നമോ തസ്സ ഭഗവതോ അരഹതോ സമ്മാസമ്ബുദ്ധസ്സ

അഭിധമ്മപിടകേ

പട്ഠാനപാളി

(ചതുത്ഥോ ഭാഗോ)

ധമ്മാനുലോമേ ദുകപട്ഠാനം

൧൨. കിലേസഗോച്ഛകം

൭൫. കിലേസദുകം

൧. പടിച്ചവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧. കിലേസം ധമ്മം പടിച്ച കിലേസോ ധമ്മോ ഉപ്പജ്ജതി ഹേതുപച്ചയാ – ലോഭം പടിച്ച മോഹോ ദിട്ഠി ഥിനം [ഥീനം (സീ. സ്യാ.)] ഉദ്ധച്ചം അഹിരികം അനോത്തപ്പം, ലോഭം പടിച്ച മോഹോ ദിട്ഠി ഉദ്ധച്ചം അഹിരികം അനോത്തപ്പം, ലോഭം പടിച്ച മോഹോ മാനോ ഥിനം ഉദ്ധച്ചം അഹിരികം അനോത്തപ്പം, ലോഭം പടിച്ച മോഹോ മാനോ ഉദ്ധച്ചം അഹിരികം അനോത്തപ്പം, ലോഭം പടിച്ച മോഹോ ഥിനം ഉദ്ധച്ചം അഹിരികം അനോത്തപ്പം, ലോഭം പടിച്ച മോഹോ ഉദ്ധച്ചം അഹിരികം അനോത്തപ്പം; ദോസം പടിച്ച മോഹോ ഥിനം ഉദ്ധച്ചം അഹിരികം അനോത്തപ്പം, ദോസം പടിച്ച മോഹോ ഉദ്ധച്ചം അഹിരികം അനോത്തപ്പം; വിചികിച്ഛം പടിച്ച മോഹോ ഉദ്ധച്ചം അഹിരികം അനോത്തപ്പം; ഉദ്ധച്ചം പടിച്ച മോഹോ അഹിരികം അനോത്തപ്പം. (൧)

കിലേസം ധമ്മം പടിച്ച നോകിലേസോ ധമ്മോ ഉപ്പജ്ജതി ഹേതുപച്ചയാ – കിലേസം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൨)

കിലേസം ധമ്മം പടിച്ച കിലേസോ ച നോകിലേസോ ച ധമ്മാ ഉപ്പജ്ജന്തി ഹേതുപച്ചയാ – ലോഭം പടിച്ച മോഹോ ദിട്ഠി ഥിനം ഉദ്ധച്ചം അഹിരികം അനോത്തപ്പം സമ്പയുത്തകാ ച ഖന്ധാ ചിത്തസമുട്ഠാനഞ്ച രൂപം (ചക്കം). (൩)

൨. നോകിലേസം ധമ്മം പടിച്ച നോകിലേസോ ധമ്മോ ഉപ്പജ്ജതി ഹേതുപച്ചയാ – നോകിലേസം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ…. (൧)

നോകിലേസം ധമ്മം പടിച്ച കിലേസോ ധമ്മോ ഉപ്പജ്ജതി ഹേതുപച്ചയാ – നോകിലേസേ ഖന്ധേ പടിച്ച കിലേസാ. (൨)

നോകിലേസം ധമ്മം പടിച്ച കിലേസോ ച നോകിലേസോ ച ധമ്മാ ഉപ്പജ്ജന്തി ഹേതുപച്ചയാ – നോകിലേസം ഏകം ഖന്ധം പടിച്ച തയോ ഖന്ധാ കിലേസാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൩. കിലേസഞ്ച നോകിലേസഞ്ച ധമ്മം പടിച്ച കിലേസോ ധമ്മോ ഉപ്പജ്ജതി ഹേതുപച്ചയാ – ലോഭഞ്ച സമ്പയുത്തകേ ച ഖന്ധേ പടിച്ച മോഹോ ദിട്ഠി ഥിനം ഉദ്ധച്ചം അഹിരികം അനോത്തപ്പം (ചക്കം). (൧)

കിലേസഞ്ച നോകിലേസഞ്ച ധമ്മം പടിച്ച നോകിലേസോ ധമ്മോ ഉപ്പജ്ജതി ഹേതുപച്ചയാ – നോകിലേസം ഏകം ഖന്ധഞ്ച കിലേസേ ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… കിലേസേ ച മഹാഭൂതേ ച പടിച്ച ചിത്തസമുട്ഠാനം രൂപം. (൨)

കിലേസഞ്ച നോകിലേസഞ്ച ധമ്മം പടിച്ച കിലേസോ ച നോകിലേസോ ച ധമ്മാ ഉപ്പജ്ജന്തി ഹേതുപച്ചയാ – നോകിലേസം ഏകം ഖന്ധഞ്ച ലോഭഞ്ച പടിച്ച തയോ ഖന്ധാ മോഹോ ദിട്ഠി ഥിനം ഉദ്ധച്ചം അഹിരികം അനോത്തപ്പം ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… (ചക്കം, സംഖിത്തം). (൩)

൧. പച്ചയാനുലോമം

൨. സങ്ഖ്യാവാരോ

൪. ഹേതുയാ നവ, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ (സബ്ബത്ഥ നവ), വിപാകേ ഏകം…പേ… അവിഗതേ നവ.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൫. കിലേസം ധമ്മം പടിച്ച കിലേസോ ധമ്മോ ഉപ്പജ്ജതി നഹേതുപച്ചയാ – വിചികിച്ഛം പടിച്ച മോഹോ, ഉദ്ധച്ചം പടിച്ച മോഹോ. (൧)

നോകിലേസം ധമ്മം പടിച്ച നോകിലേസോ ധമ്മോ ഉപ്പജ്ജതി നഹേതുപച്ചയാ – അഹേതുകം നോകിലേസം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… (യാവ അസഞ്ഞസത്താ). (൧)

നോകിലേസം ധമ്മം പടിച്ച കിലേസോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

കിലേസഞ്ച നോകിലേസഞ്ച ധമ്മം പടിച്ച കിലേസോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഖന്ധേ ച വിചികിച്ഛഞ്ച പടിച്ച വിചികിച്ഛാസഹഗതോ മോഹോ, ഉദ്ധച്ചസഹഗതേ ഖന്ധേ ച ഉദ്ധച്ചഞ്ച പടിച്ച ഉദ്ധച്ചസഹഗതോ മോഹോ. (൧)

നആരമ്മണപച്ചയാദി

൬. കിലേസം ധമ്മം പടിച്ച നോകിലേസോ ധമ്മോ ഉപ്പജ്ജതി നആരമ്മണപച്ചയാ – കിലേസേ പടിച്ച ചിത്തസമുട്ഠാനം രൂപം. (൧)

നോകിലേസം ധമ്മം പടിച്ച നോകിലേസോ ധമ്മോ ഉപ്പജ്ജതി നആരമ്മണപച്ചയാ – നോകിലേസേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… ഖന്ധേ പടിച്ച വത്ഥു (യാവ അസഞ്ഞസത്താ). (൧)

കിലേസഞ്ച നോകിലേസഞ്ച ധമ്മം പടിച്ച നോകിലേസോ ധമ്മോ ഉപ്പജ്ജതി നആരമ്മണപച്ചയാ – കിലേസേ ച സമ്പയുത്തകേ ച ഖന്ധേ പടിച്ച ചിത്തസമുട്ഠാനം രൂപം, കിലേസേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നഅധിപതിപച്ചയാ… നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ.

നപുരേജാതപച്ചയാദി

൭. കിലേസം ധമ്മം പടിച്ച കിലേസോ ധമ്മോ ഉപ്പജ്ജതി നപുരേജാതപച്ചയാ – അരൂപേ ലോഭം പടിച്ച മോഹോ ദിട്ഠി ഥിനം ഉദ്ധച്ചം അഹിരികം അനോത്തപ്പം, ലോഭം പടിച്ച മോഹോ ദിട്ഠി ഉദ്ധച്ചം അഹിരികം അനോത്തപ്പം, ലോഭം പടിച്ച മോഹോ മാനോ ഥിനം ഉദ്ധച്ചം അഹിരികം അനോത്തപ്പം, ലോഭം പടിച്ച മോഹോ മാനോ ഉദ്ധച്ചം അഹിരികം അനോത്തപ്പം, ലോഭം പടിച്ച മോഹോ ഥിനം ഉദ്ധച്ചം അഹിരികം അനോത്തപ്പം, ലോഭം പടിച്ച മോഹോ ഉദ്ധച്ചം അഹിരികം അനോത്തപ്പം; വിചികിച്ഛം പടിച്ച മോഹോ ഉദ്ധച്ചം അഹിരികം അനോത്തപ്പം; ഉദ്ധച്ചം പടിച്ച മോഹോ അഹിരികം അനോത്തപ്പം (അരൂപേ ദോസമൂലകം നത്ഥി). (൧)

കിലേസം ധമ്മം പടിച്ച നോകിലേസോ ധമ്മോ ഉപ്പജ്ജതി നപുരേജാതപച്ചയാ – അരൂപേ കിലേസേ പടിച്ച സമ്പയുത്തകാ ഖന്ധാ, കിലേസേ പടിച്ച ചിത്തസമുട്ഠാനം രൂപം (ഏവം നവപി പഞ്ഹാ കാതബ്ബാ), നപച്ഛാജാതപച്ചയാ, നആസേവനപച്ചയാ.

നകമ്മപച്ചയോ

൮. കിലേസം ധമ്മം പടിച്ച നോകിലേസോ ധമ്മോ ഉപ്പജ്ജതി നകമ്മപച്ചയാ – കിലേസേ പടിച്ച സമ്പയുത്തകാ ചേതനാ. (൧)

നോകിലേസം ധമ്മം പടിച്ച നോകിലേസോ ധമ്മോ ഉപ്പജ്ജതി നകമ്മപച്ചയാ – നോകിലേസേ ഖന്ധേ പടിച്ച സമ്പയുത്തകാ ചേതനാ; ബാഹിരം… ആഹാരസമുട്ഠാനം… ഉതുസമുട്ഠാനം…പേ…. (൧)

കിലേസഞ്ച നോകിലേസഞ്ച ധമ്മം പടിച്ച നോകിലേസോ ധമ്മോ ഉപ്പജ്ജതി നകമ്മപച്ചയാ – കിലേസേ ച സമ്പയുത്തകേ ച ഖന്ധേ പടിച്ച സമ്പയുത്തകാ ചേതനാ. (൧) (ഏവം സബ്ബേ പച്ചയാ കാതബ്ബാ.)

൨. പച്ചയപച്ചനീയം

൨. സങ്ഖ്യാവാരോ

സുദ്ധം

൯. നഹേതുയാ ചത്താരി, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി.

൨. സഹജാതവാരോ

(ഏവം ഇതരേ ദ്വേ ഗണനാപി സഹജാതവാരോപി കാതബ്ബോ.)

൩. പച്ചയവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧൦. കിലേസം ധമ്മം പച്ചയാ കിലേസോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചസദിസാ).

നോകിലേസം ധമ്മം പച്ചയാ നോകിലേസോ ധമ്മോ ഉപ്പജ്ജതി ഹേതുപച്ചയാ – നോകിലേസം ഏകം ഖന്ധം പച്ചയാ തയോ ഖന്ധാ…പേ… (യാവ അജ്ഝത്തികാ മഹാഭൂതാ) വത്ഥും പച്ചയാ നോകിലേസാ ഖന്ധാ. (൧)

നോകിലേസം ധമ്മം പച്ചയാ കിലേസോ ധമ്മോ ഉപ്പജ്ജതി ഹേതുപച്ചയാ – നോകിലേസേ ഖന്ധേ പച്ചയാ കിലേസാ, വത്ഥും പച്ചയാ കിലേസാ. (൨)

നോകിലേസം ധമ്മം പച്ചയാ കിലേസോ ച നോകിലേസോ ച ധമ്മാ ഉപ്പജ്ജന്തി ഹേതുപച്ചയാ – നോകിലേസം ഏകം ഖന്ധം പച്ചയാ തയോ ഖന്ധാ കിലേസാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വത്ഥും പച്ചയാ കിലേസാ, മഹാഭൂതേ പച്ചയാ ചിത്തസമുട്ഠാനം രൂപം, വത്ഥും പച്ചയാ കിലേസാ ച സമ്പയുത്തകാ ച ഖന്ധാ. (൩)

൧൧. കിലേസഞ്ച നോകിലേസഞ്ച ധമ്മം പച്ചയാ കിലേസോ ധമ്മോ ഉപ്പജ്ജതി ഹേതുപച്ചയാ – ലോഭഞ്ച സമ്പയുത്തകേ ച ഖന്ധേ പച്ചയാ മോഹോ ദിട്ഠി ഥിനം ഉദ്ധച്ചം അഹിരികം അനോത്തപ്പം (ചക്കം). ലോഭഞ്ച വത്ഥുഞ്ച പച്ചയാ കിലേസാ. (൧)

കിലേസഞ്ച നോകിലേസഞ്ച ധമ്മം പച്ചയാ നോകിലേസോ ധമ്മോ ഉപ്പജ്ജതി ഹേതുപച്ചയാ – നോകിലേസം ഏകം ഖന്ധഞ്ച കിലേസഞ്ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… കിലേസേ ച മഹാഭൂതേ ച പച്ചയാ ചിത്തസമുട്ഠാനം രൂപം, കിലേസേ ച വത്ഥുഞ്ച പച്ചയാ നോകിലേസാ ഖന്ധാ. (൨)

കിലേസഞ്ച നോകിലേസഞ്ച ധമ്മം പച്ചയാ കിലേസോ ച നോകിലേസോ ച ധമ്മാ ഉപ്പജ്ജന്തി ഹേതുപച്ചയാ – നോകിലേസം ഏകം ഖന്ധഞ്ച ലോഭഞ്ച പച്ചയാ തയോ ഖന്ധാ മോഹോ ദിട്ഠി ഥിനം ഉദ്ധച്ചം അഹിരികം അനോത്തപ്പം ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… (ചക്കം). ലോഭഞ്ച വത്ഥുഞ്ച പച്ചയാ മോഹോ ദിട്ഠി ഥിനം ഉദ്ധച്ചം അഹിരികം അനോത്തപ്പം സമ്പയുത്തകാ ച ഖന്ധാ (ചക്കം). (൩)

(ആരമ്മണപച്ചയേ നോകിലേസമൂലേ പഞ്ച വിഞ്ഞാണാ കാതബ്ബാ.)

൧. പച്ചയാനുലോമം

൨. സങ്ഖ്യാവാരോ

൧൨. ഹേതുയാ നവ, ആരമ്മണേ നവ, അധിപതിയാ നവ (സബ്ബത്ഥ നവ), വിപാകേ ഏകം…പേ… അവിഗതേ നവ.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൧൩. കിലേസം ധമ്മം പച്ചയാ കിലേസോ ധമ്മോ ഉപ്പജ്ജതി നഹേതുപച്ചയാ – വിചികിച്ഛം പച്ചയാ വിചികിച്ഛാസഹഗതോ മോഹോ, ഉദ്ധച്ചം പച്ചയാ ഉദ്ധച്ചസഹഗതോ മോഹോ. (൧)

നോകിലേസം ധമ്മം പച്ചയാ നോകിലേസോ ധമ്മോ ഉപ്പജ്ജതി നഹേതുപച്ചയാ (യാവ അസഞ്ഞസത്താ) – ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം…പേ… വത്ഥും പച്ചയാ അഹേതുകാ നോകിലേസാ ഖന്ധാ. (൧)

നോകിലേസം ധമ്മം പച്ചയാ കിലേസോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

കിലേസഞ്ച നോകിലേസഞ്ച ധമ്മം പച്ചയാ കിലേസോ ധമ്മോ ഉപ്പജ്ജതി നഹേതുപച്ചയാ – വിചികിച്ഛഞ്ച സമ്പയുത്തകേ ച ഖന്ധേ വത്ഥുഞ്ച പച്ചയാ വിചികിച്ഛാസഹഗതോ മോഹോ, ഉദ്ധച്ചഞ്ച സമ്പയുത്തകേ ച ഖന്ധേ വത്ഥുഞ്ച പച്ചയാ ഉദ്ധച്ചസഹഗതോ മോഹോ (സംഖിത്തം). (൧)

൨. പച്ചയപച്ചനീയം

൨. സങ്ഖ്യാവാരോ

൧൪. നഹേതുയാ ചത്താരി, നആരമ്മണേ തീണി, നഅധിപതിയാ നവ…പേ… നകമ്മേ തീണി, നവിപാകേ നവ, നആഹാരേ ഏകം…പേ… നോവിഗതേ തീണി.

൪. നിസ്സയവാരോ

(ഏവം ഇതരേ ദ്വേ ഗണനാപി നിസ്സയവാരോപി കാതബ്ബോ.)

൫. സംസട്ഠവാരോ

൧-൪. പച്ചയാനുലോമാദി

൧൫. കിലേസം ധമ്മം സംസട്ഠോ കിലേസോ ധമ്മോ ഉപ്പജ്ജതി ഹേതുപച്ചയാ – ലോഭം സംസട്ഠോ മോഹോ ദിട്ഠി ഥിനം ഉദ്ധച്ചം അഹിരികം അനോത്തപ്പം. (ചക്കം. ഏവം നവ പഞ്ഹാ കാതബ്ബാ.)

ഹേതുയാ നവ, ആരമ്മണേ നവ (സബ്ബത്ഥ നവ), വിപാകേ ഏകം…പേ… അവിഗതേ നവ.

അനുലോമം.

കിലേസം ധമ്മം സംസട്ഠോ കിലേസോ ധമ്മോ ഉപ്പജ്ജതി നഹേതുപച്ചയാ (ഏവം നഹേതുപഞ്ഹാ ചത്താരി കാതബ്ബാ.)

നഹേതുയാ ചത്താരി, നഅധിപതിയാ നവ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നഝാനേ ഏകം, നമഗ്ഗേ ഏകം, നവിപ്പയുത്തേ നവ.

പച്ചനീയം.

൬. സമ്പയുത്തവാരോ

(ഏവം ഇതരേ ദ്വേ ഗണനാപി സമ്പയുത്തവാരോപി കാതബ്ബോ.)

൭. പഞ്ഹാവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧൬. കിലേസോ ധമ്മോ കിലേസസ്സ ധമ്മസ്സ ഹേതുപച്ചയേന പച്ചയോ – കിലേസാ ഹേതൂ സമ്പയുത്തകാനം കിലേസാനം ഹേതുപച്ചയേന പച്ചയോ. (മൂലം പുച്ഛിതബ്ബം.) കിലേസാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (മൂലം പുച്ഛിതബ്ബം.) കിലേസാ ഹേതൂ സമ്പയുത്തകാനം ഖന്ധാനം കിലേസാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

നോകിലേസോ ധമ്മോ നോകിലേസസ്സ ധമ്മസ്സ ഹേതുപച്ചയേന പച്ചയോ – നോകിലേസാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൧൭. കിലേസോ ധമ്മോ കിലേസസ്സ ധമ്മസ്സ ആരമ്മണപച്ചയേന പച്ചയോ – കിലേസേ ആരബ്ഭ കിലേസാ ഉപ്പജ്ജന്തി. (മൂലം പുച്ഛിതബ്ബം.) കിലേസേ ആരബ്ഭ നോകിലേസാ ഖന്ധാ ഉപ്പജ്ജന്തി. (മൂലം പുച്ഛിതബ്ബം.) കിലേസേ ആരബ്ഭ കിലേസാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

൧൮. നോകിലേസോ ധമ്മോ നോകിലേസസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം പച്ചവേക്ഖതി അസ്സാദേതി അഭിനന്ദതി, തം ആരബ്ഭ രാഗോ…പേ… ദിട്ഠി…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; അരിയാ മഗ്ഗാ വുട്ഠഹിത്വാ…പേ… ഫലസ്സ, ആവജ്ജനായ ആരമ്മണപച്ചയേന പച്ചയോ; ചക്ഖും…പേ… വത്ഥും നോകിലേസേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി…പേ… അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നോകിലേസോ ധമ്മോ കിലേസസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… ഝാനാ വുട്ഠഹിത്വാ ഝാനം അസ്സാദേതി അഭിനന്ദതി, തം ആരബ്ഭ രാഗോ…പേ… ദിട്ഠി…പേ… വിചികിച്ഛാ…പേ… ഉദ്ധച്ചം ഉപ്പജ്ജതി, ഝാനേ പരിഹീനേ വിപ്പടിസാരിസ്സ ദോമനസ്സം ഉപ്പജ്ജതി, ചക്ഖും…പേ… വത്ഥും നോകിലേസേ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ…പേ… ദോമനസ്സം ഉപ്പജ്ജതി. (൨)

നോകിലേസോ ധമ്മോ കിലേസസ്സ ച നോകിലേസസ്സ ച ധമ്മസ്സ ആരമ്മണപച്ചയേന പച്ചയോ – ദാനം…പേ… ഝാനാ വുട്ഠഹിത്വാ…പേ… ചക്ഖും…പേ… വത്ഥും നോകിലേസേ ഖന്ധേ അസ്സാദേതി അഭിനന്ദതി, തം ആരബ്ഭ കിലേസാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

കിലേസോ ച നോകിലേസോ ച ധമ്മാ കിലേസസ്സ ധമ്മസ്സ ആരമ്മണപച്ചയേന പച്ചയോ… തീണി.

അധിപതിപച്ചയോ

൧൯. കിലേസോ ധമ്മോ കിലേസസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – കിലേസേ ഗരും കത്വാ കിലേസാ ഉപ്പജ്ജന്തി… തീണി (ആരമ്മണാധിപതിയേവ). (൩)

നോകിലേസോ ധമ്മോ നോകിലേസസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി; പുബ്ബേ…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി…പേ… ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും നോകിലേസേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോകിലേസാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നോകിലേസോ ധമ്മോ കിലേസസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… ഝാനം…പേ… ചക്ഖും…പേ… വത്ഥും നോകിലേസേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോകിലേസാധിപതി സമ്പയുത്തകാനം കിലേസാനം അധിപതിപച്ചയേന പച്ചയോ. (൨)

നോകിലേസോ ധമ്മോ കിലേസസ്സ ച നോകിലേസസ്സ ച ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… ഝാനം…പേ… ചക്ഖും…പേ… വത്ഥും നോകിലേസേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ കിലേസാ ച സമ്പയുത്തകാ ച ഖന്ധാ ഉപ്പജ്ജന്തി. സഹജാതാധിപതി – നോകിലേസാധിപതി സമ്പയുത്തകാനം ഖന്ധാനം കിലേസാനഞ്ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

കിലേസോ ച നോകിലേസോ ച ധമ്മാ കിലേസസ്സ ധമ്മസ്സ അധിപതിപച്ചയേന പച്ചയോ… തീണി (ആരമ്മണാധിപതിയേവ). (൩)

അനന്തരപച്ചയാദി

൨൦. കിലേസോ ധമ്മോ കിലേസസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ കിലേസാ പച്ഛിമാനം പച്ഛിമാനം കിലേസാനം അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ കിലേസാ പച്ഛിമാനം പച്ഛിമാനം നോകിലേസാനം ഖന്ധാനം അനന്തരപച്ചയേന പച്ചയോ; കിലേസാ വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ കിലേസാ പച്ഛിമാനം പച്ഛിമാനം കിലേസാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൨൧. നോകിലേസോ ധമ്മോ നോകിലേസസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോകിലേസാ ഖന്ധാ പച്ഛിമാനം പച്ഛിമാനം നോകിലേസാനം ഖന്ധാനം അനന്തരപച്ചയേന പച്ചയോ…പേ… ഫലസമാപത്തിയാ അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ നോകിലേസാ ഖന്ധാ പച്ഛിമാനം പച്ഛിമാനം കിലേസാനം അനന്തരപച്ചയേന പച്ചയോ; ആവജ്ജനാ കിലേസാനം അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ നോകിലേസാ ഖന്ധാ പച്ഛിമാനം പച്ഛിമാനം കിലേസാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ; ആവജ്ജനാ കിലേസാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൨൨. കിലേസോ ച നോകിലേസോ ച ധമ്മാ കിലേസസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ കിലേസാ ച സമ്പയുത്തകാ ച ഖന്ധാ പച്ഛിമാനം പച്ഛിമാനം കിലേസാനം അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ കിലേസാ ച സമ്പയുത്തകാ ച ഖന്ധാ പച്ഛിമാനം പച്ഛിമാനം നോകിലേസാനം ഖന്ധാനം അനന്തരപച്ചയേന പച്ചയോ; കിലേസാ ച സമ്പയുത്തകാ ച ഖന്ധാ വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ കിലേസാ ച സമ്പയുത്തകാ ച ഖന്ധാ പച്ഛിമാനം പച്ഛിമാനം കിലേസാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

സമനന്തരപച്ചയേന പച്ചയോ, സഹജാതപച്ചയേന പച്ചയോ, അഞ്ഞമഞ്ഞപച്ചയേന പച്ചയോ, നിസ്സയപച്ചയേന പച്ചയോ.

ഉപനിസ്സയപച്ചയോ

൨൩. കിലേസോ ധമ്മോ കിലേസസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കിലേസാ കിലേസാനം ഉപനിസ്സയപച്ചയേന പച്ചയോ… തീണി.

൨൪. നോകിലേസോ ധമ്മോ നോകിലേസസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… മാനം ജപ്പേതി, ദിട്ഠിം ഗണ്ഹാതി; സീലം…പേ… പഞ്ഞം… രാഗം… ദോസം… മോഹം… മാനം… ദിട്ഠിം… പത്ഥനം… കായികം സുഖം…പേ… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ…പേ… സേനാസനം സദ്ധായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

നോകിലേസോ ധമ്മോ കിലേസസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി… ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം കിലേസാനം ഉപനിസ്സയപച്ചയേന പച്ചയോ. (൨)

നോകിലേസോ ധമ്മോ കിലേസസ്സ ച നോകിലേസസ്സ ച ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി… ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം കിലേസാനം സമ്പയുത്തകാനഞ്ച ഖന്ധാനം ഉപനിസ്സയപച്ചയേന പച്ചയോ. (൩)

കിലേസോ ച നോകിലേസോ ച ധമ്മാ കിലേസസ്സ ധമ്മസ്സ ഉപനിസ്സയപച്ചയേന പച്ചയോ… തീണി.

പുരേജാതപച്ചയോ

൨൫. നോകിലേസോ ധമ്മോ നോകിലേസസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നോകിലേസാനം ഖന്ധാനം പുരേജാതപച്ചയേന പച്ചയോ. (൧)

നോകിലേസോ ധമ്മോ കിലേസസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ…പേ… ദോമനസ്സം ഉപ്പജ്ജതി. വത്ഥുപുരേജാതം – വത്ഥു കിലേസാനം പുരേജാതപച്ചയേന പച്ചയോ. (൨)

നോകിലേസോ ധമ്മോ കിലേസസ്സ ച നോകിലേസസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ കിലേസാ ച സമ്പയുത്തകാ ച ഖന്ധാ ഉപ്പജ്ജന്തി. വത്ഥുപുരേജാതം – വത്ഥു കിലേസാനം സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ. (൩)

പച്ഛാജാതാസേവനപച്ചയാ

൨൬. കിലേസോ ധമ്മോ നോകിലേസസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

നോകിലേസോ ധമ്മോ നോകിലേസസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

കിലേസോ ച നോകിലേസോ ച ധമ്മാ നോകിലേസസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം) ആസേവനപച്ചയേന പച്ചയോ …നവ.

കമ്മപച്ചയോ

൨൭. നോകിലേസോ ധമ്മോ നോകിലേസസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നോകിലേസാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നോകിലേസാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

നോകിലേസോ ധമ്മോ കിലേസസ്സ ധമ്മസ്സ കമ്മപച്ചയേന പച്ചയോ – നോകിലേസാ ചേതനാ കിലേസാനം കമ്മപച്ചയേന പച്ചയോ. (൨)

നോകിലേസോ ധമ്മോ കിലേസസ്സ ച നോകിലേസസ്സ ച ധമ്മസ്സ കമ്മപച്ചയേന പച്ചയോ – നോകിലേസാ ചേതനാ സമ്പയുത്തകാനം ഖന്ധാനം കിലേസാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

വിപാകപച്ചയാദി

൨൮. നോകിലേസോ ധമ്മോ നോകിലേസസ്സ ധമ്മസ്സ വിപാകപച്ചയേന പച്ചയോ… ഏകം… ആഹാരപച്ചയേന പച്ചയോ… തീണി… ഇന്ദ്രിയപച്ചയേന പച്ചയോ… തീണി… ഝാനപച്ചയേന പച്ചയോ… തീണി… മഗ്ഗപച്ചയേന പച്ചയോ… നവ… സമ്പയുത്തപച്ചയേന പച്ചയോ… നവ.

വിപ്പയുത്തപച്ചയോ

൨൯. കിലേസോ ധമ്മോ നോകിലേസസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

നോകിലേസോ ധമ്മോ നോകിലേസസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

നോകിലേസോ ധമ്മോ കിലേസസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു കിലേസാനം വിപ്പയുത്തപച്ചയേന പച്ചയോ. (൨)

നോകിലേസോ ധമ്മോ കിലേസസ്സ ച നോകിലേസസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു കിലേസാനം സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ. (൩)

കിലേസോ ച നോകിലേസോ ച ധമ്മാ നോകിലേസസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം. വിത്ഥാരേതബ്ബം.)

അത്ഥിപച്ചയാദി

൩൦. കിലേസോ ധമ്മോ കിലേസസ്സ ധമ്മസ്സ അത്ഥിപച്ചയേന പച്ചയോ… ഏകം (പടിച്ചസദിസം). (൧)

കിലേസോ ധമ്മോ നോകിലേസസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം (സംഖിത്തം). (൨)

കിലേസോ ധമ്മോ കിലേസസ്സ ച നോകിലേസസ്സ ച ധമ്മസ്സ അത്ഥിപച്ചയേന പച്ചയോ (പടിച്ചസദിസം). (൩)

നോകിലേസോ ധമ്മോ നോകിലേസസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). (൧)

നോകിലേസോ ധമ്മോ കിലേസസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം (സംഖിത്തം. സഹജാതം സഹജാതസദിസം, പുരേജാതം പുരേജാതസദിസം.) (൨)

നോകിലേസോ ധമ്മോ കിലേസസ്സ ച നോകിലേസസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം (സഹജാതം സഹജാതസദിസം, പുരേജാതം പുരേജാതസദിസം.) (൩)

൩൧. കിലേസോ ച നോകിലേസോ ച ധമ്മാ കിലേസസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ലോഭോ ച സമ്പയുത്തകാ ച ഖന്ധാ മോഹസ്സ, ദിട്ഠിയാ, ഥിനസ്സ, ഉദ്ധച്ചസ്സ, അഹിരികസ്സ, അനോത്തപ്പസ്സ അത്ഥിപച്ചയേന പച്ചയോ (ചക്കം). സഹജാതോ – ലോഭോ ച വത്ഥു ച മോഹസ്സ, ദിട്ഠിയാ, ഥിനസ്സ, ഉദ്ധച്ചസ്സ, അഹിരികസ്സ, അനോത്തപ്പസ്സ അത്ഥിപച്ചയേന പച്ചയോ (ചക്കം). (൧)

കിലേസോ ച നോകിലേസോ ച ധമ്മാ നോകിലേസസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നോകിലേസോ ഏകോ ഖന്ധോ ച കിലേസോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതാ – കിലേസാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതാ – കിലേസാ ച വത്ഥു ച നോകിലേസാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – കിലേസാ ച സമ്പയുത്തകാ ഖന്ധാ ച പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – കിലേസാ ച സമ്പയുത്തകാ ച ഖന്ധാ കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – കിലേസാ ച സമ്പയുത്തകാ ച ഖന്ധാ രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

കിലേസോ ച നോകിലേസോ ച ധമ്മാ കിലേസസ്സ ച നോകിലേസസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നോകിലേസോ ഏകോ ഖന്ധോ ച ലോഭോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം മോഹസ്സ ച, ദിട്ഠിയാ, ഥിനസ്സ, ഉദ്ധച്ചസ്സ, അഹിരികസ്സ, അനോത്തപ്പസ്സ അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – ലോഭോ ച വത്ഥു ച മോഹസ്സ, ദിട്ഠിയാ, ഥിനസ്സ, ഉദ്ധച്ചസ്സ, അഹിരികസ്സ, അനോത്തപ്പസ്സ സമ്പയുത്തകാനഞ്ച ഖന്ധാനം അത്ഥിപച്ചയേന പച്ചയോ (ചക്കം). (൩)

നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.

൧. പച്ചയാനുലോമം

൨. സങ്ഖ്യാവാരോ

സുദ്ധം

൩൨. ഹേതുയാ ചത്താരി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ തീണി, വിപാകേ ഏകം, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ നവ, സമ്പയുത്തേ നവ, വിപ്പയുത്തേ പഞ്ച, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

പച്ചനീയുദ്ധാരോ