൩,൧൦൧. ഛസ്സ സോ

ഛസ്സ സോ-ഇച്ച+യ+മാദേസോ ഹോതി സേ പരേ. സോളസ സോരസ. സത്തരസ സത്തദസ. ‘‘ഏകട്ഠാന+മാ’’തി ആ, അട്ഠാരസ അട്ഠാദസ.

ഊനാ ച സാ വീസതി ചാതി ‘‘വിസേസന+മേകത്ഥേനേ’’തി വിസേസനസമാസേ ‘‘ഇത്ഥിയം ഭാസിതപുമി+ത്ഥീ പുമേ+വേകത്ഥേ’’തി പുമത്തേ ച കതേ ഏകേന ഊനാ വീസതീതി തതിയാസമാസേ ഏകൂനവീസതി.

വീസതിആദയോ ആനവുതിയാ ഇത്ഥിലിങ്ഗേ+കവചനാ. ഭോ ഏകൂനവീസതി. ഏകൂനവീസതിം. ഏകൂനവീസത്യാ ഏകൂനവീസതിയാ. ഏകൂനവീസത്യം ഏകൂനവീസതിയം ഏകൂനവീസത്യാ ഏകൂനവീസതിയാ. മതിസമം.

ഏവം വീസതി, ഏകവീസതി, ദ്വാവീസതി ബാവീസതി, തേവീസതി ചതുവീസതിപ്പഭുതയോ. പണ്ണആദേസേ പണ്ണവീസതി പഞ്ചവീസതി. ഏവം ഛബ്ബീസതി, സത്തവീസതി, അട്ഠവീസതി.

ഏകേന ഊനാ തിംസതി തിംസാ വാതി ഏകൂനതിംസതി ഏകൂനതിംസാ വാ. കരണേ ഏകൂനതിംസായ. ഏകൂനതിംസായ, ഏകൂനതിംസായ, ഏകൂനതിംസായ, ഏകൂനതിംസായം. ഏവം തിംസതിണിംസാവഭുതയോ. തിംസാസദ്ദസ്സ പന സിലോപേ ‘‘ദീഘസ്സോ’’തി യോഗവിഭാഗാ രസ്സോ, തിംസ. നിഗ്ഗഹീതാഗമോ, തിംസം. ഭോതിംസേ+ച്ചാദി പുമേവ.

ചത്താലീസാദീസുപി യഥാസമ്ഭവം ഏവമേവ. ദ്വിത്തേ ഏകത്തിംസതി ഏകത്തിംസാ. രസ്സദ്വിത്തേ ദ്വത്തിംസതി ദ്വത്തിംസ. ഏവം തേത്തിംസതി തേത്തിംസാദയോ യാവ ഏകൂനചത്താലീസതി ഏകൂനചത്താലീസാ. ചത്താലീസായ സിമ്ഹി ചത്താരീസാ ചത്താലീസാ ചത്താലീസം, ഭോ ചത്താലീസേ+ച്ചാദി ഹോതി. ഏവം ഏകചത്താരീസാ.