നമോ തസ്സ ഭഗവതോ അരഹതോ സമ്മാസമ്ബുദ്ധസ്സ

അഭിധമ്മപിടകേ

പട്ഠാനപാളി

(പഞ്ചമോ ഭാഗോ)

ധമ്മാനുലോമേ തികതികപട്ഠാനം

൧-൧. കുസലത്തിക-വേദനാത്തികം

൧. സുഖായവേദനായസമ്പയുത്തപദം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧. കുസലം സുഖായ വേദനായ സമ്പയുത്തം ധമ്മം പടിച്ച കുസലോ സുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം സുഖായ വേദനായ സമ്പയുത്തം ധമ്മം പടിച്ച അകുസലോ സുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം സുഖായ വേദനായ സമ്പയുത്തം ധമ്മം പടിച്ച അബ്യാകതോ സുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨. ഹേതുയാ തീണി, ആരമ്മണേ തീണി…പേ… അവിഗതേ തീണി. (സംഖിത്തം…പേ… സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൩. കുസലോ സുഖായ വേദനായ സമ്പയുത്തോ ധമ്മോ കുസലസ്സ സുഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ സുഖായ വേദനായ സമ്പയുത്തോ ധമ്മോ അകുസലസ്സ സുഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ സുഖായ വേദനായ സമ്പയുത്തോ ധമ്മോ അബ്യാകതസ്സ സുഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ. (൧)

കുസലോ സുഖായ വേദനായ സമ്പയുത്തോ ധമ്മോ കുസലസ്സ സുഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ. (സംഖിത്തം.)

൪. ഹേതുയാ തീണി, ആരമ്മണേ നവ. (സംഖിത്തം.)

(യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)

൨. ദുക്ഖായവേദനായസമ്പയുത്തപദം

൧-൭. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാ

൫. അകുസലം ദുക്ഖായ വേദനായ സമ്പയുത്തം ധമ്മം പടിച്ച അകുസലോ ദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം ദുക്ഖായ വേദനായ സമ്പയുത്തം ധമ്മം പടിച്ച അകുസലോ ദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ആരമ്മണപച്ചയാ. (൧)

അബ്യാകതം ദുക്ഖായ വേദനായ സമ്പയുത്തം ധമ്മം പടിച്ച അബ്യാകതോ ദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൬. ഹേതുയാ ഏകം, ആരമ്മണേ ദ്വേ…പേ… അവിഗതേ ദ്വേ. (സംഖിത്തം.) (സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൭. അകുസലോ ദുക്ഖായ വേദനായ സമ്പയുത്തോ ധമ്മോ അകുസലസ്സ ദുക്ഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ ദുക്ഖായ വേദനായ സമ്പയുത്തോ ധമ്മോ അകുസലസ്സ ദുക്ഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ. (൧)

അബ്യാകതോ ദുക്ഖായ വേദനായ സമ്പയുത്തോ ധമ്മോ അകുസലസ്സ ദുക്ഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ. (൧) (സംഖിത്തം.)

൮. ഹേതുയാ ഏകം, ആരമ്മണേ ദ്വേ. (സംഖിത്തം. യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)

൩. അദുക്ഖമസുഖവേദനായസമ്പയുത്തപദം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൯. കുസലം അദുക്ഖമസുഖായ വേദനായ സമ്പയുത്തം ധമ്മം പടിച്ച കുസലോ അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം അദുക്ഖമസുഖായ വേദനായ സമ്പയുത്തം ധമ്മം പടിച്ച അകുസലോ അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം അദുക്ഖമസുഖായ വേദനായ സമ്പയുത്തം ധമ്മം പടിച്ച അബ്യാകതോ അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

൧൦. ഹേതുയാ തീണി, ആരമ്മണേ തീണി…പേ… അവിഗതേ തീണി. (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

൧൧. കുസലോ അദുക്ഖമസുഖായ വേദനായ സമ്പയുത്തോ ധമ്മോ കുസലസ്സ അദുക്ഖമസുഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ അദുക്ഖമസുഖായ വേദനായ സമ്പയുത്തോ ധമ്മോ അകുസലസ്സ അദുക്ഖമസുഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ അദുക്ഖമസുഖായ വേദനായ സമ്പയുത്തോ ധമ്മോ അബ്യാകതസ്സ അദുക്ഖമസുഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൧൨. ഹേതുയാ തീണി, ആരമ്മണേ നവ, അധിപതിയാ സത്ത, അനന്തരേ സത്ത…പേ… ഉപനിസ്സയേ നവ, അവിഗതേ തീണി. (സംഖിത്തം. യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)

൧-൨. കുസലത്തിക-വിപാകത്തികം

൧-൭. പടിച്ചവാരാദി

പച്ചയചതുക്കം

൧൩. അബ്യാകതം വിപാകം ധമ്മം പടിച്ച അബ്യാകതോ വിപാകോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം, ആരമ്മണേ ഏകം…പേ… അവിഗതേ ഏകം. (സംഖിത്തം.)

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൧൪. കുസലം വിപാകധമ്മധമ്മം പടിച്ച കുസലോ വിപാകധമ്മധമ്മോ ഉപ്പജ്ജതി ഹേതുപച്ചയാ. (൧)

അകുസലം വിപാകധമ്മധമ്മം പടിച്ച അകുസലോ വിപാകധമ്മധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ. (സംഖിത്തം.)

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൧൫. കുസലോ വിപാകധമ്മധമ്മോ കുസലസ്സ വിപാകധമ്മധമ്മസ്സ ഹേതുപച്ചയേന പച്ചയോ. (൧)

അകുസലോ വിപാകധമ്മധമ്മോ അകുസലസ്സ വിപാകധമ്മധമ്മസ്സ ഹേതുപച്ചയേന പച്ചയോ. (൧)

കുസലോ വിപാകധമ്മധമ്മോ കുസലസ്സ വിപാകധമ്മധമ്മസ്സ ആരമ്മണപച്ചയേന പച്ചയോ. കുസലോ വിപാകധമ്മധമ്മോ അകുസലസ്സ വിപാകധമ്മധമ്മസ്സ ആരമ്മണപച്ചയേന പച്ചയോ. (൨)

അകുസലോ വിപാകധമ്മധമ്മോ അകുസലസ്സ വിപാകധമ്മധമ്മസ്സ ആരമ്മണപച്ചയേന പച്ചയോ. അകുസലോ വിപാകധമ്മധമ്മോ കുസലസ്സ വിപാകധമ്മധമ്മസ്സ ആരമ്മണപച്ചയേന പച്ചയോ. (൨) (സംഖിത്തം.)

൧൬. ഹേതുയാ ദ്വേ, ആരമ്മണേ ചത്താരി, അധിപതിയാ തീണി, അനന്തരേ ദ്വേ…പേ… സഹജാതേ ദ്വേ, ഉപനിസ്സയേ ചത്താരി…പേ… അവിഗതേ ദ്വേ. (സംഖിത്തം. യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)

൧൭. അബ്യാകതം നേവവിപാകനവിപാകധമ്മധമ്മം പടിച്ച അബ്യാകതോ നേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം, ആരമ്മണേ ഏകം…പേ… അവിഗതേ ഏകം. (സംഖിത്തം.)

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൧-൩. കുസലത്തിക-ഉപാദിന്നത്തികം

൧-൭. പടിച്ചവാരാദി

പച്ചയചതുക്കം

൧൮. അബ്യാകതം ഉപാദിന്നുപാദാനിയം ധമ്മം പടിച്ച അബ്യാകതോ ഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം…പേ… അവിഗതേ ഏകം. (സംഖിത്തം.)

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൧൯. കുസലം അനുപാദിന്നുപാദാനിയം ധമ്മം പടിച്ച കുസലോ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ… തീണി.

അകുസലം അനുപാദിന്നുപാദാനിയം ധമ്മം പടിച്ച അകുസലോ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം അനുപാദിന്നുപാദാനിയം ധമ്മം പടിച്ച അബ്യാകതോ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. (൧)

കുസലം അനുപാദിന്നുപാദാനിയഞ്ച അബ്യാകതം അനുപാദിന്നുപാദാനിയഞ്ച ധമ്മം പടിച്ച അബ്യാകതോ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം അനുപാദിന്നുപാദാനിയഞ്ച അബ്യാകതം അനുപാദിന്നുപാദാനിയഞ്ച ധമ്മം പടിച്ച അബ്യാകതോ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨൦. ഹേതുയാ നവ, അവിഗതേ നവ. (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൨൧. കുസലോ അനുപാദിന്നുപാദാനിയോ ധമ്മോ കുസലസ്സ അനുപാദിന്നുപാദാനിയസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ അനുപാദിന്നുപാദാനിയോ ധമ്മോ അകുസലസ്സ അനുപാദിന്നുപാദാനിയസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ അനുപാദിന്നുപാദാനിയോ ധമ്മോ അബ്യാകതസ്സ അനുപാദിന്നുപാദാനിയസ്സ ധമ്മസ്സ ഹേതുപച്ചയേന പച്ചയോ. (൧)

൨൨. കുസലോ അനുപാദിന്നുപാദാനിയോ ധമ്മോ കുസലസ്സ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… തീണി.

അകുസലോ അനുപാദിന്നുപാദാനിയോ ധമ്മോ അകുസലസ്സ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ അനുപാദിന്നുപാദാനിയോ ധമ്മോ അബ്യാകതസ്സ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… തീണി. (സംഖിത്തം.)

൨൩. ഹേതുയാ സത്ത, ആരമ്മണേ നവ, അവിഗതേ ഏകാദസ. (സംഖിത്തം.)

(യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)

൨൪. കുസലം അനുപാദിന്നഅനുപാദാനിയം ധമ്മം പടിച്ച കുസലോ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം അനുപാദിന്നഅനുപാദാനിയം ധമ്മം പടിച്ച അബ്യാകതോ അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ, അവിഗതേ ദ്വേ. (സംഖിത്തം, സഹജാതവാരമ്പി…പേ… പഞ്ഹാവാരമ്പി സബ്ബത്ഥ വിത്ഥാരോ.)

൧-൪. കുസലത്തിക-സംകിലിട്ഠത്തികം

൧-൭. പടിച്ചവാരാദി

പച്ചയചതുക്കം

൨൫. അകുസലം സംകിലിട്ഠസംകിലേസികം ധമ്മം പടിച്ച അകുസലോ സംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം…പേ… അവിഗതേ ഏകം. (സംഖിത്തം.)

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൨൬. കുസലം അസംകിലിട്ഠസംകിലേസികം ധമ്മം പടിച്ച കുസലോ അസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം അസംകിലിട്ഠസംകിലേസികം ധമ്മം പടിച്ച അബ്യാകതോ അസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ. (൧)

കുസലം അസംകിലിട്ഠസംകിലേസികഞ്ച അബ്യാകതം അസംകിലിട്ഠസംകിലേസികഞ്ച ധമ്മം പടിച്ച അബ്യാകതോ അസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ. (൧)

൨൭. ഹേതുയാ പഞ്ച, അവിഗതേ പഞ്ച. (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ വിത്ഥാരോ.)

൨൮. കുസലം അസംകിലിട്ഠഅസംകിലേസികം ധമ്മം പടിച്ച കുസലോ അസംകിലിട്ഠഅസംകിലേസികോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം അസംകിലിട്ഠഅസംകിലേസികം ധമ്മം പടിച്ച അബ്യാകതോ അസംകിലിട്ഠഅസംകിലേസികോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ…പേ… അവിഗതേ ദ്വേ. (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ വിത്ഥാരേതബ്ബം.)

൧-൫. കുസലത്തിക-വിതക്കത്തികം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൨൯. കുസലം സവിതക്കസവിചാരം ധമ്മം പടിച്ച കുസലോ സവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം സവിതക്കസവിചാരം ധമ്മം പടിച്ച അകുസലോ സവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം സവിതക്കസവിചാരം ധമ്മം പടിച്ച അബ്യാകതോ സവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ തീണി, ആരമ്മണേ തീണി, അവിഗതേ തീണി. (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൩൦. കുസലോ സവിതക്കസവിചാരോ ധമ്മോ കുസലസ്സ സവിതക്കസവിചാരസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ സവിതക്കസവിചാരോ ധമ്മോ അകുസലസ്സ സവിതക്കസവിചാരസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ സവിതക്കസവിചാരോ ധമ്മോ അബ്യാകതസ്സ സവിതക്കസവിചാരസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൩൧. ഹേതുയാ തീണി, ആരമ്മണേ നവ, അവിഗതേ തീണി. (സംഖിത്തം.) (യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം).

൩൨. കുസലം അവിതക്കവിചാരമത്തം ധമ്മം പടിച്ച കുസലോ അവിതക്കവിചാരമത്തോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം അവിതക്കവിചാരമത്തം ധമ്മം പടിച്ച അബ്യാകതോ അവിതക്കവിചാരമത്തോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ, അവിഗതേ ദ്വേ. (സംഖിത്തം.)

(സഹജാതവാരേപി…പേ… സമ്പയുത്തവാരേപി പഞ്ഹാവാരേപി സബ്ബത്ഥ വിത്ഥാരോ.)

൩൩. കുസലം അവിതക്കഅവിചാരം ധമ്മം പടിച്ച കുസലോ അവിതക്കഅവിചാരോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം അവിതക്കഅവിചാരം ധമ്മം പടിച്ച അബ്യാകതോ അവിതക്കഅവിചാരോ ധമ്മോ ഉപ്പജ്ജതി ഹേതുപച്ചയാ. (൧)

കുസലം അവിതക്കഅവിചാരഞ്ച അബ്യാകതം അവിതക്കഅവിചാരഞ്ച ധമ്മം പടിച്ച അബ്യാകതോ അവിതക്കഅവിചാരോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ പഞ്ച, ആരമ്മണേ ദ്വേ, അവിഗതേ പഞ്ച. (സംഖിത്തം. സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൧-൬. കുസലത്തിക-പീതിത്തികം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൩൪. കുസലം പീതിസഹഗതം ധമ്മം പടിച്ച കുസലോ പീതിസഹഗതോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം പീതിസഹഗതം ധമ്മം പടിച്ച അകുസലോ പീതിസഹഗതോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം പീതിസഹഗതം ധമ്മം പടിച്ച അബ്യാകതോ പീതിസഹഗതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ തീണി, ആരമ്മണേ തീണി, അവിഗതേ തീണി. (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൩൫. കുസലോ പീതിസഹഗതോ ധമ്മോ കുസലസ്സ പീതിസഹഗതസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ പീതിസഹഗതോ ധമ്മോ അകുസലസ്സ പീതിസഹഗതസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ പീതിസഹഗതോ ധമ്മോ അബ്യാകതസ്സ പീതിസഹഗതസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

ഹേതുയാ തീണി, ആരമ്മണേ നവ, അധിപതിയാ സത്ത, അനന്തരേ പഞ്ച അവിഗതേ തീണി. (സംഖിത്തം.)

(യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)

൩൬. കുസലം സുഖസഹഗതം ധമ്മം പടിച്ച കുസലോ സുഖസഹഗതോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം സുഖസഹഗതം ധമ്മം പടിച്ച അകുസലോ സുഖസഹഗതോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം സുഖസഹഗതം ധമ്മം പടിച്ച അബ്യാകതോ സുഖസഹഗതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ തീണി, ആരമ്മണേ തീണി, അവിഗതേ തീണി. (സംഖിത്തം. സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൩൭. കുസലം ഉപേക്ഖാസഹഗതം ധമ്മം പടിച്ച കുസലോ ഉപേക്ഖാസഹഗതോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം ഉപേക്ഖാസഹഗതം ധമ്മം പടിച്ച അകുസലോ ഉപേക്ഖാസഹഗതോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം ഉപേക്ഖാസഹഗതം ധമ്മം പടിച്ച അബ്യാകതോ ഉപേക്ഖാസഹഗതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ തീണി, അവിഗതേ തീണി. (സംഖിത്തം.)

(സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൧-൭. കുസലത്തിക-ദസ്സനത്തികം

൧-൭. പടിച്ചവാരാദി

പച്ചയചതുക്കം

൩൮. അകുസലം ദസ്സനേന പഹാതബ്ബം ധമ്മം പടിച്ച അകുസലോ ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം…പേ… അവിഗതേ ഏകം. (സംഖിത്തം.)

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൩൯. അകുസലം ഭാവനായ പഹാതബ്ബം ധമ്മം പടിച്ച അകുസലോ ഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ഏകം…പേ… അവിഗതേ ഏകം. (സംഖിത്തം.)

൪൦. കുസലം നേവദസ്സനേന നഭാവനായ പഹാതബ്ബം ധമ്മം പടിച്ച കുസലോ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം നേവദസ്സനേന നഭാവനായ പഹാതബ്ബം ധമ്മം പടിച്ച അബ്യാകതോ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ. (൧)