൧൫൦. ഭിദാദിതോ നോ ക്ത+ക്തവന്തൂനം

ഭിദാദീഹി പരേസം ക്ത+ക്തവന്തൂനം തസ്സ നോ ഹോതി. ആകതിഗണോ+യം. ‘‘ക്തോ ഭാവകമ്മേസൂ’’തി കമ്മേ ഉപരി സബ്ബത്ഥ ക്തോ. ഭിജ്ജിത്ഥോതി ഭിന്നോ, തസ്സ നേ പരരൂപം. അഭിന്ദീതി ഭിന്നവാ, ‘‘കത്തരി ഭൂതേ’’ ച്ചാദിനാ ക്തവന്തു. ഏവ+മുപരിപി. ഛിജ്ജിത്ഥാതി ഛിന്നോ. അഛിന്ദീതി ഛിന്നവാ. ഛദ=അപവാരണേ, ഛാദീയിത്ഥാതി ഛന്നോ. അഛാദയീതി ഛന്നവാ, ചുരാദിത്താ ണി, തസ്സ ‘‘ണിണാപീനം തേസൂ’’തി ഏത്ഥ ‘‘ണി’’ ഇതി യോഗവിഭാഗാ ലോപോ. ഖിദ=അസഹനേ, ഖിജ്ജീതി ഖിന്നോ ഖിന്നവാ, കത്തരി. ഏവ+മുപരിപി. ഉപ്പജ്ജീതി ഉപ്പന്നോ ഉപ്പന്നവാ. സിദ=പാകേ, അസിജ്ജീതി സിന്നോ സിന്നവാ. സദ=വിസരണഗത്യ വസാദനാദാനേസു, സിദീതി സന്നോ സന്നവാ. പീനീതി പീനോ പീനവാ. സൂ=പസവേ, സൂനീതി സൂനോ. പസവീതി സൂനവാ. ദീ=ഖയേ, ദീയീതി ദീനോ ദീനവാ. ഡീ+ലീ=ആകാസഗമനേ, ഡീയീതി ഡീനോ ഡീനവാ. ലീയി ലേയി അലീയീതി ലീനോ ലീനവാ. അലുയീതി ലൂനോ ലൂനവാ.