൬൦. ആഹാരത്ഥാ

അജ്ഝോഹാരത്ഥാ ആധാരേ ക്തോ ഹോതി യഥാപത്തഞ്ച. ഭുത്തവന്തോ+സ്മിന്തി ഭുത്തം. ഏവം പീതം, ‘‘ഗാപാന+മീ’’തി ഈ. ഭുഞ്ജനം ഭുത്തം പാനം പീതം. ഭുഞ്ജീയിത്ഥാതി ഭുത്തോ ഓദനോ. ഏവം പീതം ഉദകം. അകത്തത്ഥം ഭിന്നയോഗകരണം. ബഹുലാധികാരാ കത്തരിപി ‘‘അപിവിംസൂതി പീതാ ഗാവോ’’തി ഹോതേവ. സിദ=പാകേ, പസ്സിജ്ജീതി പസ്സന്നോ, ‘‘ഗമനത്ഥ’’ ദിനാ ക്തോ, ‘‘ഭിദാ’’ ദിനാ തസ്സ നോ പരരൂപഞ്ച. അമഞ്ഞിത്ഥാതി മതോ. ഇച്ഛീയിത്ഥാതി ഇട്ഠോ. അബുജ്ഝിതാതി ബുദ്ധോ, ‘‘ധോ ധഹഭേഹീ’’തി തസ്സ ധോ. പൂജീയിത്ഥാതി പൂജിതോ, ചുരാദിത്താ ണി. ഏവം സീലീയിത്ഥാതി സീലിതോ. രക്ഖീയിത്ഥാതി രക്ഖിതോ. ഖമീയിത്ഥാതി ഖന്തോ, മസ്സ നിഗ്ഗഹീതം. അക്കോച്ഛീയിത്ഥാതി അക്കുട്ഠോ, ആസ്സ രസ്സോ. രുസ=രോസേ, അരോസീതി രുട്ഠോ, ‘‘ഗമനത്ഥാ’’ ദിനാ കത്തരി ക്തോ. ഞിമ്ഹി രുസിതോ. ഹര=ഹരണേ, അഭി+ വി+ആപുബ്ബോ, അഭിബ്യാഹരീയിത്ഥാതി അഭിബ്യാഹടോ. ദയ=ദാനഗതിഹിംസാദാനേസു, അദയീയിത്ഥാതി ദയിതോ. ഹസ=ആലിക്യേ, അഹസീതി ഹട്ഠോ. കാമീയിത്ഥാതി കന്തോ, ‘‘ണിണാപീനം തേസൂ’’തി ഏത്ഥ ‘‘ണിണാപീനം’’തി യോഗവിഭാഗാ ചുരാദിണിലോപോ. സംയമീതി സംയതോ. നഞപുബ്ബോ, ന മരീതി അമതോ, നഞസമാസേ നസ്സ ടോ.

കട്ഠം ദുക്ഖം ആപന്നോതി ഫലഭൂതേ ദുക്ഖേ കട്ഠസദ്ദസ്സ വത്തനതോ ഫലസ്സ ഭാവിത്താ ഭൂതേയേവ ക്തോ. കസ=ഗതിഹിംസാവിലേഖനേസു, അകസി=ഹിംസീതി കട്ഠം.