ധമ്മം പടിച്ച നോഉപാദാനോ ധമ്മോ ഉപ്പജ്ജതി നആരമ്മണപച്ചയാ – ഉപാദാനേ ച സമ്പയുത്തകേ ച ഖന്ധേ പടിച്ച ചിത്തസമുട്ഠാനം രൂപം, ഉപാദാനേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നഅധിപതിപച്ചയാ… നഅനന്തരപച്ചയാ…പേ… നഉപനിസ്സയപച്ചയാ.

നപുരേജാതപച്ചയോ

൮. ഉപാദാനം ധമ്മം പടിച്ച ഉപാദാനോ ധമ്മോ ഉപ്പജ്ജതി നപുരേജാതപച്ചയാ – അരൂപേ അത്തവാദുപാദാനം പടിച്ച കാമുപാദാനം, കാമുപാദാനം പടിച്ച അത്തവാദുപാദാനം. (൧)

ഉപാദാനം ധമ്മം പടിച്ച നോഉപാദാനോ ധമ്മോ ഉപ്പജ്ജതി നപുരേജാതപച്ചയാ – അരൂപേ ഉപാദാനേ പടിച്ച സമ്പയുത്തകാ ഖന്ധാ, ഉപാദാനേ പടിച്ച ചിത്തസമുട്ഠാനം രൂപം (സംഖിത്തം, നവപി പഞ്ഹാ അരൂപേ ദ്വേ ഉപാദാനാ).

൨. പച്ചയപച്ചനീയം

൨. സങ്ഖ്യാവാരോ

സുദ്ധം

൯. നഹേതുയാ ഏകം, നആരമ്മണേ തീണി, നഅധിപതിയാ നവ, നഅനന്തരേ തീണി…പേ… നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി.

൩. പച്ചയാനുലോമപച്ചനീയം

൧൦. ഹേതുപച്ചയാ നആരമ്മണേ തീണി, നഅധിപതിയാ നവ…പേ… നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി.

൪. പച്ചയപച്ചനീയാനുലോമം

൧൧. നഹേതുപച്ചയാ ആരമ്മണേ ഏകം (സബ്ബത്ഥ ഏകം), മഗ്ഗേ ഏകം…പേ… അവിഗതേ ഏകം.

൨. സഹജാതവാരോ

(സഹജാതവാരോ പടിച്ചവാരസദിസോ വിഭജന്തേന ദിട്ഠുപാദാനം ‘‘സഹജാതം കാമുപാദാന’’ന്തി കാതബ്ബം.)

൩. പച്ചയവാരോ

൧-൪. പച്ചയാനുലോമാദി

ഹേതുപച്ചയോ

൧൨. ഉപാദാനം ധമ്മം പച്ചയാ ഉപാദാനോ ധമ്മോ ഉപ്പജ്ജതി ഹേതുപച്ചയാ – ദിട്ഠുപാദാനം പച്ചയാ കാമുപാദാനം… തീണി (പടിച്ചസദിസാ).

നോഉപാദാനം ധമ്മം പച്ചയാ നോഉപാദാനോ ധമ്മോ ഉപ്പജ്ജതി ഹേതുപച്ചയാ – നോഉപാദാനം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പച്ചയാ വത്ഥു…പേ… (യാവ അജ്ഝത്തികാ മഹാഭൂതാ) വത്ഥും പച്ചയാ നോഉപാദാനാ ഖന്ധാ. (൧)

നോഉപാദാനം ധമ്മം പച്ചയാ ഉപാദാനോ ധമ്മോ ഉപ്പജ്ജതി ഹേതുപച്ചയാ – നോഉപാദാനേ ഖന്ധേ പച്ചയാ ഉപാദാനാ, വത്ഥും പച്ചയാ ഉപാദാനാ. (൨)

നോഉപാദാനം ധമ്മം പച്ചയാ ഉപാദാനോ ച നോഉപാദാനോ ച ധമ്മാ ഉപ്പജ്ജന്തി ഹേതുപച്ചയാ – നോഉപാദാനം ഏകം ഖന്ധം പച്ചയാ തയോ ഖന്ധാ ഉപാദാനാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വത്ഥും പച്ചയാ ഉപാദാനാ, മഹാഭൂതേ പച്ചയാ ചിത്തസമുട്ഠാനം രൂപം, വത്ഥും പച്ചയാ ഉപാദാനാ സമ്പയുത്തകാ ച ഖന്ധാ. (൩)

൧൩. ഉപാദാനഞ്ച നോഉപാദാനഞ്ച ധമ്മം പച്ചയാ ഉപാദാനോ ധമ്മോ ഉപ്പജ്ജതി ഹേതുപച്ചയാ – ദിട്ഠുപാദാനഞ്ച സമ്പയുത്തകേ ച ഖന്ധേ പച്ചയാ കാമുപാദാനം, കാമുപാദാനഞ്ച സമ്പയുത്തകേ ച ഖന്ധേ പച്ചയാ ദിട്ഠുപാദാനം (ചക്കം കാതബ്ബം). ദിട്ഠുപാദാനഞ്ച വത്ഥുഞ്ച പച്ചയാ കാമുപാദാനം (ചക്കം കാതബ്ബം). (൧)

ഉപാദാനഞ്ച നോഉപാദാനഞ്ച ധമ്മം പച്ചയാ നോഉപാദാനോ ധമ്മോ ഉപ്പജ്ജതി ഹേതുപച്ചയാ – നോഉപാദാനം ഏകം ഖന്ധഞ്ച ഉപാദാനഞ്ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… (ചക്കം കാതബ്ബം). ഉപാദാനേ ച മഹാഭൂതേ ച പച്ചയാ ചിത്തസമുട്ഠാനം രൂപം, ഉപാദാനഞ്ച വത്ഥുഞ്ച പച്ചയാ നോഉപാദാനാ ഖന്ധാ. (൨)

ഉപാദാനഞ്ച നോഉപാദാനഞ്ച ധമ്മം പച്ചയാ ഉപാദാനോ ച നോഉപാദാനോ ച ധമ്മാ ഉപ്പജ്ജന്തി ഹേതുപച്ചയാ – നോഉപാദാനം ഏകം ഖന്ധഞ്ച ദിട്ഠുപാദാനഞ്ച പച്ചയാ തയോ ഖന്ധാ കാമുപാദാനം ചിത്തസമുട്ഠാനഞ്ച രൂപം…പേ… (ചക്കം). ദിട്ഠുപാദാനഞ്ച വത്ഥുഞ്ച പച്ചയാ കാമുപാദാനം സമ്പയുത്തകാ ച ഖന്ധാ…പേ… (ചക്കം). (൩)

ആരമ്മണപച്ചയാ… (ആരമ്മണേ നോഉപാദാനമൂലകേ പഞ്ചായതനഞ്ച വത്ഥുഞ്ച കാതബ്ബാ).

ഹേതുയാ നവ, ആരമ്മണേ നവ, അധിപതിയാ നവ (സബ്ബത്ഥ നവ), വിപാകേ ഏകം…പേ… അവിഗതേ നവ.

അനുലോമം.

൧൪. നോഉപാദാനം ധമ്മം പച്ചയാ നോഉപാദാനോ ധമ്മോ ഉപ്പജ്ജതി നഹേതുപച്ചയാ – അഹേതുകം നോഉപാദാനം ഏകം ഖന്ധം പച്ചയാ…പേ… അഹേതുകപടിസന്ധിക്ഖണേ…പേ… (യാവ അസഞ്ഞസത്താ) ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ നോഉപാദാനാ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ.

നഹേതുയാ ഏകം, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി…പേ… നപുരേജാതേ നവ…പേ… നകമ്മേ തീണി, നവിപാകേ നവ (പടിച്ചസദിസം)…പേ… നോവിഗതേ തീണി.

പച്ചനീയം.

൪. നിസ്സയവാരോ

(ഏവം ഇതരേ ദ്വേ ഗണനാപി നിസ്സയവാരോപി കാതബ്ബോ.)

൫. സംസട്ഠവാരോ

൧-൪. പച്ചയാനുലോമാദി

ഹേതുപച്ചയോ

൧൫. ഉപാദാനം ധമ്മം സംസട്ഠോ ഉപാദാനോ ധമ്മോ ഉപ്പജ്ജതി ഹേതുപച്ചയാ – ദിട്ഠുപാദാനം സംസട്ഠം കാമുപാദാനം, കാമുപാദാനം സംസട്ഠം ദിട്ഠുപാദാനം (ചക്കം. ഏവം നവപി പഞ്ഹാ കാതബ്ബാ).

ഹേതുയാ നവ, ആരമ്മണേ നവ, അധിപതിയാ നവ (സബ്ബത്ഥ നവ), വിപാകേ ഏകം…പേ… വിഗതേ നവ, അവിഗതേ നവ.

അനുലോമം.

൧൬. നോഉപാദാനം ധമ്മം സംസട്ഠോ നോഉപാദാനോ ധമ്മോ ഉപ്പജ്ജതി നഹേതുപച്ചയാ – അഹേതുകം നോഉപാദാനം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ സംസട്ഠോ വിചികിച്ഛാസഹഗതോ ഉദ്ധച്ചസഹഗതോ മോഹോ.

നഹേതുയാ ഏകം, നഅധിപതിയാ നവ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നഝാനേ ഏകം, നമഗ്ഗേ ഏകം, നവിപ്പയുത്തേ നവ.

പച്ചനീയം.

൬. സമ്പയുത്തവാരോ

(ഏവം ഇതരേ ദ്വേ ഗണനാപി സമ്പയുത്തവാരോപി കാതബ്ബോ.)

൭. പഞ്ഹാവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧൭. ഉപാദാനോ ധമ്മോ ഉപാദാനസ്സ ധമ്മസ്സ ഹേതുപച്ചയേന പച്ചയോ – ഉപാദാനാ ഹേതൂ സമ്പയുത്തകാനം ഉപാദാനാനം ഹേതുപച്ചയേന പച്ചയോ. (മൂലം കാതബ്ബം) ഉപാദാനാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (മൂലം കാതബ്ബം) ഉപാദാനാ ഹേതൂ സമ്പയുത്തകാനം ഖന്ധാനം ഉപാദാനാനഞ്ച ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൩)

൧൮. നോഉപാദാനോ ധമ്മോ നോഉപാദാനസ്സ ധമ്മസ്സ ഹേതുപച്ചയേന പച്ചയോ – നോഉപാദാനാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

നോഉപാദാനോ ധമ്മോ ഉപാദാനസ്സ ധമ്മസ്സ ഹേതുപച്ചയേന പച്ചയോ – നോഉപാദാനാ ഹേതൂ സമ്പയുത്തകാനം ഉപാദാനാനം ഹേതുപച്ചയേന പച്ചയോ. (മൂലം കാതബ്ബം) നോഉപാദാനാ ഹേതൂ സമ്പയുത്തകാനം ഖന്ധാനം ഉപാദാനാനഞ്ച ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൩)

൧൯. ഉപാദാനോ ച നോഉപാദാനോ ച ധമ്മാ ഉപാദാനസ്സ ധമ്മസ്സ ഹേതുപച്ചയേന പച്ചയോ – ഉപാദാനാ ച നോഉപാദാനാ ച ഹേതൂ സമ്പയുത്തകാനം ഉപാദാനാനം ഹേതുപച്ചയേന പച്ചയോ. (മൂലം കാതബ്ബം) ഉപാദാനാ ച നോഉപാദാനാ ച ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (മൂലം കാതബ്ബം) ഉപാദാനാ ച നോഉപാദാനാ ച ഹേതൂ സമ്പയുത്തകാനം ഖന്ധാനം ഉപാദാനാനഞ്ച ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൩)

ആരമ്മണപച്ചയോ

൨൦. ഉപാദാനോ ധമ്മോ ഉപാദാനസ്സ ധമ്മസ്സ ആരമ്മണപച്ചയേന പച്ചയോ – ഉപാദാനേ ആരബ്ഭ ഉപാദാനാ ഉപ്പജ്ജന്തി… തീണി (ആരബ്ഭ കാതബ്ബാ).

നോഉപാദാനോ ധമ്മോ നോഉപാദാനസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി; വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം പച്ചവേക്ഖതി, അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം…പേ… നിബ്ബാനം പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ. അരിയാ നോഉപാദാനേ പഹീനേ കിലേസേ …പേ… വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ…പേ… ചക്ഖും…പേ… വത്ഥും നോഉപാദാനേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന നോഉപാദാനചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നോഉപാദാനാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നോഉപാദാനോ ധമ്മോ ഉപാദാനസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി; പുബ്ബേ സുചിണ്ണാനി…പേ… ഝാനാ…പേ… ചക്ഖും…പേ… വത്ഥും നോഉപാദാനേ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

നോഉപാദാനോ ധമ്മോ ഉപാദാനസ്സ ച നോഉപാദാനസ്സ ച ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ…പേ… പുബ്ബേ സുചിണ്ണാനി …പേ… ഝാനാ വുട്ഠഹിത്വാ ഝാനം…പേ… ചക്ഖും…പേ… വത്ഥും നോഉപാദാനേ ഖന്ധേ അസ്സാദേതി അഭിനന്ദതി, തം ആരബ്ഭ ഉപാദാനാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

ഉപാദാനോ ച നോഉപാദാനോ ച ധമ്മാ ഉപാദാനസ്സ ധമ്മസ്സ ആരമ്മണപച്ചയേന പച്ചയോ… തീണി (ആരബ്ഭ കാതബ്ബാ).

അധിപതിപച്ചയോ

൨൧. ഉപാദാനോ ധമ്മോ ഉപാദാനസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ഉപാദാനേ ഗരും കത്വാ ഉപാദാനാ ഉപ്പജ്ജന്തി… തീണി (ആരമ്മണാധിപതിയേവ).

൨൨. നോഉപാദാനോ ധമ്മോ നോഉപാദാനസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം…പേ… ഉപോസഥകമ്മം…പേ… പുബ്ബേ…പേ… ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, അസ്സാദേതി അഭിനന്ദതി, അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി…പേ… ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും നോഉപാദാനേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോഉപാദാനാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നോഉപാദാനോ ധമ്മോ ഉപാദാനസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി; പുബ്ബേ…പേ… ഝാനാ…പേ… ചക്ഖും…പേ… വത്ഥും നോഉപാദാനേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോഉപാദാനാധിപതി സമ്പയുത്തകാനം ഉപാദാനാനം അധിപതിപച്ചയേന പച്ചയോ. (൨)

നോഉപാദാനോ ധമ്മോ ഉപാദാനസ്സ ച നോഉപാദാനസ്സ ച ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനം…പേ… ചക്ഖും…പേ… വത്ഥും നോഉപാദാനേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ ഉപാദാനാ ച സമ്പയുത്തകാ ച ഖന്ധാ ഉപ്പജ്ജന്തി. സഹജാതാധിപതി – നോഉപാദാനാധിപതി സമ്പയുത്തകാനം ഖന്ധാനം ഉപാദാനാനഞ്ച ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൩)

ഉപാദാനോ ച നോഉപാദാനോ ച ധമ്മാ ഉപാദാനസ്സ ധമ്മസ്സ അധിപതിപച്ചയേന പച്ചയോ… തീണി… ആരമ്മണാധിപതി… തീണി (ആരബ്ഭ കാതബ്ബാ, ആരമ്മണാധിപതിയേവ).

അനന്തരപച്ചയാദി

൨൩. ഉപാദാനോ ധമ്മോ ഉപാദാനസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉപാദാനാ പച്ഛിമാനം പച്ഛിമാനം ഉപാദാനാനം അനന്തരപച്ചയേന പച്ചയോ. (മൂലം കാതബ്ബം) പുരിമാ പുരിമാ ഉപാദാനാ പച്ഛിമാനം പച്ഛിമാനം നോഉപാദാനാനം ഖന്ധാനം അനന്തരപച്ചയേന പച്ചയോ; ഉപാദാനം വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം) പുരിമാ പുരിമാ ഉപാദാനാ പച്ഛിമാനം പച്ഛിമാനം ഉപാദാനാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൨൪. നോഉപാദാനോ ധമ്മോ നോഉപാദാനസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോഉപാദാനാ ഖന്ധാ പച്ഛിമാനം പച്ഛിമാനം നോഉപാദാനാനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… ഫലസമാപത്തിയാ അനന്തരപച്ചയേന പച്ചയോ. (൧)

നോഉപാദാനോ ധമ്മോ ഉപാദാനസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോഉപാദാനാ ഖന്ധാ പച്ഛിമാനം പച്ഛിമാനം ഉപാദാനാനം ഖന്ധാനം അനന്തരപച്ചയേന പച്ചയോ; ആവജ്ജനാ ഉപാദാനാനം അനന്തരപച്ചയേന പച്ചയോ. (൨)

നോഉപാദാനോ ധമ്മോ ഉപാദാനസ്സ ച നോഉപാദാനസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോഉപാദാനാ ഖന്ധാ പച്ഛിമാനം പച്ഛിമാനം ഉപാദാനാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ; ആവജ്ജനാ ഉപാദാനാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൨൫. ഉപാദാനോ ച നോഉപാദാനോ ച ധമ്മാ ഉപാദാനസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉപാദാനാ ച സമ്പയുത്തകാ ച ഖന്ധാ പച്ഛിമാനം പച്ഛിമാനം ഉപാദാനാനം അനന്തരപച്ചയേന പച്ചയോ. (മൂലം കാതബ്ബം) പുരിമാ പുരിമാ ഉപാദാനാ ച സമ്പയുത്തകാ ച ഖന്ധാ പച്ഛിമാനം പച്ഛിമാനം നോഉപാദാനാനം ഖന്ധാനം അനന്തരപച്ചയേന പച്ചയോ; ഉപാദാനാ ച സമ്പയുത്തകാ ച ഖന്ധാ വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം) പുരിമാ പുരിമാ ഉപാദാനാ ച സമ്പയുത്തകാ ച ഖന്ധാ പച്ഛിമാനം പച്ഛിമാനം ഉപാദാനാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

സമനന്തരപച്ചയേന പച്ചയോ… സഹജാതപച്ചയേന പച്ചയോ (പടിച്ചസദിസം)… അഞ്ഞമഞ്ഞപച്ചയേന പച്ചയോ (പടിച്ചസദിസം)… നിസ്സയപച്ചയേന പച്ചയോ (പച്ചയസദിസം).

ഉപനിസ്സയപച്ചയോ

൨൬. ഉപാദാനോ ധമ്മോ ഉപാദാനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ …പേ…. പകതൂപനിസ്സയോ – ഉപാദാനാ ഉപാദാനാനം ഉപനിസ്സയപച്ചയേന പച്ചയോ… തീണി.

൨൭. നോഉപാദാനോ ധമ്മോ നോഉപാദാനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; സീലം…പേ… പഞ്ഞം… രാഗം…പേ… പത്ഥനം… കായികം സുഖം…പേ… സേനാസനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; പാണം ഹനതി…പേ… സങ്ഘം ഭിന്ദതി, സദ്ധാ…പേ… സേനാസനം സദ്ധായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

നോഉപാദാനോ ധമ്മോ ഉപാദാനസ്സ ധമ്മസ്സ ഉപനിസ്സയപച്ചയേന പച്ചയോ. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ അദിന്നം…പേ… മുസാ…പേ… പിസുണം…പേ… സമ്ഫം…പേ… സന്ധിം…പേ… നില്ലോപം…പേ… ഏകാഗാരികം…പേ… പരിപന്ഥേ…പേ… പരദാരം…പേ… ഗാമഘാതം…പേ… നിഗമഘാതം കരോതി; സദ്ധാ…പേ… സേനാസനം ഉപാദാനാനം ഉപനിസ്സയപച്ചയേന പച്ചയോ. (മൂലം കാതബ്ബം) സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ അദിന്നം ആദിയതി, മുസാ…പേ… പിസുണം…പേ… സമ്ഫം…പേ… സന്ധിം…പേ… നില്ലോപം…പേ… ഏകാഗാരികം…പേ… പരിപന്ഥേ…പേ… പരദാരം…പേ… ഗാമഘാതം…പേ… നിഗമഘാതം കരോതി; സദ്ധാ…പേ… സേനാസനം ഉപാദാനാനം സമ്പയുത്തകാനഞ്ച ഖന്ധാനം ഉപനിസ്സയപച്ചയേന പച്ചയോ. (൩)

ഉപാദാനോ ച നോഉപാദാനോ ച ധമ്മാ ഉപാദാനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ… തീണി.

പുരേജാതപച്ചയോ

൨൮. നോഉപാദാനോ ധമ്മോ നോഉപാദാനസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നോഉപാദാനാനം ഖന്ധാനം പുരേജാതപച്ചയേന പച്ചയോ. (൧)

നോഉപാദാനോ ധമ്മോ ഉപാദാനസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി. വത്ഥുപുരേജാതം – വത്ഥു ഉപാദാനാനം പുരേജാതപച്ചയേന പച്ചയോ. (൨)

നോഉപാദാനോ ധമ്മോ ഉപാദാനസ്സ ച നോഉപാദാനസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ഉപാദാനാ ച സമ്പയുത്തകാ ച ഖന്ധാ ഉപ്പജ്ജന്തി. വത്ഥുപുരേജാതം – വത്ഥു ഉപാദാനാനം സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ. (൩)

പച്ഛാജാതാസേവനപച്ചയാ

൨൯. ഉപാദാനോ ധമ്മോ നോഉപാദാനസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

നോഉപാദാനോ ധമ്മോ നോഉപാദാനസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

ഉപാദാനോ ച നോഉപാദാനോ ച ധമ്മാ നോഉപാദാനസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧) …ആസേവനപച്ചയേന പച്ചയോ.

കമ്മപച്ചയോ

൩൦. നോഉപാദാനോ ധമ്മോ നോഉപാദാനസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നോഉപാദാനാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നോഉപാദാനാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

നോഉപാദാനോ ധമ്മോ ഉപാദാനസ്സ ധമ്മസ്സ കമ്മപച്ചയേന പച്ചയോ – നോഉപാദാനാ ചേതനാ സമ്പയുത്തകാനം ഉപാദാനാനം കമ്മപച്ചയേന പച്ചയോ. (൨)

നോഉപാദാനോ ധമ്മോ ഉപാദാനസ്സ ച നോഉപാദാനസ്സ ച ധമ്മസ്സ കമ്മപച്ചയേന പച്ചയോ – നോഉപാദാനാ ചേതനാ സമ്പയുത്തകാനം ഖന്ധാനം ഉപാദാനാനഞ്ച ചിത്തസമുട്ഠാനാനം രൂപാനം കമ്മപച്ചയേന പച്ചയോ. (൩)

വിപാകപച്ചയാദി

൩൧. നോഉപാദാനോ ധമ്മോ നോഉപാദാനസ്സ ധമ്മസ്സ വിപാകപച്ചയേന പച്ചയോ – വിപാകോ നോഉപാദാനോ ഏകോ ഖന്ധോ…പേ… ഏകം.

നോഉപാദാനോ ധമ്മോ നോഉപാദാനസ്സ ധമ്മസ്സ ആഹാരപച്ചയേന പച്ചയോ… തീണി (ഏകോയേവ കബളീകാരോ ആഹാരോ)… ഇന്ദ്രിയപച്ചയേന പച്ചയോ… തീണി (രൂപജീവിതിന്ദ്രിയം ഏകംയേവ)… ഝാനപച്ചയേന പച്ചയോ… തീണി.

ഉപാദാനോ ധമ്മോ ഉപാദാനസ്സ ധമ്മസ്സ മഗ്ഗപച്ചയേന പച്ചയോ – ഉപാദാനാനി മഗ്ഗങ്ഗാനി സമ്പയുത്തകാനം ഉപാദാനാനം മഗ്ഗപച്ചയേന പച്ചയോ (ഇമിനാ കാരണേന നവ പഞ്ഹാ കാതബ്ബാ)… സമ്പയുത്തപച്ചയേന പച്ചയോ… നവ.

വിപ്പയുത്തപച്ചയോ

൩൨. ഉപാദാനോ ധമ്മോ നോഉപാദാനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ഉപാദാനാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതം – പച്ഛാജാതാ ഉപാദാനാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

നോഉപാദാനോ ധമ്മോ നോഉപാദാനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

നോഉപാദാനോ ധമ്മോ ഉപാദാനസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ഉപാദാനാനം വിപ്പയുത്തപച്ചയേന പച്ചയോ. (൨)

നോഉപാദാനോ ധമ്മോ ഉപാദാനസ്സ ച നോഉപാദാനസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ഉപാദാനാനം സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ. (൩)

൩൩. ഉപാദാനോ ച നോഉപാദാനോ ച ധമ്മാ നോഉപാദാനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ഉപാദാനാ ച സമ്പയുത്തകാ ച ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – ഉപാദാനാ ച സമ്പയുത്തകാ ച ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അത്ഥിപച്ചയോ

൩൪. ഉപാദാനോ ധമ്മോ ഉപാദാനസ്സ ധമ്മസ്സ അത്ഥിപച്ചയേന പച്ചയോ – ദിട്ഠുപാദാനം കാമുപാദാനസ്സ അത്ഥിപച്ചയേന പച്ചയോ (ചക്കം). (൧)

ഉപാദാനോ ധമ്മോ നോഉപാദാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – ഉപാദാനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പച്ഛാജാതാ – ഉപാദാനാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

ഉപാദാനോ ധമ്മോ ഉപാദാനസ്സ ച നോഉപാദാനസ്സ ച ധമ്മസ്സ അത്ഥിപച്ചയേന പച്ചയോ (സംഖിത്തം, പടിച്ചസദിസം). (൩)

൩൫. നോഉപാദാനോ ധമ്മോ നോഉപാദാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം, വിത്ഥാരേതബ്ബം). (൧)

നോഉപാദാനോ ധമ്മോ ഉപാദാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതം (സഹജാതസദിസം). പുരേജാതം (പുരേജാതസദിസം). (൨)

നോഉപാദാനോ ധമ്മോ ഉപാദാനസ്സ ച നോഉപാദാനസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം (സംഖിത്തം, സഹജാതസദിസം സഹജാതം വിഭജിതബ്ബം, പുരേജാതസദിസം പുരേജാതം). (൩)

൩൬. ഉപാദാനോ ച നോഉപാദാനോ ച ധമ്മാ ഉപാദാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതം – ദിട്ഠുപാദാനഞ്ച സമ്പയുത്തകാ ച ഖന്ധാ കാമുപാദാനസ്സ അത്ഥിപച്ചയേന പച്ചയോ (ചക്കം). സഹജാതം – ദിട്ഠുപാദാനഞ്ച വത്ഥു ച കാമുപാദാനസ്സ അത്ഥിപച്ചയേന പച്ചയോ (ചക്കം). (൧)

ഉപാദാനോ ച നോഉപാദാനോ ച ധമ്മാ നോഉപാദാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നോഉപാദാനോ ഏകോ ഖന്ധോ ച ഉപാദാനാ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതാ – ഉപാദാനാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതാ – ഉപാദാനാ ച വത്ഥു ച നോഉപാദാനാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – ഉപാദാനാ ച സമ്പയുത്തകാ ച ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ഉപാദാനാ ച സമ്പയുത്തകാ ച ഖന്ധാ കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ഉപാദാനാ ച സമ്പയുത്തകാ ച ഖന്ധാ രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

ഉപാദാനോ ച നോഉപാദാനോ ച ധമ്മാ ഉപാദാനസ്സ ച നോഉപാദാനസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നോഉപാദാനോ ഏകോ ഖന്ധോ ച ദിട്ഠുപാദാനഞ്ച തിണ്ണന്നം ഖന്ധാനം കാമുപാദാനസ്സ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… (ചക്കം). സഹജാതം – ദിട്ഠുപാദാനഞ്ച വത്ഥു ച കാമുപാദാനസ്സ സമ്പയുത്തകാനഞ്ച ഖന്ധാനം അത്ഥിപച്ചയേന പച്ചയോ (ചക്കം). (൩)

൧. പച്ചയാനുലോമം

൨. സങ്ഖ്യാവാരോ

സുദ്ധം

൩൭. ഹേതുയാ നവ, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ തീണി, വിപാകേ ഏകം, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ നവ, സമ്പയുത്തേ നവ, വിപ്പയുത്തേ പഞ്ച, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

അനുലോമം.

൨. പച്ചനീയുദ്ധാരോ

൩൮. ഉപാദാനോ ധമ്മോ ഉപാദാനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

ഉപാദാനോ ധമ്മോ നോഉപാദാനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

ഉപാദാനോ ധമ്മോ ഉപാദാനസ്സ ച നോഉപാദാനസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

൩൯. നോഉപാദാനോ ധമ്മോ നോഉപാദാനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

നോഉപാദാനോ ധമ്മോ ഉപാദാനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നോഉപാദാനോ ധമ്മോ ഉപാദാനസ്സ ച നോഉപാദാനസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൪൦. ഉപാദാനോ ച നോഉപാദാനോ ച ധമ്മാ ഉപാദാനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

ഉപാദാനോ ച നോഉപാദാനോ ച ധമ്മാ നോഉപാദാനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

ഉപാദാനോ ച നോഉപാദാനോ ച ധമ്മാ ഉപാദാനസ്സ ച നോഉപാദാനസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)